Wararka Maanta: Talaado, Nov 6 , 2018-Muqdisho: Wasaaradda waxbarashada oo sagootisay Aray deeq waxbarsho ka helay Itoobiya

Muqdisho: Wasaaradda waxbarashada oo sagootisay Aray deeq waxbarsho ka helay Itoobiya

Talaado, November, 06, 2018 (HOL)– Wasaaradda Waxbarshadda Hiddaha iyo tacliinta sare ee Soomaaliya ayaa maanta magaaladda Muqdisho munasaabad sagootin ah ugu sameysay 223 arday oo deeq waxbarsho ka helay dowladda Itoobiya.

Ardaydaan ayaa 46 kamid ah waxay diyaarin doonaan Darajada labaad ee Masterka , halka 177- Arday ay diyaarinayaan heerka koowaad ee waxbarashada Jaamacadda, iyagoo baran doona kuliyadaha kala ah Caafimaadka, beeraha , IT, Enjineerin, iyo kuwa kale.

Safiirka dawladda Itoobiya u fadhiya Muqdisho,Jamaaludiin Mustafa ayaa sheegay in markasta ardayda Soomaaliyeed ay la garab taaganyihiin deeqaha waxbarasho.

Wasiiro Dowlaha Wasaaradda waxbarshada Soomaaliya, Cabdiraxmaan Maxamuud Cabdulee jaabir ayaa ardeyda kula dardaarmay inay ka faa’ideystan deeqada waxbarasho ee la siiyay.

Iman Mohamed Jama, Hiiraan Online
[email protected]