10/19/2018
Today from Hiiraan Online:  _
Wararka Maanta- Arbaco, Oct 10, 2018
Soomaaliya oo qorsheyneysa in ay ka mid noqoto heshiiska caalimiga ah ee biyaha la wadaago



Arbaco, October, 10, 2018 (HOL)– Magaalada Astana ee caasimadda dalka Kazakhstan waxaa maanta ka furmay shir caalami ah oo looga hadlaayey arrimaha biyaha ay dalalku wadaagaan ee ku jira webiyada caalamiga ah.

Shirka waxaa uu ku saabsanaa heshiiska caalamiga ah ee nidaamiya biyaha ay dalalka wadaagaan, waxaana si rasmi ah u furay madaxweynaha dalka Kazakhstan Md. Nursultan Nazarbajev.

Madaxda kale ee shirkan ka hadlay waxaa ka mid ah ku-xigeenka ra’iisal wasaarada dalka Kazakhstan ahna Wasiirka Beeraha Umirzak Shukeyev.

Shirka oo socon doona saddex maalmood waxaa ka soo qeyb galay boqolaal qofood oo ay ku jiraan wasiiro iyo madax kale oo ka kala socotay dalala badan oo ay ka mid ahaayeen dalalka Afrikaan iyo wadamada kale ee qaaradda Yurub iyo Aasiya, iyo sidoo kale hey’adaha caalamiga ee Qaramada Midoobay iyo kuwa qaaradda Yurub, iyo sidoo kale Bangiyada Caalamiga iyo dalalka deeq-bixiyayaasha.

Shirkan oo ah kii siddeedaad ee loo qabtay dalalka xubnaha ka ah heshiiska biyaha waxaa dalalkii lagu casumay ka mid ahaa dalka Soomaaliya. Muhiimadda shirka waxa uu ahaa sidii loo sii kordhin lahaa tirada dalalka caalamka ee heshiiskaasi ku jira, iyo sidii loo horumarin lahaa dhaqan gelinta heshiiskaasi.

Waxaana ka qeyb galay wafdi balaaran oo ka socday dalka Soomaaliya oo ka kooban sagaal qofood oo uu hogaaminaayo Agaasimaha Guud ee Wasaaradda Tamarta iyo Kheyraadka Biyaha ee Dowladda Soomaaliya, C/waaxid Ibraahim Axmed.

Agaaso,aja oo hadalo kooban ka jeediyey shirka, ayaa sheegay muhiimadda uu shirkan u leeyahay dalka Soomaaliya, maaddaama ay Soomaaliya diyaar u tahay in ay wax ka ogaato heshiisyada caalamiga ah ee nidaamiya biyaha ay dalalka wadaagaan iyo sida ay Soomaaliya uga mid noqon laheyd heshiiska biyaha.

Wafdiga Soomaaliyeed waxa ay ka qeyb qaateen qeybaha kala duwan ee shirkaas, waxayna halkaasi ka soo kororsadeen aqoon dheeraad ah oo ku saabsan arrimaha maamulka, maalgelinta iyo horumarka biyaha, waxayna sidoo kale sii adkaayeen xiriirka ay Soomaaliya la leedahay hey’ada caalamiga iyo dalalka dibedda.

Wafdiga Soomaaliyeed ee shirkaasi ka qeyb galay waxaa u suurta gashay in ay la kulmaan madax kala duwan oo shirkaasi ka qeyb gashay.

Waxaa sidoo kale shirkaasi ka hadlay Dr. C/laahi Cilmi Maxamed oo ah xeel-dheere dhinaca arrimaha biyaha dalka Soomaaliya. Dr. C/laahi waxaa uu soo bandhigay arrimaha la xiriira webiyada Juba iyo Shabeelle ee dalka Soomaaliya iyo xaaladda ay ku sugan yihiin, iyo sida loogu baahan yahay in dalalka wadaaga webiyadaasi ay u yeeshaan wada-shaqeyn iyo iskaashi ku saabsan sidii loo wadaagi lahaa kheyraadka biyo ee webiyadaas.

C/raxmaan Diini, Hiiraan Online
[email protected]







Click here
10/10/2018 4:53 PM EST
Arbaco, October, 10, 2018 (HOL)–Waxaa soo baxaya shaki laga muujinayo dib u dhaca ku yimid magacaabista guddiga doorashada madaxweynaha maamulka Koonfur Galbeed sida uu maanta kulan ka dhacay Baydhabo uu ka hor sheegay Mukhtaar Rooboow.

