Jimco, November, 30, 2018 (HOL) -Diyaarad siday ciidamada Booliiska sida gaar ah u tababaray ayaa goor dhow ka degtay magaalada Baydhabo ee Gobolka Baay, iyadoo ciidamadan ay dirtay dowladda Federaalka Soomaaliya.
Sida ay sheegayaan wararka diyaaradan ayaa siday
ku dhowaad boqol askari, oo ah ciidamada booliska ee sida gaarka ah u
tababaran.
Goobjoogayaal ku sugan Baydhabo ayaa sheegay
ciidamada la dajiyay xarumo gaar ah oo ku dhaw xarunta madaxtooyada magaalada
Baydhabo.
Wasaaradda Amniga dowladda Federaalka ayaa
dhowaan war ka soo saartay xaalada amniga Baydhabo, iyadoo shaacisay inay
jiraan shaqsiyaad ku howlan fal dambiyeedyo ka dhan ah xasilloonida iyo
degenaanshaha.
Doorashada madaxweynaha maamulka Koonfur Galbeed
ayaa lagu wadaa in ay dhacdo 05 bisha December oo ay inaga xigaan maalmo
kooban, waana doorasho siweyn isha loogu wada hayo islamarkaana xiiso gaar ah
leh marka la eego dhinacyada siyaasada ee halkaa ku loolamaya.
C/raxmaan Diini, Hiiraan
Online
[email protected]