3/29/2024
Today from Hiiraan Online:  _
Wararka Maanta- Isniin, Nov 5 , 2018
Dowladda Soomaaliya oo lagu eedeeyay in ay Muqdisho isugu geysay xildhibaannadii Koonfur Galbeed

 

Isniin, November, 05, 2018 (HOL) – Shir jaraa’id oo ay goor dhaw ku qabteen magaalada Baydhabo xarunta gobolka Baay guddiggii doorashada maamulka Koonfur Galbeed ayeey dowladda Soomaaliya ku eedeeyay in ay ka socon weyday sida ay hadalka u dhigeen doorashadii maamulka Koonfur Galbeed.

Xubnaha guddiga ee is casilay oo warbaahinta la hadlay ayaa sheegay in sababta ay isku casileen tahay kaddib markii ay ogaadeen in dowladda federaalka Muqdisho isugu geysay dhamaan xildhibaannadii Koonfur Galbeed, sidaa daraadeed u arkeen in wax doorasho ah oo dhinaci kara waqtigan aysan jirin.

Mid walba oo ka mid ah guddiga ayaa ku sababeeyay is casilaadiisa in uu jawaab u waayay su’aalo uga imanayay musharixiinta madaxweyne, taasoo ay ka mid aheyd halka ay ku danbeeyeen xildhibaannada Koonfur Galbeed oo qorshuhu ahaa in musharixiintu khudbadahooda ka hor jeediyaan.

‘’Annaga waxeynu aheyn guddi doorasho oo loo idmaday in ay diyaariyaan sharciyada iyo jadwalka doorashadu dhici doonto, waxaan ogaanay in aysan jirin xildhibaanno ku sugan magaalada Baydhabo, waayo qofka musharax ah wuxuu doonayaa in uu khudbadiisa wax qabadka uu ka horjeediyo xildhibaannada, haddii ay meesha xildhibaanno joogin dadku kuraasta uma khudbeynayaan, waxaa u aragnay in aynu nahay guddiga ku dhax shaqeynaya garoon lagu dagaalamayo, sidaa daraadeed waxaa goosanay in aynu shaqada isaga tagno’’ ayeey isku raac-sanaayeen xubnihii ka hadlay shirka jaraa’id.

Mid ka mid ah guddiga doorashada ee is casilay ayaa sheegay in dowladda federaalka sida uu hadalka u dhigay xildhibaannaddii Koonfur Galbeed isugu geysay magaalada Muqdisho iyaga oo guri loogu xiray ayuu yiri musharax kaliya oo ay dowladdu wadato.

Is casilaada guddigii doorashada Koonfur Galbeed iyo eedeymaha soo baxaya ayaa muujinaya in uu dib u dhac ku iman karo waqtiggii loo balansanaa in ay doorashadu ku qabsoonto oo ku beegneyd 17kii bishan November.

Dowladda federaalka wali kama aysan jawaabin eedeymaha ay u soo jeediyeen guddigggii doorashada Koonfur Galbeed ee shaqada isaga tagay.

C/raxmaan Diini, Hiiraan Online
[email protected]
 













Click here
11/5/2018 12:35 PM EST
Isniin, November, 05, 2018 (HOL) –Wararka naga soo gaaraya magaalada Baydhabo ee xarunta gobolka Baay ayaa sheegaya in ku dhawaad 11 xubnood oo ay ka mid yihiin guddoomiyihii iyo ku-xigeenkii guddigga doorashada oo gabi ahaanba is casilay.

11/5/2018 11:08 AM EST
Isniin, November, 05, 2018 (HOL) - Xildhibaannada golaha shacabka oo maanta ku shiray xarunta golaha ayaa maalintii labaad akhrin marsiiyay sharciga hay'adda Naafada Qaranka.

11/5/2018 10:50 AM EST
Isniin, November, 05, 2018 (HOL) - Guddoomiyaha guddiga doorashada madaxweynaha ee dowlad-gobolleedka Koonfurgalbeed,Xildhibaan Carfo Ibraahin Aadan ayaa xilka goor dhow iska casilay,sida ay ku warrantay warbaahinta gudaha.

