11/17/2018
Today from Hiiraan Online:  _
Wararka Maanta- Talaado, Nov 6 , 2018
Xukunno kala duwan oo lagu riday askar ka tirsanayd ciidamada Jubbaland


 
Talaado, November, 06, 2016 (HOL)-Askastan oo tiro ahaan gaarayay ilaa 13 ayaa ku eedeeysnaa in ay magaalada Kismaayo ka geeysteen falal amni darro, waxaana maxkamaddu ay maanta u fariisatay dhageeysigii labaad ee dambiyaha lagu eedeeyay askarta ka tirsanaa cidamada Jubbaland.

Gudoomiyaha Maxkamadda ciidamada qalabka sida ee Jubbaland G/dhexe Bashiir Max’uud Xareed ayaa dhageysiga eedeeymaha raggan loo heysto kadib ku dhawaaqay go’aanka maxkamadda.

Mid kamid ah 13-ka nin ay maxkamaddu ku xukuntay dil toogasho, kadib markii ay makamaddu sheegtay in uu si bareer ah u toogtay Nabadoon katirsanaa dhaqanka Jubbaland oo lagu magacaabi jiray Nabadoon Xasan Goolow.

Sedex kale oo ka tirsanaa raggan ayay maxkamaddu ku riday min sedex sano oo xarig ah, sidoo kale 7 kamid ah ayaa lagu xukumay min 2 sano oo xarig ah, halka ay Maxkamaddu sii deeysay laba kamid ah raggan oo ay sheegtay in wax danbi ah lagu waayay.

G/dhexe Bashiir Maxamuud Xareed oo ah garsooraha koobaad maxkamadda ayaa ku dhawaaqay xukunka maxkamadda.

Dabayaaqadii bishii October ee sanadkan ayay ahayd markii israsaaseyn kadib ay ciidamada ammanka Jubbaland gacanta kusoo dhigeen 11 kamid ah raggan oo isku urursaday mid kamid ah xaafadaha Kismaayo kadib markii mid kamid ah raggan eedeeysaneyaasha ah uu toogasho ku dilay nabadoon kamid ahaa odoyaal dhaqameedyo xal u raadinayay waxyaalaha ay askartani ka cabanayeen.

Xasan Nuur, Hiiraan Online
[email protected]
Kismaayo-Soomaaliya.








Click here
11/6/2018 4:26 PM EST
Talaado, November, 06, 2018 (HOL)– Wasiirka waxbarashada hiddaha iyo tacliinta sare xukuumadda federaalka Soomaaliya Mudane Cabdulahi Goodax Barre ayaa maanta magaalada Muqdisho kulan kula qaatay, madaxa waaxda Horumarinta Caalamiga ah (DFID) ee UK u qaabilsan Soomaaliya Mr Phil Evans.

11/6/2018 4:11 PM EST
Talaado, November, 06, 2018 (HOL)– Wasiirka difaaca dowladda Turkiga,Hulusi Akar ayaa booqanaya magaalada Muqdisho ee caasimadda Soomaaliya, Arbacada berri ah, sida ay baahisay wakaaladda wararka u faafisa dowladda Soomaaliya ee SONNA.

11/6/2018 3:54 PM EST
Talaado, November, 06, 2018 (HOL)– Wasiirka Maaliyadda Soomaaliya,Cabdiraxmaan Ducaale Beyle ayaa xafiiskiisa kula kulmay Taliyaha Ciidanka Booliska Soomaaliya iyo Saraakiisha ugu sarreysay Booliska.

11/6/2018 3:51 PM EST
Talaado, November, 06, 2018 (HOL)– Guddiga maaliyadda, miisaaniyadda iyo qorsheynta ee golaha shacabka Soomaaliya ayaa maanta la kulmay xubno ka socday Bankiga aduunka (World Bank).Xubnihii ka socday World Bank ayaa guddiga la wadaagay warbixin ku saabsaneyd fursadaha dhaqaale ee adduunka ka jira iyo sida Soomaaliya loogu faa’iideyn karo.

11/6/2018 3:50 PM EST
Talaado, November, 06, 2018 (HOL)– Wasaaradda Waxbarshadda Hiddaha iyo tacliinta sare ee Soomaaliya ayaa maanta magaaladda Muqdisho munasaabad sagootin ah ugu sameysay 223 arday oo deeq waxbarsho ka helay dowladda Itoobiya.

11/6/2018 3:41 PM EST
Talaado, November, 06, 2018 (HOL)– Musharraxa xilka Madaxweynaha Puntland ee doorashada 2019 Maxamuud Khaliif Xasan Jebiye , ayaa Talaadada maanta ah soo gaaray magaalada Gaalkacyo ee xarunta gobolka Mudug, halkaas oo si diirran loogu soo dhaweeyay.

