11/15/2018
Today from Hiiraan Online:  _
Wararka Maanta- Khamiis, Nov 8 , 2018
Xisbiga mucaaradka ah ee WADDANI oo dhaliillo usoo jeediyey xukuumadda Somaliland


 

Khamiis, November, 08, 2018 (HOL)– Xoghayaha guud ee xisbiga mucaaradka ah ee WADDANI Khaddar Xuseen Cabdi ayaa ku dhaliilay wax ka qabasho la’aanta dagaal beeloodyada soo noqnoqda oo uu ku tilmaamay masiibo qaran.

Sidoo kale waxa uu tusaale usoo qaatay dagaalkii u dambeeyey ee ka dhacay deegaanka Dhumey ee gobolka Sool oo uu sheegay inay ku dhinteen dad ka badan boqol iyo lixdan qof oo uu sheegay in hadii celcelis ahaan loo qaybiyo bishii uu dagaal beeloodyada ku dhintaan shan iyo toban qof.

“Madaxweyne Muuse Bixi wuxuu madaxweynahaa ahaa 327 maalmood, hadii hal dhacdo soo qaadano reeraha isku dhacay iyo dadka inagaga dhintay boqol iyo lixdan qof way ka badan yihiin hadii aad xisaabiso bil kasta celcelis ahaan 15 qof baa khilaaf dagaal inagaga dhimanayey, arrintaasi waa masiibo qaran”.

Mar kale waxa uu ka hadlay dheeli tir la’aanta hay’adihii dalka oo uu sheegay inay la safteen dhinicii xukuumadda, waxaanu yidhi “ cadaaladii dalku waxay ku jirtaa gacanta madaxweynaha, hay’adihii ay ahayd inay fulinta ka madax banaanaadaan ayaa dhinac wada noqday”.

Xoghaye KHadar Xuseen waxa kale oo uu dhaliilay shir ay soo qabanqaabisay wasaarada arrimaha dibadda oo lagaga hadlayey caqabadihii ka hor yimid wasaaradda oo aqoonyahano faro badani ka soo qaybgaleen, waxaanu yidhi “shir bay qabteen wasaarada arrimaha dibadda oo ay ku eegayeen carqaladaha ka haysta Somaliland inay hesho Ictiraaf, boqol kun oo doolar baa ku baxday, waxa ka soo baxay war murtiyeedkaasi lixda qodob ee ugu horeeya waxa uu ka hadlayaa madaxweynaha ka soo qaybgalay, madaxweynaha furey iyo xisbiyadda ka soo qaybgalay” .

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
11/8/2018 12:42 PM EST
Khamiis, November, 08, 2018 (HOL)– Madaxweynaha dowlad gobolleedka Hirshabeelle Maxamed Cabdi Waare ayaa ka tacsiyeeyay Qarax miino oo magaalada Muqdisho maanta lagu dilay xildhibaan ka tirsanaa mudanayaasha baarlamaanka Hirshabeelle oo lagu magacaabi jiray Cabdiweli Maxamed Ibraahim.

11/8/2018 9:38 AM EST
Khamiis, November, 08, 2018 (HOL)–Xildhibaan ka tirsanaa baarlamaanka Hirshabeelle oo lagu magacaabi jiray Cabdiweli Maxamed Ibraahin ayaa goor dhaw lagu dilay Qarax gaarigiisa loogu soo xiray magaalada Muqdisho.

11/8/2018 6:07 AM EST
Khamiis, November, 08, 2018 (HOL) -Madaxtooyada Soomaaaliya ayaa markii ugu horeysay uga digtay xafiiska Qaramada Midoobey Soomaaliya in uu soo fara-galiyo siyaasada arrimaha gudaha.

11/8/2018 5:57 AM EST
Khamiis, November, 08, 2018 (HOL) - Madaxweynaha dowlad gobolleedka Jubbaland Axmed Maxamed Islaam Axmed ayaa ugu baaqay dowladda Soomaaliya ay tixgaliso wixii lagu heshiiyay oo ah dastuurka wali KMG ah.

11/8/2018 3:13 AM EST
Khamiis, November, 08, 2018 (HOL) -Gole ay ku mideysan yihiin musharixiinta madaxweyne ee maamulka Koonfur Galbeed ayaa dalbaday in dib loo dhiggo waqtiga doorashada oo lagu ballamay markii hore 17ka bishan.

11/8/2018 12:55 AM EST
Khamiis, November, 08, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa kula kulmay xarunta madaxtooyada Soomaaliya guddoomiyaha Baarlamaanka Soomaaliya Maxamed Mursal Sheekh Cabdiraxmaan.

11/8/2018 12:38 AM EST
Khamiis, November, 08, 2018 (HOL)– Shariif Xassan Sheekh Aadan oo galinkii danbe ee maalintii shalay uga dhawaaqay magaalada Baydhabo in uu iska casilay xilkii madaxweynaha ayaa ka hadlay sababta uu go’aankan u qaatay.