11/17/2018
Today from Hiiraan Online:  _
Wararka Maanta- Jimco, Nov 9 , 2018
Ku dhawaad 20 ruux oo ku dhimatay Qaraxyo ka dhacay magaalada Muqdisho


 

Jimco, November, 09, 2018 (HOL)– Labo Qarax oo is xig xigay ayaa dilay ku dhawaad 20 ruux magaalada Muqdisho, gaar ahaan hotelka Saxafi oo ka soo horjeeda xarunta Danbi- barista CIDA-da.

Wax ka yar 20 daqiiqo kaddib sidoo kale isla goobta waxaa ka dhacay Qaraxii saddexaad sida ay sheegeen dad goobjoogayaal ah.

‘’Dadka dhintay waxey u badnaayeen dad rayid ah oo la socday gaadiidka dadweynaha oo markaa waddada marayay, ‘’ sidaa waxaa yiri Ali Nur oo u hadlay Booliiska Soomaaliya.

Wariyayaal tagay goobta ayaa sheegay in ay arkeen meydadka ilaa 20 ruux, la socday gaadiid kala duwan oo goobta marayay, sidoo kale waxaa jiray dhaawacyo ay qaadeen shaqaalaha gargaarka deg dega ah.

Sarkaal u hadlay Booliiska ayaa sheegay in bartilmaameedka Qaraxan uu ahaa hotelka Saxafi oo ka soo horjeeda xarunta Dabi –baarita.

Hotelka Saxafi ayaa wax badan ka fogeyn Isgoyska Zoobe oo 14kii bishii October ee sanadkii hore 2017da uu ka dhacay Qarax galaaftay nolasha dad ka badan 600 oo ruux.

C/raxmaan Diini, Hiiraan Online
[email protected]







Click here
11/9/2018 8:52 AM EST
Jimco, November, 09, 2018 (HOL)– Qaraxyo waaweyn iyo rasaas is xig xigta ayaa laga maqlay magaaalada Muqdisho iyadoo qaraxa ugu weyn uu ka dhacay dhismaha hotelka Saxafi oo ka soo horjeeda xarunta danbi-baarista CID-da ee KM4 magaalada Muqdisho.

11/9/2018 6:57 AM EST
Jimco, November, 09, 2018 (HOL)– Dayaaradda Ethiopian Airlines oo maanta Jimco ah duullimeedkeedii ugu horeysay ka bilaawday muddo ka badan 40 sano kaddib magaalada Muqdisho ayaa waxaa la socday ilaa 50 qof oo rakaab ah.

11/9/2018 6:45 AM EST
Jimco, November, 09, 2018 (HOL)– Saraakiisha Booliiska dalka Itoobiya ayaa sheegay in ay ka heleen xabaalo wadareed ay ku aasan yihiin illaa labo boqol oo ruux meel ku dhow xadka Soomaalida Ethiopia iyo Oromia.

11/9/2018 3:13 AM EST
Jimco, November, 09, 2018 (HOL)– Madaxweynaha Soomaaliya, Maxamed Cabdullaahi Farmaajo iyo madaxweynaha dalka Eritrea ,Isaias Afwerki ayaa goor dhow gaaray magaalada Gondar ee gobolka Baxar-daar.

11/9/2018 2:51 AM EST
Jimco, November, 09, 2018 (HOL)– Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa Shacabka iyo Maamulka Degmada Dayniile ku dhiirigeliyey dadaalladooda ku aaddan Nabadda iyo Is-dhexgalka.

11/9/2018 2:46 AM EST
Jimco, November, 09, 2018 (HOL)– Wasiirka waxbarashada xukuumadda federaalka Soomaaliya .Cabdulahi Goodax Barre ayaa khamiistii shalay xafiiskiisa magaalada Muqdisho ku qaabilay madax ka tirsan UNICEF.

11/9/2018 1:33 AM EST
Jimco, November, 09, 2018 (HOL)–Dowladda Turkiga oo haatan tababar iyo qalabeyn ku sameysa ciidamada Xoogga Dalka Soomaaliyeed ayaa ballan qaaday dib-u-dhiska, tababarka, tayeynta iyo qalabaynta Ciidamada Badda si Dowladdu ay awood buuxda ugu yeelato difaaca xeebaha dalka oo idil, loogana hor-tago burcad badeeda iyo kalluumeysiga sharci darrada ah.