10/21/2018
Today from Hiiraan Online:  _
Wararka Maanta- Arbaco, May 16, 2018
Waddo burburtay oo ay ku dhinteen 18 ruux


 

Arbaco, May, 16, 2018 (HOL) – Inta la ogyahay 18 ruux ayaa ku dhimatay dad kale oo baddana waa ay hoos xanniban-yihiin kaddib markii ay waddo dhulka ka sarraysa ku duntay magaalada Varanasi ee dalka Hindiya.

Waddada duntay ayaa la sheegay in uu dhisme ku socday markii ay qayb ka mid ah duntay, waxaana furnayd oo gawaaridu adeegsanayeen waddo kale oo hoos marta.

Shaqaale ka socda gurmadka degdegga ah ayaa sheegay in ilaa iyo hadda la helay 18 ruux oo mayd ah.

Waxaa socda gurmad lagu baadigoobayo dadka wali la rumaysan yahay in ay ku hoos jiraan gawaarida, balse tiradooda iyo xaaladda ay ku sugan yihiin ayaan wali war laga haynin.

Sawirro iyo muuqaallo laga qaaday dhacdadan ayaa muujinaya gawaari iyo bas ku hoos xaniban burburka oo ay dad ku jiraan.

Warbaahinta gudahu waxay ku warramaysaa in tiro dad ah la badbaadiyay iyaga oo badqaba, iyadoo toddobo wiish ay daabuleen qaar ka mid ah shubabkii soo dumay. Dad badan ayaa sidoo kale isugu soo arruuray goobtaas.

Qaar ka mid ah goob joogeyaasha ayaa saxafiyiinta u sheegay in ay ka ag dhawaayeen marka ay waddadu dumaysay, "ugu yaraan afar gaari, hal bajaaj iyo bas yar ayay waddadu ku duntay" ayay dhaheen.

BBC







Click here
5/16/2018 1:43 PM EST
Arbaco, May, 16, 2018 (HOL)–Dhawaqa Qaraxyo xoogan loo maleynayo in loo adeegsanayo Qoriga hoobiyaha ayaa caawa laga maqlayaa qeybo kala duwan oo magaalada Muqdisho ah.

5/16/2018 10:31 AM EST
Arbaco, May, 16, 2018 (HOL)–Saddexda xisbi Qaran ee Somaliland, ayaa maanta si wada jir ah eedeen usoo jeediyey ciidamada Puntland oo ay sheegeen inay weerareen ciidanka Somaliland.

5/16/2018 9:16 AM EST
Arbaco, May, 16, 2018 (HOL)–Waxaa goor dhaw lagu soo gabagabeeyay magaalada Baydhabo ee xarunta gobolka Baay shirkii madaxda dowlad gobolleedyada dalka.

5/16/2018 7:46 AM EST
Arbaco, May, 16, 2018 (HOL) –Wasaaradda Boostada, Isgaarsiinta iyo Teknoolojiyada ayaa billowday dhismaha Xarunta Is-weydaarsiga Internet-ka (Internet Exchange Point) ee magaalada Muqdisho (MogIX), taas oo fududeyn doonta in shirkadaha bixiya adeegyada internetka ay isku xirmaan, isla markaana isku weydaarsadaan xogtooda.

5/16/2018 4:17 AM EST
Arbaco, May, 16, 2018 (HOL)–Rasaas aan badneyn ayaa wali laga maqlayaa Aagaga ay isku hor fadhiyaan ciidamada Somaliland iyo kuwa Puntland oo maalintii shalay ku dagaalamay deegaanka Tuka-Raq ee gobolka Sool.

5/16/2018 3:18 AM EST
Muslimiinta dagan Maraykanka ayaa sanadkaan wajahaya in la kala soomo bisha Ramadaan iyadoo aduun waynaha islaamku sheegeen in bisha ay bilaaban doonto Khamiista ayaa xalay fiidnimadii danbe ku dhawaad 11:00 Fiidnimo xiliga Minnesota Culumodiin dagan Magaaladda Califonia ay sheegeen in ay arkeen dhalashada bisha Ramadaan.

5/16/2018 1:28 AM EST
Arbaco, May, 16, 2018 (HOL)–Qiyaastii 1.2 Milyan oo ruux ayaa lagu waramayaa in ay saameyn adag oo dhinaca nolasha ah ku yeesheen daadad ka dhashay roobab culus oo ka da’ay qeybo ka mid ah dalalka Soomaaliya, Itoobiya iyo Kenya,

5/16/2018 12:50 AM EST
Arbaco, May, 16, 2018 (HOL)–Wasaaradda arrimaha Diinta iyo Awqaafta Xukuumadda Federaalka Soomaaliya ayaa digniin ka soo saartay in maqaayadaha la furo oo cunto lagu kariyo maalinkii oo dadka ay sooman yihiin, inta lagu guda bisha Ramadaan.

5/16/2018 12:36 AM EST
Arbaco, May, 16, 2018 (HOL) – Shirweynaha Qaran ee Daahfurka Dib-u-Eegista Dastuurka, oo ay ka soo qayb galeen qeybo kala duwan ee kala matatalaya Baarlamaanka Jamhuuriyadda Federaalka Soomaaliya, Xukuumadda Jamhuuriyadda Federaalka Soomaaliya, Garsoorka, Guddiga Madaxabannaan ee Doorashooyinka Qaranka, Guddiga Xuduudaha iyo Federaalka, Dowlad Goboleedyada xubnaha ka ah Dowladda Federaalka Soomaaliya, Maamulka Gobolka Banaadir, Dhallinyarada, Haweenka, Bulshada Rayidka, Ururadda Xirfadleyda, Culumaa’udiinka, Qurba-joogta Soomaaliyeed, Dadka Baahiyaha gaarka qaba, Odayaayasha Dhaqanka iyo xubnaha beesha Caalamka waxay ku kulmeen Hotel Royal Palace taariikhda 13ka – 15ka Maajo 2018, Muqdishu – Soomaaliya.

5/16/2018 12:29 AM EST
Arbaco, May, 16, 2018 (HOL)- War qoraal ah oo ka soo baxay wakiilka gaar ah ee Qaramada Midoobey Michael Keating ayaa ku baaqay in sida ugu dhaqsiyaha badan loo joojiyo dagaalka deegaanka Tuka-Raq ee gobolka Sool.