11/6/2018 10:39 AM EST
Talaado, November, 06, 2018 (HOL)–Dowladda Soomaaliya ayaa markii ugu horeysa war ka soo saartay toogasho subaxnimadii hore ee saakay ciidamada AMISOM ay geysteen magaalada Muqdisho.

11/6/2018 7:42 AM EST
Talaado, November, 06, 2018 (HOL) - Howlgalka midowga Africa AMISOM ayaa lagu eedeeyay in subaxnimadii hore ee saakay si bareer ah ugu toogteen xaafadda SOS ee degmada Huriwaa Afar ruux oo rayid ah.

11/6/2018 7:27 AM EST
Talaado, November, 06, 2018 (HOL) -Hawlgalka Kaalmeynta Qaramada Midoobay ee Soomaaliya (UNSOM) wuxuu cambaaraynayaa xayiraaddii iyo weerarkii loo geystay kolonyo gaadiid oo QM leedahay [dhacdadaas] oo ka dhacday waddada xiriirisa Gaalkacyo iyo Cadaado ee dowlad goboleedka Galmudug Sabtidii, 3dii November.

11/6/2018 4:32 AM EST
Talaado, November, 06, 2016 (HOL)-Wasaaradda Arrimaha Gudaha, Federaalka iyo dib u heshiisiinta ayaa goor dhow war saxaafadeed ka soo saartay doorashada Madaxweynaha Koofur Galbeed oo qabsoomideeda uu jahwareer ku yimid, kaddib markii ay is casileen inta badan xubnihii Guddiga doorashada.

11/6/2018 4:03 AM EST
Talaado, November, 06, 2018 (HOL) -Golaha Iskaashiga dowlad goboleedyada ayaa si kulul u cambaareeyay faragelin lagu haayo doorashada Koofur Galbeed, iyagoo soo dhoweeyay go’aankii xubno ka mid ah Guddiga doorashada Koofur Galbeed isku casileen.

11/6/2018 3:46 AM EST
Talaado, November, 06, 2018 (HOL) -Madaxweynaha Koofur Galbeed Shariif Xasan Sheekh Aadan ayaa xil ka qaadis ku sameeyay Wasiiru dowlihii Dhalinyarada iyo Ciyaaraha Koofur Galbeed Abba Aawoow Suufi Caffan.

11/6/2018 3:37 AM EST
Talaado, November, 06, 2018 (HOL) -Guddoomiyaha Gobolka Banaadir ahna Duqa Muqdisho ahna Cabdiraxmaan Cumar Cismaan (Eng.Yariisow) ayaa xariga ka jaray Xarunta Luqadaha iyo Tababarrada ee Jaamacadda Jobkey oo ah Machad casri ah oo laga howlgeliyey Muqdisho.

11/6/2018 3:13 AM EST
Talaado, November, 06, 2018 (HOL)-Iyadoo uu soo ifbaxay khilaaf xoog leh oo ka dhashay doorashada maamulka Koonfur Galbeed, dhinaca kalana maamul Puntland uu isku diyaarinayo doorasho madaxwyne, ayaa arrimahan war ka soo saaray madasha Talo-Wadaag oo ay ku mideysan yihiin siyaasiyiin horay xilal uga soo qabtay dalka.

11/6/2018 1:01 AM EST
Talaado, November, 06, 2018 (HOL) – Wararka ka imanaya xaafadda SOS ee degmada Huriwaa ayaa sheegaya in ciidamada howlgalka midowga Africa AMISOM toogasho ku dileen Afar ruux oo rayid ah kaddib markii sida la sheegay subaxnimadii hore ee saakay qarax lala eegtay.

11/6/2018 12:46 AM EST
Talaado, November, 06, 2018 (HOL) – Dadka ku dhaqan xaafadda Ceelqalaw ee degmada Wadajir ayaa siweyn uga naxay gaarida Safiya Cabdiraxmaan oo aheyd dhalinyarada waxbaratay kaddib markii Mooto Bajaaj ay la soctay uu rasaas ku furay askari ka tirsan ciidamada dowladda habeennimadii xalay.

11/6/2018 12:08 AM EST
Talaado, November, 06, 2018 (HOL) – Wararkii ugu danbeeyay ee naga soo gaaraya magaalada Baydhabo ayaa sheegaya in uu khilaaf xoog leh uu soo kala dhaxgalay guddiggii doorashada madaxweynaha maamulka Koonfur Galbeed kaddib markii ay shalay is casilee inta badan xubnihii guddiga.