Dagaal culus oo ciidamada dowladda iyo Al-shabaab ku dhaxmaray deegaan hoostaga degmada Maxaas
Talaado, November, 27, 2018 (HOL) –Wararka naga soo
gaaraya degmada Maxaas ee gobolka Hiiraan ayaa sheegaya in dagaal culus oo leysku adeegsaday noocyada
kala duwan ee halka uu deegaan hoostaga degmada ku dhaxmaray ciidamo ka tirsan
dowladda Soomaaliya iyo Al-shabaab.
Dagaalka ayaa bilaawday kaddib markii xoogagga
Al-shabaab weerar dhabo-gal ah ku qaadeen gaadiid ay la socdeen ciidamada
dowladda Soomaaliya ka tagay magaalada Beledweyne.
Jeneraal Axmed Maxamed Maxamuud Tareedisho oo ah taliyaha
Guutada 22aad ee Ciidamada xoogga ayaa warbaahinta u sheegay ay iska caabiyeen
xoogaggii weerarka ku soo qaaday.
Wuxuu sheegay in ciidamada dowladda hadda gacanta
ku hayaan meydadkii ay ka carareen sida uu hadalka u dhiggay dagaalamayaashii
weerarka soo qaaday, isaga oo intaa ku daray in ciidamada dowladda u taagan
yihin difaaca shacabka.
Laakiin dhinaca kale Al-shabaab ayaa sheegtay
dhinacooda in dagaalkaa ay jab weyn ku gaar-siiyeen ciidamada dowladda
Soomaaliya.
Marka laga soo tago sheegashada labada dhinac ma
jirto warar madax-bannaan oo ka hadlaya khasaaraha dagaalka.
C/raxmaan Diini, Hiiraan
Online
[email protected]
