11/15/2018
Today from Hiiraan Online:  _
Wararka Maanta- Isniin, Nov 6 , 2018
Madasha Talo-Wadaag oo war ka soo saartay doorashooyinka Koonfur Galbeed iyo Puntland



Talaado, November, 06, 2018 (HOL)-Iyadoo uu soo ifbaxay khilaaf xoog leh oo ka dhashay doorashada maamulka Koonfur Galbeed, dhinaca kalana maamul Puntland uu isku diyaarinayo doorasho madaxwyne, ayaa arrimahan war ka soo saaray madasha Talo-Wadaag oo ay ku mideysan yihiin siyaasiyiin horay xilal uga soo qabtay dalka.

  War-murtiyeedka ayaa u dhignaa sidan :

WARMURTIYEEDKA

Dood Qaran II: Doorashooyinka Dowalad Goboleedyada iyo Saameynta Siyaasadda Soomaaliya (Koofur Galbeed iyo Puntland)

(Muqdisho: 05-11-2018) Madasha Talo-Wadaag ayaa doodii qaran ee labaad oo ku saabsan “Doorashooyinka Dowalad Goboleedyada iyo Saameynta Siyaasadda Soomaaliya (Koofur Galbeed iyo Puntland)”, ku qabatay Paradise Hotel ee Magaalada Muqdisho.

Dooda ayaa waxaa ka soo qeyb galay Xildhibaano Fedaraal, Golayaasha Maamul Goboleedyada, Gudoomiyaal Xisbiyo, Siyaasiyiin aan xil hayn,  Dhaqan,  Culimaa-u-diin], Haween, Dhalinyaro, Ganacsato, Jaamacado iyo Xarumo Cilmi baaris.

Ugu horeeyn waxaa laga soo jeediyay dooda laba warqad Cilmi baaris oo ay soo kala jeediyeen Dr. Saadaq Eenoow oo ahaa Wasiirkii hore ee Caafimaadka Puntland iyo C/qaadir Nuur Caraale oo ahaa Wasiirkii hore ee Dastuurka iyo Dib u heshiisiinta Koofur Galbeed. Iyaga oo si khibrad iyo waaya aragnimo leh oo cilmiyeeysan usoo jeediyey taariikhda doorashooyinkii hore ee ka dhacay labadaas Maamul Goboleed iyo mursharixiinta u taagan isbadal doonka oo raba in ay xilka hantaan meelna uga soo wada jeestaan madaxweynayaasha xilka haya ee tartamaya. Iyaga oo diirada saaray doorashooyinka Madaxweyne ee nagu soo fool leh 17 November 2018  ee Koofur Galbeed iyo 8 Janaayo 2019 ee Puntland, Shuruudaha laga rabo madaxweynayaasha, magacyada tartamayaasha, iyo miisaanka ay ku leeyihiin xildhibaanada. Warqadaha cilmiga ayaa tilmaamay in doorashooyinka dhacaya ay ka xiiso badan yihiin kuwii horay u dhacay, saameyn lixaad leh oo togan ama taban ay ku yeelan doonaan siyaasadda mustaqbalka soomaaliya iyo doorashooyinka 2020/2021.

Kasoo qeyb galayaasha ayaa dood iyo falanqeyn dheer ka dib diirada  saaray  muhimadda ay leedahay in doorashooyin ka dhacaan Dowlad Goboleedyada dalka taas oo horumar u ah in xildhibaanada oo wakiil ka ah shacabka ay  doortaan, iyadoo farta lagu fiiqay fursadaha badan ee ku jira doorashooyinka oo ay ugu horeyso suurtagalnimada isbadal horseedi kara in laga gudbo mad-madowga iyo khilaafka ka dhex jira dowladda Federaalka iyo Dowladd Goboleedyada qaarkood gaar ahaan Koofur Galbeed iyo Puntland.

Dhanka kale waxaa la muujiyay in tirade musharixiinta ay korortay taasoo muujineysa muhimada Dowlad goboleedy-du ku sii yeelanayaan siyaasadda soomaaliya oo sii kordhaysa, adeegyada iyo matalaaduna ay gaarayso dhamaan shacabka Soomaaliyeed. Waxaa laga dhawaajiyay muhimadda ay leedahay in doorashooyinka la daadajiyo ilaa heer tuulo oo is doorashada iyo mataalaadu aysan  noqon uun xildhibaanada iyo Madaxweynayaasha Maamul Goboleedyada, oo dalka laga hirgeliyo doorasho Dowlad Deegaaneed (City councils).

Gunaanadkii ka qeyb galayaasha Dooda Qaran ee labaad ee “Doorashooyinka Dowlad-Gobaleedyada iyo Saameynta Siyaasada Dalka” waxaa ka soo baxay talooyin iyo Baaq.

