3/29/2024
Today from Hiiraan Online:  _
Wararka Maanta- Isniin, Nov 26, 2018
Madaxweynaha Somaliland Muuse Biixi oo gaaray magaalada Ceerigaabo

 


Isniin, November, 26, 2018 (HOL)- Madaxweyne Muuse Biixi iyo weftigisii ayaa maanta si diiran loogu soo dhoweeyey magaalada Ceerigaabo ee gobolka Sanaag, waxaaanu xallay u hoyday degmada Ceel afweyn oo uu kula kulmay culimadii loo xil saaray xalinta dagaalo beeloodyadii ka dhici jirey deegaanka Ceel afweyn.

Dadweynaha ku dhaqan magaalada Ceerigaabo oo ku lebbisan calanka Somaliland, caleemo qoyanna lulaya oo ay hormood u yihiin maamulka heer gobol iyo heer degmo, ayaa maanta madaxweynaha iyo weftigiisa kaga hortegay dhinaca bari ee magaalada, waxana ay u galbiyeen dhinaca beerta xorriyadda, halkaas oo hadallo soo dhaweyn iyo mahadnaq ah looga jeediyey shacabkii soo dhaweeyey madaxweynaha iyo weftigiisa.

“Mudane Madaxweyne kusoo dhawow gurigii Aabbeyaasha, awooweyaasha, ayeeyooyinka iyo Hooyooyinka, kusoo dhawow gobolkii khayraadka, faleenka iyo xabbagta, badda iyo buuraha, beeraha iyo xoolaha, macdanta iyo dahabka, waa gobol barayksan oo wixii Afsoomaaliga ku hadla intooda ugu badani ka tafiirmeen.”ayuu yidhi maayarka Ceerigaabo Ismaaciil Xaaji Nuur.

Guddoomiyaha gobolka Sanaag, Mudane Maxamed Axmed Caalin Tiimbaro, ayaa isaguna shacabka ku dhaqan soo dhaweynta ay u sameeyeen madaxweynaha iyo weftigiisa, waxana uu bulshada gobolka Sanaag ku boorriyey inay nabad-gelyada iyo wada-jirkooda si gaar ah awoodda u saaraan.

Salaadiin iyo madax-dhaqameed reer Ceerigaabo ah oo uu kamid yahay Suldaan Rashiid Suldaan Cali Ducaale oo isaguna halkaas ka hadlay, ayaa shacabka reer Ceerigaabo uga mahadceliyey soo dhaweynta loo sameeyey madaxweynaha iyo weftigiisa, isaga oo madaxweynaha ku bogaadiyey socdaalkiisa uu ugu kuurgeliyo xaaladda guud dalka iyo deegaannada ka baxsan caasimadda Hargeysa.

Wasiirrada wasaaradaha Dhallinyarada iyo Ciyaaraha, Mudane Boos Mire Maxamed, Gaashaandhigga, Mudane Ciise Axmed Yuusuf, Xannaanada Xoolaha iyo horumarinta Kalluumaysiga, Mudane Xasan Cali Gaafaadhi iyo Horumarinta Biyaha, Mudane Saleebaan Yuusuf Cali Koore oo dhammaantood la hadlay shacabka reer Ceerigaabo, ayaa bulshada ku bogaadiyey sida midnimada iyo isku-duubnida leh ee ay madaxweynaha qaranka usoo dhaweeyeen.

Intaas ka dib waxa shacabka la hadlay madaxweynaha, waxaanu uga mahadceliyey sida weyn ee loo soo dhoweeyey.

“Sanaag waa meeshii laga soo farcamay, waana meel cid waliba deggen tahay, waxana ay noqonaysaa tii Soomaali oo dhan isku xidhaysay, ganacsi ahaan iyo dhaqan ahaanba, maanta farriintaydu waa nabad, waa walaaltinimo, waa horumar, waa wax-wada-qabsi iyo khilaafkeenna oo aynnu si salmi ah u xallino, dadka Ceerigaabo eedaynayana ee wax dheeraad ah baa ka jira lehna waa beentii, gobol walba khilaaf waa ka jira, gobol walbana qabaa’il wuu ku jiraa, wax u dheeraad ah oo Sanaag lagu canaanan karaana ma jiro,” ayuu yidhi madaxweyne Muuse Biixi Cabdi.

Waxaanu intaas ku daray “qolada Koonfurta ee Talyaanigu gumaysan jireyna waxan leeyahay annagiina na dhibtee oo maalin walba qas iyo dhibaato ayaad nala ag-joogtaan annaguna nabad iyo wanaag baannu wadnaa.”

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
11/26/2018 3:36 PM EST
Isniin, November, 26, 2018 (HOL)- Ra’iisul Wasaaraha xukuumadda federaalka Soomaaliya, Xasan Cali Khayre ayaa maanta xafiiskiisa ku qaabilay wafdi heerkiisu sarreeyo oo ka socda golaha amniga iyo nabadgelyada Midawga Afrika oo Soomaaliya ku yimid booqasho rasmi ah oo sedax maalin qaadanaysa.

11/26/2018 12:07 PM EST
Isniin, November, 26, 2018 (HOL)- Wasiir ku-xigeynka Wasaaradda waxbarashada Hiddaha iyo Tacliinta sare ee xukuumadda federaalka Soomaaliya,Feysal Cumar Guuleed ayaa shegay in ay wasaardu soo dhameystireyso manhajka oo hada ku koobaan dugsiyada koobaad ilaa afaraad.

