11/15/2018
Today from Hiiraan Online:  _
Wararka Maanta- Sabti, Nov 3 , 2018
Mukhtaar Rooboow oo loo ogolaaday in uu u tartami karo xilka madaxweynaha Koonfur Galbeed


 

Sabti, November, 03, 2018 (HOL) -Mukhtaar Rooboow Cali Abuu-Mansuur oo ka mid ahaa aas-aasayaashii Ururka Al-shabaab ayaa hadda u muuqda in uu helay xaqa in uu u tarmi karo doorashada xilka madaxweynaha maamulka Koonfur Galbeed ee bishan gudaheeda lagu wado in ay dhacdo.

Mukhtaar Rooboow ayaa isaga tagay Ururka Al-shabaab 2012, isaga oo dowladda Soomaaliya ku soo biiray sanadkii tagay ee 2017da, isaga oo wixii waqtigaa ka danbeeyay siweyn ugu dhax milmay siyaasada maamulka Koonfur Galbeed, ilaa ugu danbeyntii uu isku soo taagay xilka doorashada madaxweynaha.

Laakiin dowladda Soomaaliya ayaa Qoraal ay soo saartay uga mamnuucday Mukhtaar in uu u tartamo xilka madaxweynaha maamulka Koonfur Galbeed.

Balse guddiga doorashada Koonfur Galbeed oo ku dhawaaqay sharuudaha laga doonayo musharixiinta madaxweyne ayaa u ogolaaday Mukhtaar in uu u tartami karo xilkan madaama ayeey sheegeen uu yahay muwaadin xaq u leh ka qeybgalka doorashada.

17ka bishan ayaa lagu wadaa in magaalada Baydhabo ay ka dhacdo doorasho siweyn isha loogu wada hayo oo ay isku arki doonaan musharixiin dhowr ah oo siweyn isaga soo horjeeda.

C/raxmaan Diini, Hiiraan Online
[email protected]

 

 

 

 

 

 

 

 

 

 







Click here
11/3/2018 1:15 PM EST
Sabti, November, 03, 2018 (HOL) – Waxaa soo ifbaxay khilaaf aan horay-ba loo sii ogeyn oo soo kala dhax-galay Wasiirka Wasaarradda Maaliyada xukuumadda Soomaaliya Cabdiraxmaan Ducaalle Beyle iyo xisaabiyaha guud ee dowladda marwo Fartuun Cismaan Faarax oo eedeyn kulul u jeedisay Wasiirka.

11/3/2018 11:52 AM EST
Sabti, November, 03, 2018 (HOL) – Magaalada Gaalkacyo ayaa lagu wadaa in 7da bishan lagu qabto shir lagu xalinayo khilaafka u dhaxeeya dowlad gobolleedka Galmudug, kaa oo baaqday 30kii bishii ina dhaaftay.

11/3/2018 8:54 AM EST
Sabti, November, 03, 2018 (HOL) – Madaxweynaha Somaliland Muuse Biixi ayaa ka qaybgallay xuska loo sameeyey sanad-guurada 25-aad ee kasoo wareegtay Aas-aaskii ciidanka Booliska oo sanad walba maanta oo kale loo dabaaldego.

11/3/2018 8:39 AM EST
Sabti, November, 03, 2018 (HOL) - Ciidammo hubaysan oo saacadihii hore ee Sabtida maanta la wareegay garoonka diyaaradaha Jen Maxamed Abshir ee magaalada Garoowe ayaa hadda dib uga laabtay.

11/3/2018 8:09 AM EST
Sabti, November, 03, 2018 (HOL) - Xukuumadda Iiraan waxay sheegtay inay bilaawday in dalkeeda ay ku sameysato diyaaradaha dagaalka si ay adeegsadaan ciidammada militariga.

11/3/2018 8:02 AM EST
Sabti, November, 03, 2018 (HOL) - Guddoomiyihii hore ee Baarlamaanka Soomaaliya, Maxamed Sheekh Cismaan Jawaari ayaa maanta ka qaybgalay kulanka golaha shacabka,markii ugu horreeysay tan iyo markii uu iska casilay xilkii guddoomiyaha Baarlamaanka lix bilood ka hor.

11/3/2018 7:25 AM EST
Sabti, November, 03, 2018 (HOL) - Wakiilka Qaramada Midoobay ee Soomaaliya,Nicholas Haysom oo ay waheliyaan saraakiil kale ayaa Sabtida maanta ah soo gaaray magaalada Garoowe ee xarunta Puntland.

11/3/2018 7:08 AM EST
Sabti, November, 03, 2018 (HOL) - Ciidammo gadooday oo ka tirsan kuwa sida milatariga loo tabbabaro ee Daraawiishta ayaa maanta la wareegay garoonka diyaaradaha Jen Maxamed Abshir ee magaalada Garoowe,sida laga soo xigtay ilo ku dhow garoonka diyaaradaha.

11/3/2018 5:50 AM EST
Sabti, November, 03, 2018 (HOL) - Guddiga joogtada ah ee Aqalka sare ayaa kulan ay maanta ku leeyihiin magaalada Muqdisho waxaa ay uga arinsan doonaan qodobo dhowr ah oo uu ka mid yahay mudeynta waqiga uu ra'iisal wasaaraha xukuumadda Soomaaliya hortagayo golaha.

11/3/2018 5:43 AM EST
Sabti, November, 03, 2018 (HOL) - Iyadoo guud ahaan deegaannada Puntland ay ka socdan olole doorasho, ayaa waxaa soo baxaya digniinno loo jeedinayo musharixiinta u taagan qabashada xilka hoggaanka dowlad gobolleedka Puntland.

11/3/2018 1:07 AM EST
Sabti, November, 03, 2018 (HOL) – Xoghayaha Guud ee Qaramada Midoobay, Antonio Guterres, ayaa waxaa uu ku baaqay in la soo afjaro qulqulatooyinka ka soconaya dalka Yemen, iyo weliba in si deg deg ah loo joojiyo dagaallada ka soconaya agagaarka goobaha muhiimka ah iyo weliba meelaha ay dadka badan ku nool yihiin.

11/3/2018 12:42 AM EST
Sabti, November, 03, 2018 (HOL) – Danjiraha gaarka ah ee hay’adda UNHCR u qaabilsan arrimaha qaxootiga Soomaaliya Amb Maxamed Cabdi Afeey oo ku sugan dalka Canada ayaa ka warbixiyay socdaalkiisa uu ku joogo dalkaasi.

11/3/2018 12:22 AM EST
Sabti, November, 03, 2018 (HOL) - Madaxweynaha Turkiga Recep Tayyip Erdogan ayaa markii ugu horraysay waxaa uu Boqortooyada Sucuudiga si toos ah ugu eedeeyay dilka weriye Jamaal Khaashuqji.