Guddiga Doorashada Koonfur Galbeed oo beeniyay in uu jiro cadaadis uga imanaya dowladda federaalka
Jimco, November, 23, 2018 (HOL) –
Guddiga doorashada madaxweyne ee
maamulka Koonfur Galbeed ayaa waxba kama jiraan ku sheegay sheegayay in
dowladda Soomaaliya guddiga cadaadis ku saareyso in doorashada laga reebo qaar
ka mid ah musharixiinta.
Xog-hayaha guddiga doorashadda Koonfur Galbeed
Nuur Cismaan ayaa faahfaahin ka bixiyay Wararka sheegaya in dowladda dhexe ee
Soomaaliya ay caddaadis ku heyso doorashadda maamulka.
Xoghayaha ayaa sidoo kale beeniyay warar sheegaya
in uu jiro qorshe la doonayo in mushariixinta qaar looga reebo doorashada la
filayo in ay dhacdo 05ta bisha December.
Warar soo baxaya ayaa sheegaya in dowladda
cadaadis ku saareyso guddiga in doorashada laga reebo musharixiinta kala ah
Mukhtaar Rooboow Cali Abuu Mansuur, Xusseen Cismaan Xusseen taliyihii hore ee hay’adda nabad-sugida iyo
siyaasiga lagu magacaabo Aadan Saransoor.
Balse Nuur Cismaan oo ah Xoghayaha guddiga ayaa
sheegay in wararkaasi yihiin been abuur’’ Annaga waxeynu raacnay hab raacii
hore ee guddiggii doorashada naga horeeyay, waad ogtihiin Mukhtaar wuxuu
guddoomay shahaataddii musharaxnimada, waa muwaadin u dhashay deegaannadan
Koonfur Galbeed isaga iyo musharixiinta kale sabab looga reebi karo
doorashada-na ma jirto’’ ayuu yiri Nuur Cismaan.
Qaar ka mid ah Musharaxiinta ayaa walaac badan ka
qaba doorashadda madaxtinimada maamulka Koonfur Galbeed, maadaama ay dalbadeen
in dib loo dhigo doorashadda.
Wali waxaa soo baxaya eedeymo loo jeedinayo
dowladda oo ah in ay fara-galin ku heyso hannaanka doorashada Koonfur Galbeed.
Magaalada Beydhabo waxaa saacadihii ugu danbeeyay
ka soconayay kulamo looga hadlayo xaalada guud ahaan deegaannada Koonfur
Galbeed sida loo wajayo doorashada oo tiro saddex jiree dib u dhac uu ku yimid.
C/raxmaan Diini, Hiiraan
Online
[email protected]