Arbaco, October, 17, 2018 (HOL)- Guddoomiyaha
Golaha Shacabka dowladda Soomaaliya ayaa ka dalbaday ciidamada amaanka dowladda
Soomaaliya in ay dhowrnaa xasaannada xildhibaanka, kaddib markii ciidamo ka
tirsan kuwa nabad-galyada is hortaag ku sameeyeen xildhibaanno gali lahaa
xarunta Baarlamaanka.
Xildhibaan Mahad Salaad oo ka mid ahaa
mudanayaasha baarlamaanka ee leyska hortaagay maanta in ay u gudbaan dhinaca
xarunta Golaha Shacabka ayaa sheegay in markii uu ciidamada la siiyay jawaab
aan habooneyn.
Guddoomiyaha Baarlamaanka ayaa ka codsaday
guddiyada amniga iyo difaaca Golaha Shacabka inay baaritaan dhab ah ku
sameeyaan ishor-istaaga maanta lagu sameeyay Xilhibaanada Golaha Shacabka.
Xildhibaannada ka cabanaya ciidamada ee sheegay
in la handaday ayaa waxaa ka mid ah Xildhibaan Mahad Salaad, Axmed Macalin Fiqi
C/ fitaax Ismaaciil Daahir, C/Qaadir Maxamuud Cismaan, ayaa Gudoomiyaha
Baarlamaanka u gudbiyay dacwad ka dhan ah Ciidamada Ammaanka.
Kulanka waxaa maanta xaadiray 145 ka mid ah 276da
Xildhibaan ee Golaha Shacabka Soomaaliya,
C/raxmaan Diini, Hiiraan
Online
[email protected]