11/5/2018 10:00 AM EST
Isniin, November, 05, 2018 (HOL)-Deegaanka Dararweyne ee gobolka Sanaag ayaa xalay lagu dilay hal qof oo shacab ah, isla markaan waxa baxsaday gacan ku dhiiglihii dilka gaystay.

11/5/2018 6:21 AM EST
Isniin, November, 05, 2018 (HOL) - Wakiilka Qaramada Midoobay u qaabilsan Soomaaliya,Nicholas Haysom iyo wafdi uu hoggaaminayo o uu waheliyo Ergeyga Midowga Afrika ,Francisco Madiera ayaa maanta soo gaaray magaalada Gaalkacyo ee xarunta gobolka Mudug.

11/5/2018 5:59 AM EST
Isniin, November, 05, 2018 (HOL) - Mukhtaar Roobow Cali Abuu Mansuur , oo ka mid ah musharrixiinta u tartamaya xilka madaxweynaha dowlad-gobolleedka Koonfurgalbeed ayaa noqday musharixii ugu horreeyay ee la siiyo Shahaadada musharaxnimo.

11/5/2018 5:42 AM EST
Isniin, November, 05, 2018 (HOL) -Waxaa goor dhaw ku dhawaaqay in uu iska casilay xilkii Wasiirka Wasaarrada Tamarta iyo Biyaha xukuumadda Soomaaliya Cabdicasiis Xassan Ibraahim Lafta-Gareen

11/5/2018 5:40 AM EST
Isniin, November, 05, 2018 (HOL) - Ururka Warbaahinta Puntland ee MAP ayaa tabbabar uga furey magaalada Galkacayo 20 suxufi oo ka hawgala xarumaha kala duwan ee warbaahinta gobolka Mudug.

11/5/2018 5:07 AM EST
Isniin, November, 05, 2018 (HOL) -Ururka Iskaashiga Islaamka ee OIC ayaa cambaareeyay qorshaha madaxweynaha cusub ee dalka Brazil Jair Bolsonaro uu safaarada dalkiisa ee Tel Aviv ugu rarayo magaalada Jerusalem.

11/5/2018 5:04 AM EST
Isniin, November, 05, 2018 (HOL) - Siyaasiga Cali Xaaji Warsame ayaa magaalada Gaalkacyo kaga dhawaaqay inuu u sharraxanyahay xilka madaxweynaha Puntland doorashada dhacaysa horraanta bisha Jannaayo ee sannadka 2019.

11/5/2018 3:38 AM EST
Isniin, November, 05, 2018 (HOL) -Maxkamadda Darajada Koowaad ee Ciidamada qalabka sida ayaa dil toogasho ku xukuntay labo askari, kuwaasoo lagu soo eedeeyay inay horay u dileen askar kale.

11/5/2018 12:52 AM EST
Isniin, November, 05, 2018 (HOL) – Salah iyo Abdulla waa labada wiil ee uu dhalay Wariyihii lagu dhax dilay Qunsuliyada Sacuudi Arabia magaalada Istanbul ayaa sheegay in wax kaliya oo ay hadda doonayaan tahay in ay helaan laguna soo wareejiyo meydka Aabahood Jamaal Khashoggi.

11/5/2018 12:26 AM EST
Isniin, November, 05, 2018 (HOL) – Dowladda Sucuudi Carabiya ayaa lagu wadaa in maanta magaalada Geneva ay guddi Qaramada Midoobay ah hortiisa ku difaaci doonto heerkeeda xuquuqda aadanaha.

11/5/2018 12:10 AM EST
Isniin, November, 05, 2018 (HOL) – Magaalada Gaalkacyo ee gobolka Mudug waxaa lagu wadaa in ay maanta gaarayaan wafuud kala duwan oo ka kala socda Aqalka sare iyo beesha caalamka, waxaana halkaa ka furmaya kulamo looga hadlayo khalalaasihii ugu danbeeyay ee Galmudug.