Arbaco, October, 10, 2018 (HOL) –Al-shabaab
ayaa sheegay in ay meel fagaaro ah ku dileen Cawaale Axmed Maxamed oo 32 sano
ah jir ah, waxaa ay sheegeen in uu Basaasayay Cawaale Sirdoonka Britain, MI6.
Cawaale iyo afar kale oo dhalinyaro
ah ayeey maalintii shalay Al-shabaab ku toogteen meel fagaaro ah degmada Jilib
ee gobolka Jubbada dhexe, sida uu sheegay Maxamed Abu Cadalla oo ka tirsan
saraakiisha Al-shabaab.
Raggan la toogtay oo dhamaantood
dhalinyaro ahaa ayaa lagu eedeeyay in u kala basaasayeen sirdoon ka,
Soomaaliya, UK, iyo Mareykanka, hasse ahaatee dhinacydan oo dhan wax war ah
kama aysan soo saarin waxa ka jira eedeynta Al-shabaab.
Ma’aha markii ugu horeysay oo ay
Al-shabaab meel fagaaro ah ku dilaan ama ku toogtaan rag ku eedeysay in ay
ahaayeen basaas ku xiran dowladda Soomaaliya iyo dalalka shisheeye ee taageera
dowladda Soomaaliya.
C/raxmaan Diini, Hiiraan
Online
[email protected]