Arbaco, October, 17, 2018 (HOL) – Taliska
millitariga Soomaaliya ayaa sheegay in howlgal ay ciidamada ka sameeyeen
deegaanno ka tirsan gobolka Shabeellaha Dhexe ku bur buriyeen Dooman ay
leeyihiin Al-shabaab.
Taliyaha ciidamada xoogga dalka General Daahir
Aadan Cilmi Indha Qarshe oo arintan ka
hadlayay ayaa yiri“Doonyo waxay sameysteen oo yar yar, oo biyaha ay uga kala
gudbaan, doonyihii qaar waan gubnay qaarna gacanta ayaan ku dhignay, waxaa ay
mar walba dhibaateeyaan shacabka beeraleyda ah, balse annaga kama yeeli doono
arrintaasi, hawlgalada waxay ka socdaan qeybo badan oo ka mid ah gobolada
dalka, waxaan dhawaan isku furnay wadooyin badan oo horey Shabaab ay
go’doomiyeen”.
Wuxuu sheegay in howlgaladan socda yihiin kuwo
sida uu hadaalka u dhigay taliyaha ciidamada xoogga dalka Soomaaliyeed
ciribtirayo deegaannada ay ka maamulaan gobolllada dalka Soomaaliya.
‘’Waad ogtihiin hadda gobolka Hiiraan jidad ayaa
la furay, kuma ekaan doonno Hirshabeelle ee sidoo kale howlgalkan waxaa uu ka bilaaban
doonaan Kismaayo, waxaa uu ka bilaaban doonaan Baay, iyo guud ahaanba
deegaannada ay ku sugan yihiin Al-shabaab ayuu yiri taliyaha.
Ciidamada xoogga dalka ayaa laba jibaaray
hawlgalada ka dhanka ah Ururka Al Shabaab, waxayna dhawaan ku guuleysteen inay
isku furaan wadooyin ay go’doomiyeen Shabaab, islamarkaana la wareegaan
deegaano muhiim ah.
C/raxmaan Diini, Hiiraan
Online
[email protected]