Jimco, October, 12, 2018 (HOL) – Madaxweynaha
Jamhuuriyadda federaalka ah ee Soomaaliya Maxamed Cabdullaahi Farmaajo ayaa hambalyo ku
aadan xuska Maalinta Calanka oo ku beegay 12-ka October u diray dhamaan
Shacabka Soomaaliyeed.
“Waxaan hambalyo ku aaddan xuska maalinta calanka
u dirayaa dhammaan shacabka Soomaaliyeed meel walba oo ay joogaan”ayuu yiri
Madaxweynaha dalka.
Madaxweynaha Soomaaliya Maxamed
Cabdullaahi Farmaajo ayaa sidoo kale sheegay in kor u yeelidda calanka
Soomaaliyeed lagu soo bixiyey juhdi badan, islamarkaana lagama maarmaan ay
tahay sidii loo soo celin lahaa taariikhda calankeena uu ku lahaa caalamka.
“Kor yeelidda calankeenna waxaa lagu bixiyay
dhiig iyo dhaqaale, waana waajib ina saaran dhammaan inaan soo celinno sharafkii
iyo karaamadii uu ku dhex lahaa fagaareyaasha caalamka” sidaasi waxaa yiri
Madaxweyne Farmaajo.
Magaalada Muqdisho ayaa maanta lagu qabtay
munaasabad lagu xusayay sanadguurada 64aad ee markii la sameeyay calanka
Soomaaliyeed oo ay soo qaban qaabisay wasaarada dhalinyarada.
C/raxmaan Diini, Hiiraan
Online
[email protected]
