Khamiis, November, 22, 2018 (HOL)-Wararka naga soo gaaraya magaalada Boosaaso ee xarunta gobolka Bari ayaa sheegaya in goor dhaw halkaa lagu dilay qof rayid ah labo kalana lagu dhaawacay.
Wararku waxaa ay sheegayaan in bartamaha magaalada lagu dilay xisaabiye ka tirsanaa shirkada Ganacsiga SAABIR, oo lagu magacaabi jiray Axmed Cali Nuur (Dalaqo),waxaana sidoo kale la dhaawacay laba qof oo kale sida ay warbaahinta u sheegeen goobjoogayaal.
Dilka ayaa sida ay warbaahinta u sheegeen dad goobjogayaal ah waxaa geystay rag bastoolado ku hubeysnaa oo markii danbe goobta isaga baxsaday.
Ilaa iyo hadda lama oga sababta dilka iyo cida geysatay intaba wixii warar ah ee ka soo kordhana waan idin soo gudbin doonnaa.
C/raxmaan Diini, Hiiraan Online [email protected]