Talaado, October, 16, 2018
(HOL)- Ra’iisal wasaaraha dalka Itoobiya
Abiy Ahmed ayaa magacaabay xubno gole wasiirro cusub, waxaana ka soo dhax
muuqday golaha cusub ee wasiirrada xubno horey xilal u hayay laakiin hadda loo
magacaabay wasarraddo kale.
Axmed Shide oo horay u ahaa wasiirka Isgaarsiinta Itoobiya ayaa
loo magacaabay wasiirka maaliyada Itoobiya, waxaana uu xilka ka badalayaa oo
horay u hayay Abraham Tekeste.
Abiy Ahmed ayaa sidoo kale
magacaabay 20 Wasiir , waxaana ka mid ah golahan cusub 9 haween ah, iyadoo
markii ugu horeysay qof dumar ah loo magacaabay wasiirka difaaca Itoobiya oo
loo magacaabay Casha Mahomed.
Waa tiradii ugu badneyd oo ay
haweenka ka helaan golaha wasiirradda Itoobiya, golaha wasiirradda ayaa sidoo
kale waxaa ka mid ah Wasiirka Wasaarradda Nabada oo loo magacaabay in uu noqdo Mrs
Mulietat Kamil, waana wasaarrad ku cusub golaha xukuumadda Itoobiya.
Tirada haweenka ayaa marka la
eego waxaa la oran karaa waa ku dhawaad kala bar guud ahaan golaha
wasiirradda lagu dhawaaqay.
Golaha Wakiillada ayaa ansixiyay dhammaan magacaabidda golaha Wasiiradda
cusub, is badalkanna waxaa uu imanayaa xili uu dalka uu wajahayo qalalaase
siyaasadeed meelaha qaar oo ku saleysan
qowmiyado.
C/raxmaan Diini, Hiiraan Online
[email protected]