11/26/2018 12:03 PM EST
Isniin, November, 26, 2018 (HOL)- Madaxweynaha Soomaaliya ,Maxamed Cabdullaahi Farmaajo oo khudbad ka jeediyey shirka caalamiga ee dhaqaalaha badaha oo ka socda magaalada Nairobi ayaa sheegay in ay muhiim tahay in meel looga soo wada jeesto falalka sharci darrada ah ee badaha.

11/26/2018 11:59 AM EST
Isniin, November, 26, 2018 (HOL)- Madaxweynaha Puntland, Cabdiweli Maxamed Cali Gaas ayaa maanta gaaray magaalada Qardho,halkaas oo lagu soo dhaweeyay.

11/26/2018 11:48 AM EST
Isniin, November, 26, 2018 (HOL)- Xoghayaha Guud ee Ururka Suxufiyiinta Qaranka Soomaaliyeed, Maxamed Ibraahim Macalimuu oo shir jaraa’id ku qabtay magaalada Muqdisho ayaa ku eedeeyay Xukuumadda Soomaaliya inay caburin ku heyso Suxufiyiinta.

11/26/2018 11:13 AM EST
Isniin, November, 26, 2018 (HOL)- 
Ra’iisul Wasaaraha Soomaaliya, mudane Xasan Cali Khayre, ayaa maanta guddoomiyay shir looga hadlayay dib-u-habaynta qorshayaasha amniga dalka iyo ku hoos shaqeynta tubta amniga iyo caddaaladda ee xukuumaddu u qorsheysay in dalka xasillooni lagula soo dabbaalo.

11/26/2018 8:04 AM EST
Isniin, November, 26, 2018 (HOL)-Dowladda Soomaaliya ayaa sheegtay in gacanta lagu dhigay darwalkii waday gaarigii maanta isku qarxiyay xaafadda Kaawo Godey degmada Wadajir ee magaalada Muqdisho

11/26/2018 6:26 AM EST
Isniin, November, 26, 2018 (HOL)- Dowladda Ruushka ayaa diiday baaqyada caalamiga ah oo ku aaddan inay sii deyso saddex ka mid ah maraakiibta dagaal ee Ukrain oo soo galay xeebaha Ruushka uu maamulo ee Crimai.

11/26/2018 5:40 AM EST
Isniin, November, 26, 2018 (HOL)-Qaraxan oo ahaa mid loo adeegsaday gaari walxaha qarxa laga soo buuxiyay ayaa ka dhacay xaafadda Kaawo Godey degmaada Wadajir ee magaalada Muqdisho

11/26/2018 4:06 AM EST
Isniin, November, 26, 2018 (HOL)-Mu’tamarka sanadlaha ah ee uu qabto sanad walba Islamic Center of St. Cloud ayaa usbuucaan lagu qabtay xarunta weyn ee shirarka ee magaalada St. Cloud. Kulankan balaadhan, ayaa lagu maamuusay qalin-jabinta 48 arday, kuwaas oo ku dhammeeyay quraanka kariimka ah magaalo aanay laga jecleyn muslimiinta.

11/26/2018 3:11 AM EST
Isniin, November, 26, 2018 (HOL)-Madaxweynaha maamulka Hirshabeelle Maxamed Cabdi waare iyo wafdi uu horkacayo ayaa goor goor dhaw oo maanta ah soo gaaray magaalada Beledeyne ee xarunta gobolka Hiiraan.

11/26/2018 1:44 AM EST
Isniin, November, 26, 2018 (HOL)- Shirka dhaqaalaha Badaha ayaa lagu wadaa inuu ka furmo magaalada Nairobi ee xarunta dalka Kenya, halkaas oo ay ku suganyihiin hoggaamiyayaal dhowr ah oo shirka ka qaybgalaya.

11/26/2018 1:26 AM EST
Isniin, November, 26, 2018 (HOL)- Boqor Burhaan Boqor Muuse iyo isimmo kale oo nabadeyn u jooga magaalada Taleex ayaa madaxweynaha Puntland, Cabdiweli Gaas ka codsaday in gobol loo magacaabo magaalada taariikhiga ah ee Taleex.

11/26/2018 1:18 AM EST
Isniin, November, 26, 2018 (HOL)- Magaalada Muqdisho ee caasimadda dalka ayaa lagu qabtay munsaabad lagu sagootinayay 124 arday oo deeq waxbarasho ka helay dalka Suudaan.

11/26/2018 12:51 AM EST
Isniin, November, 26, 2018 (HOL)- Xoogagga Al-shababa ayaa sheegtay mas’uuliyada Qaraxyo culus iyo weerar toos ah oo saakay lagu qaaday xarun uu Koonfur magaalada Gaalkacyo ka deganaa Wadaad lagu magacaabo Cabdiwali Cali Calmi Yare.

11/26/2018 12:49 AM EST
Isniin, November, 26, 2018 (HOL)- Ugu yaraan 11 ruux oo uu ku jiro wadaad caan ah ayaa ku dhintay weerar subixii hore ee Isniinta maanta ka dhacay xarun diimeed ku taalla Koonfurta magaalada Gaalkacyo, sida ay ku warrantay warbaahinta gudaha.

11/26/2018 12:32 AM EST
Isniin, November, 26, 2018 (HOL)- Wararka naga soo gaaraya magaalada Gaalkacyo ee xarunta gobolka Mudug ayaa sheegay in Subaxnimadii hore saakay Qarax-yo iyo Weerar toos ah lagu beegsaday xarun Koonfurta magaalada Gaalkacyo uu ka deganaa Wadaad caan ah oo lagu magacaabo Cabdwali Cali Cilmi Yare.