10/22/2018
Today from Hiiraan Online:  _
Wararka Maanta- Jimco, Oct 12, 2018
Warbaahinta reer galbeedka oo qaadacday ka qeybgalka shir ka dhici lahaa magaalada Riyaad


 

Jimco, October, 12, 2018 (HOL) – Shrikadaha warbaahinta ayaa isaga baxaya ka qeybgalka shirk u saabsan maalgashiga oo lagu waday in uu ka dhaco magaalada Riyaadh ee dalka Sucuudiga sababo la xiriira walaac ay shirkadahaasi ka muujiyeen weriye u dhashay Sucuudiga oo la la'yahay.

Jamal Khashoggi ayaa la waayay meel uu jaan iyo cirib dhigay muddo haatan laga joogo toban maalmood kaddib markii uu booqday qunsuliyadda Sucuudigu ku leeyahay gudaha magaalada Istaanbuul ee dalka Turkiga.

Shirkadahan warbaahineed oo ay ka mid yihiin wargeysyada The New York Times, iyo the Economist, ayaa la sheegayaa in ay go'aansadeen in aysan ka qeyb galin kulankaasi oo lagu wado in ay ka soo qeybgalaan ganacsatada dunida ugu caasnan.

Tan iyo markii la wayaay meel uu jaan iyo cirib dhigay Jamaal Khashoggi, saraakiisha sar-sare ee Sucuudigu waxa ay go'aansadeen in aysan ka hadlin arrinta weriyahan, waxaase dhammaantood ay beeninayeen suurtagalnimada in la qafaashay kaddibna la dilay.

Balse safiirka Sucuudiga u fadhiya London Maxamed Bin Nawaf Al-Sacuud ayaa BBC-da u sheegay in uu jeclaan lahaa in uu ogaado xaaladda dhabta ah ee weriyahaasi balse ay tahay in uu ka war sugo natiijada baaritaan wada jir ay u sameynayaan waddamada Sucuudiga iyo Turkiga.

Cadaadiska ayaa haatan ku sii kordhaya dowladda Sucuudiga, waxaana haatan ay shaaciyeen shirkadaha warbaahinta ee reer galbeedku in aysan ka qeybgali doonin shir dhaqaalaha looga hadlayo oo la filayo in uu ka dhaca magaalada Riyaad maalmo gudahood.

Balse mar sii horreysay ayaa madaxweyne Trump waxa uu sheegay in arrinta weriyanah awgeed uusan diyaar u ahayn in uu hakiyo heshiis Mareykanka uu hub uga iibinayay Sucuudiga, kaa oo uu ku baxayo in kabadan boqol bilyan oo dollar.

Waxa uu Trump sheegay in haddii uu hakiyo heshiiskaasi ay ka dhigan tahay in shaqo la;aan baahsan ay soo wajaheyso Mareykanka.

Haseyeeshee hadalkaasi Trump waxaa dhaliilay xildhibaan ka tirsan aqalka Senate-ka ee Mareykanka oo lagu magacaabo, Chris Van Hollen, kaa oo sheegay in wax laga xumaado ay tahay in maamulka Trump uu indhaha ka qabsado ficillada Sucuudiga oo loo ogolaado in Sucuudigu uu sameeyo waxa uu doonayo.

Wasiirka arrimaha dibadda ee Britain ayaa dhankiisa sheegay in uu aad uga walaacsan yahay xaaladda weriyahan Sucuudiga u dhashay ee markii ugu dambeysay lagu arkay gudaha qunsuliyadda Sucuudigu ku leeyahay Istaanbuul.

Jamaal Khashoggi ayaa qoraalladiisa iyo wareysiyada uu siiyo warbaahinta aad ugu dhaliili jiray dowladda Sucuudiga waxa uuna muddo ahaa nin aad ugu dhow boqortooyada ka hor inta uusan iskiis musaafuris u aadin dalka Mareykanka.

Xigasho/BBC







Click here
10/12/2018 3:40 PM EST
Jimco, October, 12, 2018 (HOL) – Kaddib munaasabad kooban oo ka dhacday magaalada Nairobi ee dalka Kenya ayeey dowladda Soomaaliya kula soo wareegtay qalabkii ugu danbeeyay ee kontaroolka hawadda Soomaaliya.

10/12/2018 1:06 PM EST
Jimco, October, 12, 2018 (HOL) – Maxkamad ku taalla dalka Turkiga ayaa wadaad diinta kirishtanka faafiya oo Mareykan ah ku heshay dambi argagixisanimo, hase yeeshee xukuntay in labadii sano ee uu xabsiga ku jiray ay la macno tahay inuu waqtigiisa qaatay oo uu dalka ka bixio karo.

10/12/2018 12:57 PM EST
Jimco, October, 12, 2018 (HOL) – Madaxweynaha Jamhuuriyadda federaalka ah ee Soomaaliya Maxamed Cabdullaahi Farmaajo ayaa hambalyo ku aadan xuska Maalinta Calanka oo ku beegay 12-ka October u diray dhamaan Shacabka Soomaaliyeed.

10/12/2018 10:46 AM EST
Jimco, October, 12, 2018 (HOL)–Ra’iisul Wasaaraha Talyaaniga Giuseppe Conte ayaa booqasho rasmi ah ku maraya dalalka Eritrea iyo Itoobiya, isaga oo booqasho ku tagay caasimadaha labada dowladood.

10/12/2018 6:48 AM EST
Jimco, October, 12, 2018 (HOL) –Iyadoo hal sano laga joogo qaraxii lagu hoobtay ee 14kii Octobar ee sanadkii hore ka dhacay Isgoyska Zoobe ayeey dowladda Soomaaliya sheegtay in la xusuusan doono mahadhooyinkii laga dhaxlay qaraxa.

10/12/2018 6:39 AM EST
Jimco, October, 12, 2018 (HOL)–Guddiga difaaca baarlamaanka Soomaaliya ayaa sheegay ay jirto habacsanaan dhinaca amniga, kaddib warbixin ay baarlamaanka ka siiyeen amaanka guud ahaan dalka.

10/12/2018 2:21 AM EST
Jimco, October, 12, 2018 (HOL)– Waxaa isa soo tareysa cambaareyn caalami ah loo jeedinayo dalka Saudi Arabia oo ilaa iyo hadda aan war ka soo saarin halka uu ku danbeeyay wariye Jamal Khashoggi oo markii ugu wardanbeysay ku sugnaa Qunsuliyada Sacuudiga ee dalka Turkiga.