Arbaco, October, 17, 2018 (HOL) – Madaxweynaha dowladda
Mareykanka Donald Trump ayaa dhaliilay eedeynta soo kordheysa ee loo jeedinayo
dalka Sacuudi Carabiya ee ku aaddan wariyihii la waayey ee Jamal Khashoggi.
Trump oo la hadlay wakaalada wararka ee Associate
Press shaley ayaa sheegay in aadan danbiile ahayn, illaa dambi lagugu helo,
isaga oo u duurxulayo dadka Sucuudiga eedda loo jeedinayo.
Madaxweynaha Mareykanka Donald Trump ayaa arrinta Sucuudiga loogu eedeynayo
wariyihi boqortooyada mucaaradka ku ahaa ee la waayey 2-di bishan ka dib marki
uu galey qunsuliyada Sucuudiga ee Istanbul Turki, waxaa uu barbardhigey
eedeymihii isku-deyga kufsi ee lagu soo eedeyey garsoorihi uu isagu u xuley
maxkamada sare ee Mareykanka, Brett Kavanuagh oo warbaahinta caalamka mudo
haysatey.
Wareysigan ayaa la siidayey ka dib marki uu
Wasiirka Arrimaha Dibada ee Mareykanka, Mike Pompe uu la kulmey boqorka Sucuudi
Carabiya, Salman ibnu Cabdicasiis iyo dhaxalsugaha, Maxamed Bin Salman, Wasiirka
ayaa madaxda Sucuudiga kala hadlayey arrinta Jamal Khashoggi.
Inkastoo Mareykanku difaacay dowladda Sacuudiga,
haddana dhinaca kale waxaa sii kordhaya cadaadiska caalamiga ah ee lagu hayo
Boqortooyada Sacuudiga oo dhinaceeda wali ka war-wareeganeysa in ay bixiso
tafaasiil rasmi ah oo la xariirta waxa ku dhacay Wariye Jamal Khashoggi.
C/raxmaan
Diini, Hiiraan Online
[email protected]