Arbaco, November, 07, 2018 (HOL)– Ilhaan Omar ayaa noqoneysa qofkii ugu horeeyay ee Soomaali ah oo Qaxootinimo ku taga dalkaasi Mareykanka oo ka mid noqota Aqalka Congress-ka, waxaa ay guushaasi ka gaartay doorashaddii dhexe ee Mareykanka ee shalay dhacday.
Waxaa ay badashay Ilhaan Cumar Keith Ellison oo
ahaa muslimiinkii ugu horreeyay ee ka mid noqdo Aqalka Congress
,islamarkaana ka soo galay dhanka Minnesoto.
Waxey sameysay taariikh weyn madaama ay noqoneyso qofkii ugu horreeysay
ee Soomaali ah misana loo doorto Congress-ka Mareykanka.
Waxaa ay sidoo kale noqonaysaa mid ka mid ah haweenka ugu horreeyay ee
Muslimka ah ee loo doorto Congress-ka.
Waxa ay ka socotay Xisbiga Dimoqraadiga ah, waxaana la aamisan yahay in
guusha Ilhaan ay soo dedejisay Caddaadiska lagu haayo dadka Muslimiinta ah ee
kunool dalka Mareykanka.
Ilhaan Cumar oo 35 sano jir ah ayaa taariikh sameysay ka dib markii ay
noqotay qofkii ugu horreeyay oo Soomaali ah oo xildhibaan ka noqdo dalka
Maraykanka sanadkii 2016-kii.
Waxay Soomaaliya ka qaxday xilligii dagaalka
sokeeye iyadoo 8 sano jir ah, muddo afar sano ayeey ku nooleyd xerada qaxootiga
ee Dhadhaab, iyadoo Maraykanka tagtay 12keedii.
C/raxmaan Diini,
Hiiraan Online
[email protected]