10/10/2018 1:42 PM EST
Arbaco, October, 10, 2018 (HOL) –Al-shabaab ayaa sheegay in ay meel fagaaro ah ku dileen Cawaale Axmed Maxamed oo 32 sano ah jir ah, waxaa ay sheegeen in uu Basaasayay Cawaale Sirdoonka Britain, MI6.

10/10/2018 1:00 PM EST
Arbaco, October, 10, 2018 (HOL) –Warar koox la tuhusan yahay in ay ka tirsan yihiin Al-shabaab ay ku qaadeen deegaanka Carabiya ee gobolka Waqooyi Bari Kenya, ayeey ku dileen sida la xaqiijinayo labo Macallimiin ka tirsan deegaanka, iyaga oo sidoo kalana dab qabadsiiyay mid ka mid ah gur-yaha macalimiinta.

10/10/2018 8:20 AM EST
Arbaco, October, 10, 2018 (HOL)- Ra’iisul wasaaraha xukuumadda federaalka ah ee Soomaaliya, Xasan Cali Khayre ayaa maanta qasriga boqortooyada kula kulmay boqorka dalka Sucuudiga, Boqor Salman bin Abdulaziz Al Saud.

10/10/2018 8:08 AM EST
Arbaco, October, 10, 2018 (HOL) -Madaxweyne Muuse Biixi ayaa si rasmi ah u daah-furay shirweyne lagu falanqaynayo guulihii ay Somaliland gaadhay muddadii 27-ka sano ahayd ee ay jirtey iyo caqabadihii soo wajahay, kaas oo ay kasoo qayb-galeen wafuud caalami ah oo ka socota dalal kala duwan oo dunida ah, hay’addo diblomaasiyiin, siyaasiyiin, safiirro, shirguddoonka goleyaasha guurtida iyo wakiillada, xildhibaanno, hoggaanka axsaabta qaranka, , haldoor ka socday dalalka Jaarka ee Jabuuti iyo Itoobiya iyo marti-sharaf kale oo aad u tiro badan.

10/10/2018 5:59 AM EST
Arbaco, October, 10, 2018 (HOL)- Maxkamadda Darajada Koowaad ee Ciidamada Qalabka Sida ayaa xukuntay labo nin oo lagu soo eedeeyay inay ka tirsanayeen Al-Shabaab, gaar ahaan qeybta loo yaqaano Amniyaadka ee fulisa dilalka qorsheysan.

10/10/2018 5:44 AM EST
Arbaco, October, 10, 2018 (HOL)- Fadhiggii xildhibaannada Golaha Shacabka ay maanta ku yeesheen xaruntooda magaalada Muqdisho magaalada Muqdisho ayaa waxaa hadal ka hor jeediyay wasiiru-dowlaha wasaarradda Maaliyada xukuumadda Soomaaliya Maxamuud Xayir Ibraahim oo raaligalin siiyay dadka ku hadla afka Maay’ga.

10/10/2018 5:25 AM EST
Arbaco, October, 10, 2018 (HOL)- Madaxweynaha maamulka Hirshabeelle Maxamed Cabdi Waare ayaa waxaa uu sheegay in maamulka Hirshabeelle uusan qeyb ka aheyn shirar u dhaxeeyay maalmihii lasoo dhaafay Madaxda maamul goboleedyadda.

10/10/2018 12:58 AM EST
Arbaco,October, 10, 2018 (HOL)-Guddoomiyihii hore ee xilka laga qaaday ee Baarlamaanka Galmudug Cali Gacal Casir laakiin ka biyo diidan xil ka qaadistiisa ayaa sheegay in magaalada Cadaado ay ku dooranayaan sida uu hadalka u dhigay madaxweyne cusub oo yeelanayo maamulka Galmudug.

10/10/2018 12:32 AM EST
Arbaco, October, 10, 2018 (HOL)-Xildhibaannada Golaha Shacabka Soomaaliya ayaa maanta magaalada Muqdisho ku yeelanaya kulan qeyb ka ah kulamo is daba –jooga oo maalmihii aynu soo dhaafnayba ay ku lahaayeen xarunta Golaha Shacabka.