11/17/2018
Today from Hiiraan Online:  _
Wararka Maanta- Jimco, Nov 9 , 2018
Xabaale Wadareed laga helay xadka Gobolada Soomaalida iyo Oromia


 

Jimco, November, 09, 2018 (HOL)– Saraakiisha Booliiska dalka Itoobiya ayaa sheegay in ay ka heleen xabaalo wadareed ay ku aasan yihiin illaa labo boqol oo ruux meel ku dhow xadka Soomaalida Ethiopia iyo Oromia.

Waxaa hadda soconaya baaritaan la xiriira xabaale wadareedka la helay iyadoo Boqolaal kun oo ruux ay ku barakaceen sanadkii hore rabshado ka dhacay deeganadaas.

Warbaahin maxali ah ayaa sheegtay in xabaalahan la helay kadib markii baaritaano laga sameeyay gabood falo uu sameeyay Madaxweynihii hore ee gobolka Soomaalida Ethiopia.

Arriamahan ayaa imanaya iyadoo madaxweynihii hore ee dowlad deegaanka Soomaalida Itoobiya Cabdi Maxamuud Cumar Madaxweynihi wali ku socto danbiyo uu ka geystay dhulka ismaamulka Soomaalida intii uu madaxweynaha ka ahaa halkaa.

Ciidamada Liyu Boolis ayaa lagu eedeynayaa in ay dad badan ku dileen deegaanada u dhexeeya gobolka Soomaalida iyo Oromada waxaana ay si toos ah ugaga amar qaadanayeen Madaxweynihii hore.

Cabdi Maxamuud Cumar ayaa lagu qasbay in uu is casilo bishii August ee sanadkan waxaana la xirey toddobaadyo kadib markii banaanbaxyo rabshado wata ay ka dhaceen magaalada Jigjiga.

Bishii la soo dhaafay ayaa wakaalada wararka ee Fana waxaa ay shaacisay in uu isku dayay Cabdi Maxamuud Cumar in uu ka baxsado xabsiga.

C/raxmaan Diini, Hiiraan Online
[email protected]







Click here
11/9/2018 11:59 AM EST
Jimco, November, 09, 2018 (HOL)– Labo Qarax oo is xig xigay ayaa dilay ku dhawaad 20 ruux magaalada Muqdisho, gaar ahaan hotelka Saxafi oo ka soo horjeeda xarunta Danbi- barista CIDA-da.

11/9/2018 8:52 AM EST
Jimco, November, 09, 2018 (HOL)– Qaraxyo waaweyn iyo rasaas is xig xigta ayaa laga maqlay magaaalada Muqdisho iyadoo qaraxa ugu weyn uu ka dhacay dhismaha hotelka Saxafi oo ka soo horjeeda xarunta danbi-baarista CID-da ee KM4 magaalada Muqdisho.

11/9/2018 6:57 AM EST
Jimco, November, 09, 2018 (HOL)– Dayaaradda Ethiopian Airlines oo maanta Jimco ah duullimeedkeedii ugu horeysay ka bilaawday muddo ka badan 40 sano kaddib magaalada Muqdisho ayaa waxaa la socday ilaa 50 qof oo rakaab ah.

11/9/2018 3:13 AM EST
Jimco, November, 09, 2018 (HOL)– Madaxweynaha Soomaaliya, Maxamed Cabdullaahi Farmaajo iyo madaxweynaha dalka Eritrea ,Isaias Afwerki ayaa goor dhow gaaray magaalada Gondar ee gobolka Baxar-daar.

11/9/2018 2:51 AM EST
Jimco, November, 09, 2018 (HOL)– Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa Shacabka iyo Maamulka Degmada Dayniile ku dhiirigeliyey dadaalladooda ku aaddan Nabadda iyo Is-dhexgalka.

11/9/2018 2:46 AM EST
Jimco, November, 09, 2018 (HOL)– Wasiirka waxbarashada xukuumadda federaalka Soomaaliya .Cabdulahi Goodax Barre ayaa khamiistii shalay xafiiskiisa magaalada Muqdisho ku qaabilay madax ka tirsan UNICEF.

11/9/2018 1:33 AM EST
Jimco, November, 09, 2018 (HOL)–Dowladda Turkiga oo haatan tababar iyo qalabeyn ku sameysa ciidamada Xoogga Dalka Soomaaliyeed ayaa ballan qaaday dib-u-dhiska, tababarka, tayeynta iyo qalabaynta Ciidamada Badda si Dowladdu ay awood buuxda ugu yeelato difaaca xeebaha dalka oo idil, loogana hor-tago burcad badeeda iyo kalluumeysiga sharci darrada ah.