5/26/2018
Today from Hiiraan Online:  _
Wararka Maanta- Jimco, May 18, 2018
Wabiga oo dib u celiyay biyihii ku fatahay qeybo ka mid ah magaalada Beledweyne Sawirro



Jicmo, May, 18, 2018 (HOL) – Dadka ayaa nafis dareemay qeybo ka mid ah magaalada Beledweyne kaddib markii uu Wabigu bilaabay in uu dib u celiyo daadadkii dhawaan ku fatahay magaalada.

Waddada dheer ee dhaxmarta bartamaha magaalada oo meelmihii ugu danbeeyay leysaga gudbayay Doomo ay ku deeqeen gaar ka mid ah hay’addaha samafalka ayaa hadda u muuqata mid dhaq-dhaqaaqeedii dadka iyo gadiidku uu dib u soo noqonayo kaddib markii ay intoodii badneyd isaga baxeen daadadkii ku soo fatahay.

Dadka qaar ayaa la arkayay iyaga oo lugeynaya Waddada Laamiga ah bal is ay u soo eegaan guryahoodii ay mudaba barakaca uga maqnaayeen, laakiin wali waxaa jira qeybo badan oo ka mid ah magaalada oo ay adag tahay in leysaga goosho.

Rajada bulshada ku dhaqan reer Beledweyne ayaa hadda ah mid wanaagsan, madaama dhinaca Itoobiya aan laga soo sheegin wax biyo ah, waxaana la filayaa in maalmaha soo socda dib u soo guryo noqdaan dadkii isaga barakacay magaalada.

C/raxmaan Diini, Hiiraan Online
[email protected]





Click here
5/18/2018 2:40 PM EST
Jicmo, May, 18, 2018 (HOL)–Inta la xaqiijinayo ilaa Sideed ruux ayaa lagu waramayaa in ay ku dhinteen kaddib toogasho qof hubeysan uu Jimcihii maanta ka geystay dusgi sare oo ku yaalla gobolka Texas ee dalkaan Mareykanka.

5/18/2018 10:35 AM EST
Jicmo, May, 18, 2018 (HOL)–Labo ruux ayaa ku dhimatay qof kalana waa la la’yahay kaddib markii ay la tageen daadad ka dhashay roobab duufaanno wata oo ku dhuftay qeybo ka mid ah deegaannada Puntland.

5/18/2018 7:57 AM EST
Jicmo, May, 18, 2018 (HOL)–Ra’iisul wasaaraha cusub ee dalka Itoobiya Abiy Ahmed ayaa safarkiisii ugu horeeyay ku tagay meel ka baxsan qaarada Africa Boqortooyada Sacuudi Carabiya.

5/18/2018 6:16 AM EST
Jicmo, May, 18, 2018 (HOL)–Iyadoo wali uu soconayo gurmadka loo fidinayo dadkii ku barakacay Fatahaada Wabiga Shabeele ee magaalada Beledweyne ayeey Shirkadda Xawaallada Amaana gaarsiisay Boqolaal qoysas ah deeq lacageed oo ka timid Jaaliyaddo Soomaaliyeed.

5/18/2018 5:50 AM EST
Jimco, May, 18, 2018 (HOL)-Sida ay saadaalinayaan khubarada saadaasha hawada, dabeylo ka kacay gacanka cadmeed ayaa isu beddelay duufaan xoog leh oo saameyn ku yeelatay qeybo ka mid ah xeebaha Somalia.

5/18/2018 2:36 AM EST
Jicmo, May, 18, 2018 (HOL)–Senate-ka Maraykanka ayaa markii u horraysay haweenay u idmaday in ay hogaamiso hay'adda sirdoonka Maraykanka ee CIA, inkastoo ay door ku soo yeelatay barnaamij ay hay'addani fulisay 9/11 oo dadka lagu baarijiray.

5/18/2018 2:30 AM EST
Jicmo, May, 18, 2018 (HOL)–Ra’iisal wasaaraha xukuumadda Soomaaliya Xassan Cali Kheyre ayaa kormeer howlleed ku tagey dekadda Muqdisho oo ay ka socdaan howlo isugu jira dhoofka iyo soo dajinta shixdaha kala duwan.

5/18/2018 2:21 AM EST
Jicmo, May, 18, 2018 (HOL)– Madaxweynaha dowlad gobolleedka Puntland Cabdiweli Maxamed Cali Gaas ayaa isbitaalka Garoowe ku booqdey Askartii ku dhaawacantay dagaalkii Tukaraq.

5/18/2018 2:12 AM EST
Jicmo, May, 18, 2018 (HOL) - Kulanka Guddiga joogtada ah ee Golaha Shacabka oo uu shir guddoominayay guddoomiyaha golaha Shacabka JFS Maxamed Mursal Sheekh Cabdiraxmaan, waxaa looga hadlay dagaaladda maalmihii la soo dhaafay ka soo cusboonaaday deegaanka Tukaraq, wax ka qabashada fatahaadaha ay sameeyeen wabiyada dalka iyo sidoo kale dardar gelinta howlaha kalfadhigan iyo kan xiga horyaala golaha shacabka.