5/26/2018
Today from Hiiraan Online:  _
Wararka Maanta- Isniin, May 14, 2018
Mareykanka oo si rasmi ah safaarad uga furtay Qudus


 

Isniin, May, 14, 2018 (HOL) - Dowladd Mareykanka ayaa si rasmi ah safaaraddeda uga soo rartay magaalada Tel Aviv, una guurisay magaalada Qudus maanta, in kasta oo 37 Falastiiniyiin ah lagu dilay, boqolaal kalena lagu dhaawacay rabshado ka dhacay xadka Gaza.

Meel wax ka yar 100 KM u jirta halka ay rabshadaha ka dhaceen, saraakiisha Mareykanka iyo kuwa Israel ayaa isugu soo ururay magaalada Qudus, halkaasi oo safaaradda si rasmi ah looga furay.

Madaxweynaha Mareykanka, Donald Trump ayaa iska dhego tiray dareenka dowlado badan oo dunida ah bishii December, markii uu ku dhawaaqay inuu safaaradda Mareykanka u rarayo magaalada Qudus.

Wiilka uu Trump sodogga u yahay ee Jared Kushner, oo ah la-taliye ka tirsan Aqalka Cad ayaa ka mid aaah wufuudda Mareykanka ee ka qeyb galay munaasabdda furitaanka.

“Ayada oo madaxweynayaashii ka horreeyey Trump ay ka laabteen ballanqaadyadoodii ahaa inay safaaradda Mareykanka u rarayaan Jerusalem, madaxweynaha wuu ka dhabeeyey ballanqaadkiisa, sababtoo ah marka madaxweyne Trump uu ballanqaad sameeyo wuu ka dhabeyaa” ayuu yiri Kushner.

Hadal muuqaal ahaan looga baahiyey furitaanka safaaradda, ayuu Trump ku sheegay in safaarad Mareykan oo ku taalla Jerusalem ay ahayd wax muddo fog soo socday, islamarkaana Jerusalem ay tahay caasimadda Israel.

VOA




Click here
5/14/2018 11:16 PM EST
Isniin, May. 14, 2018 (HOL) – Waxaa maanta magaalada Baydhaba ee xarunta dowlad goboleedka Koonfur Galbeed ka furmay shirka golaha iskaashiga ee dowlad goboleedyad Soomaaliya, kuwaasi oo halkaasi gaaray shalay, sheegayna inay ka arrinsanayaan arrimaha khuseeya maamuladooda.

5/14/2018 11:00 PM EST
Isniin, May. 14, 2018 (HOL)–Shirkadda BECO aya shaacisay in ay qiimo dhismis ku sameysay adeegeedii Korontada inta lagu guda jiro bisha Ramadaan.

5/14/2018 11:32 AM EST
Isniin, May, 14, 2018 (HOL)–Madaxweynaha dowladda Soomaaliya Maxamed Cabdullaahi Farmaajo oo ku sugan magaalada Doxa ayaa kulan la yeeshay Amiirka dalka Qatar Sheekh Tamiim Bin Xamad Al Thani.

5/14/2018 10:12 AM EST
Isniin, May, 14, 2018 (HOL) – Mudaharaad balaadhan oo xidhay inta badan wadooyinka magaalada Ceerigaabo ee Caasimada Gobolka Sanaag, kaas oo ka danbeeyey kadib markii warkeeda la soo gaadhsiiyey Sarkaal ciidanka Somaliland ka tirsanaa oo gaadiid iyo ciidan la goostay in lagu weeraray duleedka Ceel-afweyn.

5/14/2018 9:10 AM EST
Iniin May, 14 2018 (HOL) – Madaxweyne Muuse Biixi Cabdi ayaa ka hadlay sababta dabaaldega 18 may looogu soo raray 15-ka May iyo Guud ahaan taariikhda Somaliland soo martay, waxaanu shacabka ku hambalyey 27 guuradda ka soo wareegtay madax banaanidda Somaliland. Sidoo kale, waxa uu fariin u direy dawladda Soomaaliya oo uu sheegay in hadii midnimadii socon wayday la isku tixgaliyo in la ahaado labadawladood oo siman.

5/14/2018 8:35 AM EST
Isniin, May, 14, 2018 (HOL)–Magaalada Baydhabo ee xarunta gobolka Baay waxaa ka soconaya shir halkaa maanta uga furmay madaxweynayaasha dowlad gobolleedyada Soomaaliya.

5/14/2018 7:50 AM EST
Isniin, May, 14, 2018 (HOL)–Degmada Kaxda oo ah degmada ugu da’da yar guud ahaan marka la eego gobolka Banaadir, ayaa maanta lagu qabtay munaasabad lagu daah furyay guddi nabadeyn ah oo yeelaneyso degmada.

5/14/2018 5:28 AM EST
Isniin, May, 14, 2018 (HOL) – Wasiirka wasaarradda arrimaha dibeda Soomaaliya Axmed Cawad Ciise ayaa ka guddoomay safiirka Shiinaha ee Soomaaliya deeq lacageed oo dhan 1.5 million oo dollar oo loogu tala-galay in lagu caawiyo dadka ay fatahaaddu ku dhufatay ee Soomaaliyeed.

5/14/2018 3:42 AM EST
Isniin, May, 14, 2018 (HOL)–Mareykanka ayaa sidii oo horay uga dhawaaqay Donald Trump ayaa maanta u raraya saafaradiisa Talviiv magaalada Qudus ee dhulka Falastiiyiinta.

5/14/2018 3:03 AM EST
Isniin, May, 14, 2018 (HOL)–Laba qof oo saarnaa mooto ayaa weerar ismiidaamin ah ku qaaday xarun booliis oo ku taal magaalada Surabaya, maalin uun kadib markii ay mawjado qaraxyo ah oo dhimasho badan gaystay ay ka dheceen magaalo kutaal dalka Indonesia.

5/14/2018 1:28 AM EST
Isniin, May, 14, 2018 (HOL)–Ra’iisal wasaaraha xukuumadda Soomaaliya Xassan Cali Kheyre oo la socdaan Wasiirka Amniga iyo saraakiisha ciidamada Nabad-sugida ayaa xalay kormeeray qeybo ka mid ah magaalada Muqdisho.

5/14/2018 1:10 AM EST
Isniin, May, 14, 2018 (HOL)–Xoogagga Al-shabaab ee ka dagaalama Jubbada Dhexe ayaa warbaahinta u soo bandhigay muuqaalka sarkaal sida ay hadalka u dhigeen ka soo goostay maamul gobolleedka Jubbaland.

5/14/2018 12:42 AM EST
Isniin, May, 14, 2018 (HOL)–Madaxweynaha dowladda Soomaaliya Maxamed Cabdullaahi Farmaajo iyo wafdi uu hoggaaminayo ayaa xalay gaaray magaalada Dooxa ee caasimadda Qatar, halkaas ay uga bilaabatay booqasho rasmi ah oo qaadaneysa labo cisho.

5/14/2018 12:31 AM EST
Isniin, May, 14, 2018 (HOL)-Magaalada Baydhabo ee xarunta KMG ah ee maamulka Koonfur Galbeed ayaa lagu wadaa in uu maanta ka furmo shirka madaxda dowlad gobolleedyada oo dhamaantood maalintii shalay halkaa gaaray.