3/29/2024
Today from Hiiraan Online:  _
Wararka Maanta- Arbaco, May 9 , 2018
Ismaaciil Max’ed oo u tartamayay xaafadda 25 ee Columbus Ohio ayaa laga adkaaday
Arbaco, May, 09, 2018 (HOL) -Gabi ahaan dalkan Mareykanka waxaa ka socda doorashooyinka dhexe ee sanadk 2018, Soomaalida Mareykankuna waxay ka mid yihiin dadka u ordaya kuraasta kala gadisan ayaga oo ka tartamaya gobollo kala duwan.

Haddaba gobolkani Ohio magaalada Columbus degmadda 25 waxaa u tartmaya sadex qof oo ka socda xisbiga Democracy, mid ka mid ahna waa Ismaaciil Maxamed oo ah nin dhalinyaraa  isla markaana ah qareen.

Waxaa maalmihii la soo dhaafay ay Kooxaha ololaha Ismaaciil wadeen dadaallo ku aadan sidii ay u gulaysan lahaayeen iyaga oo gaarayay ama tagayay xaafadaha Soomaalida iyo ajnabigaba leh, waxayna soo bixiyeen ama goobta doorashada gaarsiiyeen dad aad u badan.
Asbuucii ugu danbeeyay waxa uu ahaa midkii ugu adkaa ololaha doorashada waana sanadkii ugu horeeyay ee ay Soomaali badan ka qeyb qaateen waxa loo yaqaan “Early Vote” taas oo cabsi galisay dhinacyadii la tartamayay Ismaaciil.

Hadaba markii ay soo xirmeen goobihii codbixinta waxa ay Soomaalidii isugu yimaadeen Maqaaxida weyn ee Pizza House oo ay soo buux dhaafiyeen boqolaal Soomaali ah ka warsugayay natiijada doorashada iyaga oo rajo fiican ka qabay in uu Ismaaciil guuleysto.
Waxaa hadba ay tirinta codadku is badalaan waxaa soo baxay natiijada oo noqotay mid aan farxad galin Soomaalidii goobta joogtay iyo Ismaaciil Maxamed.

Waxaana Ismaaciil laga koreeyay codad gaaraya sideed boqol (800) waxa ayna u kala heleen sidan.

Bernadine Kennedy Kent oo heshay 4,881 (Afarkun sideed boqol sideetan iyo kow )
Ismaaciil Maxamed oo helay 4,058 ( Afar kun konton iyo sideed)

Lamar D Peoles oo helay 1,532 ( kun shan boqol sodon iyo labo) Hadaba codadka uu helay Ismaaciil waxa ay ahayeen kuwo muujinaya suurto-galnimada in gobolka Ohio oo aysan Soomaalidu wali ka tartamin ka samayn karaan isbadal siyaasadeed, waxa ayna uga dhigneyd iyaga oo guuleystay.

Waa markii ugu horeysay oo qof Soomaali ah sameeyo tartan adag oo noocan oo kale ah waxana ismail uu furay wadadii ay qaadi lahayeen jiilasha Somalida Ohio ee aqoonta u saaxiibka ah.

Deeqo Shire (SONNA)
[email protected]













Click here
5/9/2018 10:35 AM EST
Arbaco, May, 09, 2018 (HOL) -Boqollaal kamid ah dadka deegaanka ayaa isugu soo baxay fagaare ku yaal magaalada Sablaale oo ka tirsan gobolka Shabeelaha hoose si ay u daawadaan xukunka ay fulinayeen Al-shabaab.

5/9/2018 10:29 AM EST
Araboco, May 09, 2018 (HOL) - Dagaal Culus ayaa ka dhex bilaabmay laba beelood oo wadada dega dhul balaadhan oo ka tirsan gobolada Sanaag iyo meelo ka mid ah gobolka Sool, waxaana la sheegayaa in uu khasaare xoog leh geystey.

5/9/2018 10:04 AM EST
Arbaco, May, 09, 2018 (HOL) -Gudiga gurmadka abaaraha heer qaran ayaa maamulka gobolka Gedo ku wareejiyay lacag dhan $100,000 (Boqol kun oo Doollar) oo loogu talo galay in lagu caawiyo ...

5/9/2018 9:35 AM EST
Arbaco, May, 09, 2018 (HOL) -Maamulka degmada Hodon oo uu hogaaminayo gudoomiyaha dagmada Maxamed Axmed Cantoobo ayaa maanta ku wareejiyay Wasaaradda Waxbrashada Hidaha iyo tacliinta sare Xaruntii ay ku laheyd xaafadda taleex ee degmada Hodan ee Gobolka Banaaadir.

5/9/2018 4:06 AM EST
Arbaco, May, 09, 2018 (HOL) -Madaxweynaha dalka Iiraan Xasan ruuxaani ayaa sheegay in xukuumadda Tahraan ay daba mari doonto Mareeykanka, kalana xaajoon doonto heshiiska Nuclearka dalalka kale ee sixiixayaasha ahaa, isagoo sheegay in ka laabashada Mareeykanka ee heshiiskaasi uu yahay mid aan la aqbali Karin.

5/9/2018 3:43 AM EST
Arbaco, May, 09, 2018 (HOL) -Mudane Cabdi Xaashi C/laahi ayaa shalay gelinkii danbe xafiiskiisa ku qaabilay wafdi ka socday Midowga Yurub ayagoo ka wada hadlay arimo ku saabsan taageerada uu ururkaasi siiyo Soomaaliya.

5/9/2018 3:26 AM EST
Arbaco, May, 09, 2018 (HOL) -Xildhibaan C/laahi Goodax Barre oo ka tirsan mudaneyaasha baarlamanka ayaa dalka Turkiga kula kulmay Madaxweynihii hore ee Soomaaliya Mudane Xasan Sheekh Max’uud.

5/9/2018 2:38 AM EST
Arbaco, May, 09, 2018 (HOL) -Aqoon is-weeydaarsiga oo uu fududeeyay urur goboleed IGAD ayaa waxa ka qeybgalaya culumaa’udiin, masuuliyiinta ururrada bulshada rayidka ah ee Jubbaland iyo aqoonyahanno ka kala yimid ...