10/21/2018
Today from Hiiraan Online:  _
Wararka Maanta- Jimco, May 18, 2018
Jaaliyaddo Soomaaliyeed oo lacago ugu deeqay dadka ay fatahaadu ku dhufatay ee Beledweyne



Jicmo, May, 18, 2018 (HOL) – Iyadoo wali uu soconayo gurmadka loo fidinayo dadkii ku barakacay Fatahaada Wabiga Shabeele ee magaalada Beledweyne ayeey Shirkadda Xawaallada Amaana gaarsiisay Boqolaal qoysas ah deeq lacageed oo ka timid Jaaliyaddo Soomaaliyeed.

Deeqdan lacageed oo ka kala timid Jaaliyadaha dalalka Sweden gaarn ahaan magaalada Nesto, Australia magaalada Berto iyo dalka Mareykanka magaalada Virginia ayaa la garsiiyay qoysaskii dhawaan ku barakacay dulleedka iyo daafaha magaalada Beledweyne.

Madaxa xarunta shirkadda Amaana ee gobolka Hiiraan Xassan Ibraahim Xalane ayaa Hiiraan Online u sheegay in gargaarkan uu noqonayo kii ugu ballaarnaa oo la soo gaarsiiyo dadka ay fatahaadu saameysay marka la eego cadadka lacagta ay ku deeqeen Jaaliyadahan.

‘’Australia Berto waxaa naga soo gaaray $4240 dollar, Jaalada magaalada Nesto ee isla Sweden waxaa sidoo kale naga soo gaaray $ 6000 oo dollar, iyo Jaaliyada Virginia waxaa ay ku deeqeen 10,000 oo dollar,  ayuu yiri Xassan Ibraahim Xalane.

Deeqdan lacageed ayaa waxaa ka faa’ideystay ilaa 400 Qoys kuwaa oo isugu jira qoysaskii ku barakacay dulleedka magaalada iyo dadka bukaanka ah ee ku jira Isbitaalka guud ee magaalada Beledweyne.

Gaar ahaan waxaa deeqdan lacageed soo gaarsiiyay shirkadda Amaana shaqsiyaadka kala ah Leylo Maxmuud Caraale, Xassan Xiirey iyo waliba Cilmi Faarax Wabi.

Fatahaadii dhawaan ku dhufatay magaalada Beledweyne ayaa sababtay in ay ka barakacaan guryihiin ay ku noolaayeen Kumannaan qoysas ah oo hadda ku dhibaateysay dhulka sare ee buuraleyda ah xili dhinaca kale  laguda gal-galay bisha Ramadaan oo ay dadku u baahan yihii ay hellaan gargaar dheeraad ah.

C/raxmaan Diini, Hiiraan Online
[email protected]







Click here
5/18/2018 2:40 PM EST
Jicmo, May, 18, 2018 (HOL)–Inta la xaqiijinayo ilaa Sideed ruux ayaa lagu waramayaa in ay ku dhinteen kaddib toogasho qof hubeysan uu Jimcihii maanta ka geystay dusgi sare oo ku yaalla gobolka Texas ee dalkaan Mareykanka.

5/18/2018 10:35 AM EST
Jicmo, May, 18, 2018 (HOL)–Labo ruux ayaa ku dhimatay qof kalana waa la la’yahay kaddib markii ay la tageen daadad ka dhashay roobab duufaanno wata oo ku dhuftay qeybo ka mid ah deegaannada Puntland.

5/18/2018 7:57 AM EST
Jicmo, May, 18, 2018 (HOL)–Ra’iisul wasaaraha cusub ee dalka Itoobiya Abiy Ahmed ayaa safarkiisii ugu horeeyay ku tagay meel ka baxsan qaarada Africa Boqortooyada Sacuudi Carabiya.

5/18/2018 6:40 AM EST
Jicmo, May, 18, 2018 (HOL)–Dadka ayaa nafis dareemay qeybo ka mid ah magaalada Beledweyne kaddib markii uu Wabigu bilaabay in uu dib u celiyo daadadkii dhawaan ku fatahay magaalada.

5/18/2018 5:50 AM EST
Jimco, May, 18, 2018 (HOL)-Sida ay saadaalinayaan khubarada saadaasha hawada, dabeylo ka kacay gacanka cadmeed ayaa isu beddelay duufaan xoog leh oo saameyn ku yeelatay qeybo ka mid ah xeebaha Somalia.

5/18/2018 2:36 AM EST
Jicmo, May, 18, 2018 (HOL)–Senate-ka Maraykanka ayaa markii u horraysay haweenay u idmaday in ay hogaamiso hay'adda sirdoonka Maraykanka ee CIA, inkastoo ay door ku soo yeelatay barnaamij ay hay'addani fulisay 9/11 oo dadka lagu baarijiray.

5/18/2018 2:30 AM EST
Jicmo, May, 18, 2018 (HOL)–Ra’iisal wasaaraha xukuumadda Soomaaliya Xassan Cali Kheyre ayaa kormeer howlleed ku tagey dekadda Muqdisho oo ay ka socdaan howlo isugu jira dhoofka iyo soo dajinta shixdaha kala duwan.

5/18/2018 2:21 AM EST
Jicmo, May, 18, 2018 (HOL)– Madaxweynaha dowlad gobolleedka Puntland Cabdiweli Maxamed Cali Gaas ayaa isbitaalka Garoowe ku booqdey Askartii ku dhaawacantay dagaalkii Tukaraq.

5/18/2018 2:12 AM EST
Jicmo, May, 18, 2018 (HOL) - Kulanka Guddiga joogtada ah ee Golaha Shacabka oo uu shir guddoominayay guddoomiyaha golaha Shacabka JFS Maxamed Mursal Sheekh Cabdiraxmaan, waxaa looga hadlay dagaaladda maalmihii la soo dhaafay ka soo cusboonaaday deegaanka Tukaraq, wax ka qabashada fatahaadaha ay sameeyeen wabiyada dalka iyo sidoo kale dardar gelinta howlaha kalfadhigan iyo kan xiga horyaala golaha shacabka.