Talooyinka :

  • In la dhiirgeliyo doorashooyinka ka dhici doona Dowlad Goboleedyada Koofur Galbeed iyo Puntland, lagana wada shaqeeyo in ay u dhacaan si xor iyo xalaaal ah.
  • In Bulshada Rayidka, Xisbiyada Siyaasadeed ee diiwaan gashan in ay ka noqdaan korjoogayaal doorashooyinka Gobalada.
  • In Gudiga Doorashooyinka Qaran ka ciyaaran dowr weyn si loogu guuleysto habsami u socodka doorashooyinka, tababar iyo caawin siiyaan Gudiyada Barlamaanka ee daadihin doono doorashooyinka, mustaqablakana Gudiga Doorashooyinka Qaranku ay qabtaan doorashooyinka si ay u noqdaan guddi u dhaxeeya dhamaan Murshaxiinta.
  • In faragelin shisheeye iyo mid togan laga dhowro doorashooyinka Dowlad Goboleedyada ee ka bilawday dalka.
  • In Wasaaradda arrihama Guduhu ka qaadato waajibka ka saaran ilaalinta iyo fududeynta qabsoomida Doorashooyinka Dowlad Gobaleedyada.
  • In faragelinta Dowaladda Federaalka loo arko mid fayoow oo ah waajib dustuuri ah si loo hormariyo dimuquraadiyada iyo wadajirka loona ilaaliyo midnimada dalka.

Baaq                                                                           

  • In dhammaan murshaxiinta ay danta guud ka hormariyaan dantooda gaarka ah, kana shaqeeyaan sidii doorashada ay u noqon laheyd mid xor iyo xalaal ah, aqabalaana naatiijada doorashada.
  • In Shacabka Koofur Galbeed iyo Puntland ay ka shaqeeyaan sidii ay doorashada madaxweynayaasha u noqon laheyd mid u horseeda horumarka, bad-qabka shacabka, xoojisana midnimada Soomaaliya.
  • In labada murashax ee ku kala guleeysta  xilalka madaxweynayaasha ee Dowlad Gobaleedyada Koofur Galbeed iyo Puntland  ka shaqeeyaan hagaajinta xiriirka iyo wadashaqeynta dowladda federaalka iyo Dowlad goboleedyada iyo guud ahaan midnimada iyo wadajirka Dadka iyo Dalka Soomaaliya.

C/raxmaan Diini, Hiiraan Online
[email protected]

 







Click here
11/6/2018 4:26 PM EST
Talaado, November, 06, 2018 (HOL)– Wasiirka waxbarashada hiddaha iyo tacliinta sare xukuumadda federaalka Soomaaliya Mudane Cabdulahi Goodax Barre ayaa maanta magaalada Muqdisho kulan kula qaatay, madaxa waaxda Horumarinta Caalamiga ah (DFID) ee UK u qaabilsan Soomaaliya Mr Phil Evans.

11/6/2018 4:11 PM EST
Talaado, November, 06, 2018 (HOL)– Wasiirka difaaca dowladda Turkiga,Hulusi Akar ayaa booqanaya magaalada Muqdisho ee caasimadda Soomaaliya, Arbacada berri ah, sida ay baahisay wakaaladda wararka u faafisa dowladda Soomaaliya ee SONNA.

11/6/2018 3:54 PM EST
Talaado, November, 06, 2018 (HOL)– Wasiirka Maaliyadda Soomaaliya,Cabdiraxmaan Ducaale Beyle ayaa xafiiskiisa kula kulmay Taliyaha Ciidanka Booliska Soomaaliya iyo Saraakiisha ugu sarreysay Booliska.

11/6/2018 3:51 PM EST
Talaado, November, 06, 2018 (HOL)– Guddiga maaliyadda, miisaaniyadda iyo qorsheynta ee golaha shacabka Soomaaliya ayaa maanta la kulmay xubno ka socday Bankiga aduunka (World Bank).Xubnihii ka socday World Bank ayaa guddiga la wadaagay warbixin ku saabsaneyd fursadaha dhaqaale ee adduunka ka jira iyo sida Soomaaliya loogu faa’iideyn karo.

11/6/2018 3:50 PM EST
Talaado, November, 06, 2018 (HOL)– Wasaaradda Waxbarshadda Hiddaha iyo tacliinta sare ee Soomaaliya ayaa maanta magaaladda Muqdisho munasaabad sagootin ah ugu sameysay 223 arday oo deeq waxbarsho ka helay dowladda Itoobiya.

