Isniin, November, 05, 2018 (HOL) –Wararka
naga soo gaaraya magaalada Baydhabo ee xarunta gobolka Baay ayaa sheegaya in ku
dhawaad 11 xubnood oo ay ka mid yihiin guddoomiyihii iyo ku-xigeenkii guddigga
doorashada oo gabi ahaanba is casilay.
Lama oga ilaa iyo hadda sababta
keentay in guddiga doorashada madaxweynaha maamulka Koonfur Galbeed shaqada
isaga tagaan, hasse ahaatee arintan oo ah inta badan mid ku cusub arrimaha
doorashada ayaa imaneysa xili ay soo baxayaan warar sheegaya in uu ka baxay
musharaxnimadii madaxweyne Shariif Xassan Sheekkh Aadan.
Ilo xog-ogaal ah oo ku dhaw dhaw
guddiga ayaa sheegaya in guddiga uga tageen shaqada fara-galin baahsan oo sida
qaarkood laga soo xigtay lagu hayo arrimaha doorashada maamulka Koonfur Galbeed,
laakiin wali xubnaha is casilay uma aysan faah faahin warbaahinta sababta ay
tallaabadan u qaadeen.
Maanta waxaa xilkii Wasiirka
Tamarta iyo Biyaha dowladda Soomaaliya iska casilay Cabdicasiis Lafta-Gareen oo
ka mid ah musharixiinta u taagan xilka madaxweynaha, waxaana wararku sheegayaan
in Lafta –gareen yahay musharax ka socda dowladda Soomaaliya.
Wali Shariif Xassan ma uusan
sheegin in uu isaga baxay doorashada laakiin warkan arintan ku saabsan ayaa
siweyn isku soo taraya.