11/6/2018 3:41 PM EST
Talaado, November, 06, 2018 (HOL)– Musharraxa xilka Madaxweynaha Puntland ee doorashada 2019 Maxamuud Khaliif Xasan Jebiye , ayaa Talaadada maanta ah soo gaaray magaalada Gaalkacyo ee xarunta gobolka Mudug, halkaas oo si diirran loogu soo dhaweeyay.

11/6/2018 10:39 AM EST
Talaado, November, 06, 2018 (HOL)–Dowladda Soomaaliya ayaa markii ugu horeysa war ka soo saartay toogasho subaxnimadii hore ee saakay ciidamada AMISOM ay geysteen magaalada Muqdisho.

11/6/2018 7:42 AM EST
Talaado, November, 06, 2018 (HOL) - Howlgalka midowga Africa AMISOM ayaa lagu eedeeyay in subaxnimadii hore ee saakay si bareer ah ugu toogteen xaafadda SOS ee degmada Huriwaa Afar ruux oo rayid ah.

11/6/2018 7:27 AM EST
Talaado, November, 06, 2018 (HOL) -Hawlgalka Kaalmeynta Qaramada Midoobay ee Soomaaliya (UNSOM) wuxuu cambaaraynayaa xayiraaddii iyo weerarkii loo geystay kolonyo gaadiid oo QM leedahay [dhacdadaas] oo ka dhacday waddada xiriirisa Gaalkacyo iyo Cadaado ee dowlad goboleedka Galmudug Sabtidii, 3dii November.

11/6/2018 6:31 AM EST
Talaado, November, 06, 2016 (HOL)-Askastan oo tiro ahaan gaarayay ilaa 13 ayaa ku eedeeysnaa in ay magaalada Kismaayo ka geeysteen falal amni darro, waxaana maxkamaddu ay maanta u fariisatay dhageeysigii labaad ee dambiyaha lagu eedeeyay askarta ka tirsanaa cidamada Jubbaland.

11/6/2018 4:32 AM EST
Talaado, November, 06, 2016 (HOL)-Wasaaradda Arrimaha Gudaha, Federaalka iyo dib u heshiisiinta ayaa goor dhow war saxaafadeed ka soo saartay doorashada Madaxweynaha Koofur Galbeed oo qabsoomideeda uu jahwareer ku yimid, kaddib markii ay is casileen inta badan xubnihii Guddiga doorashada.

11/6/2018 4:03 AM EST
Talaado, November, 06, 2018 (HOL) -Golaha Iskaashiga dowlad goboleedyada ayaa si kulul u cambaareeyay faragelin lagu haayo doorashada Koofur Galbeed, iyagoo soo dhoweeyay go’aankii xubno ka mid ah Guddiga doorashada Koofur Galbeed isku casileen.

11/6/2018 3:46 AM EST
Talaado, November, 06, 2018 (HOL) -Madaxweynaha Koofur Galbeed Shariif Xasan Sheekh Aadan ayaa xil ka qaadis ku sameeyay Wasiiru dowlihii Dhalinyarada iyo Ciyaaraha Koofur Galbeed Abba Aawoow Suufi Caffan.

11/6/2018 3:37 AM EST
Talaado, November, 06, 2018 (HOL) -Guddoomiyaha Gobolka Banaadir ahna Duqa Muqdisho ahna Cabdiraxmaan Cumar Cismaan (Eng.Yariisow) ayaa xariga ka jaray Xarunta Luqadaha iyo Tababarrada ee Jaamacadda Jobkey oo ah Machad casri ah oo laga howlgeliyey Muqdisho.

11/6/2018 1:01 AM EST
Talaado, November, 06, 2018 (HOL) – Wararka ka imanaya xaafadda SOS ee degmada Huriwaa ayaa sheegaya in ciidamada howlgalka midowga Africa AMISOM toogasho ku dileen Afar ruux oo rayid ah kaddib markii sida la sheegay subaxnimadii hore ee saakay qarax lala eegtay.

11/6/2018 12:46 AM EST
Talaado, November, 06, 2018 (HOL) – Dadka ku dhaqan xaafadda Ceelqalaw ee degmada Wadajir ayaa siweyn uga naxay gaarida Safiya Cabdiraxmaan oo aheyd dhalinyarada waxbaratay kaddib markii Mooto Bajaaj ay la soctay uu rasaas ku furay askari ka tirsan ciidamada dowladda habeennimadii xalay.

11/6/2018 12:08 AM EST
Talaado, November, 06, 2018 (HOL) – Wararkii ugu danbeeyay ee naga soo gaaraya magaalada Baydhabo ayaa sheegaya in uu khilaaf xoog leh uu soo kala dhaxgalay guddiggii doorashada madaxweynaha maamulka Koonfur Galbeed kaddib markii ay shalay is casilee inta badan xubnihii guddiga.