5/26/2018
Today from Hiiraan Online:  _
Wararka Maanta- Isniin, May 14, 2018
Xiisado ka jira deegaannada Ceerigaabo iyo Ceel-afweyn oo Gobolka Sanaag


 

Isniin, May, 14, 2018 (HOL) – Mudaharaad balaadhan oo xidhay inta badan wadooyinka magaalada Ceerigaabo ee Gobolka Sanaag, kaas oo ka danbeeyey kadib markii warkeeda la soo gaadhsiiyey Sarkaal ciidanka Somaliland ka tirsanaa oo gaadiid iyo ciidan la goostay in lagu weeraray duleedka Ceel-afweyn.

Mudaharaadkan ayaa geystey dhimasho iyo dhaawac sida ay dad badan HOL u sheegeen in ciidanka Booliska oo kaashanaya ciidanka Milateriga ay rasaas isku dayeen in ay ku kala dareeriyaan.

Mudaharaadkan ayaa hada Istaagey inkasta oo ay weli wadooyinka qaar xidhan yihiin oo dhagxaan iyo gubad taayiro ah ay sii yaalaan hadana waxaa jira kacdoono markale soo bilaabmi kara,

"Rabshadan waxaa bilaabay beesha sarkaalkaasi ka soo jeedo oo lagu Naanayso Caarre, hadase waxaa ku soo biiray dhalinyaro beelo kaladuwan ka soo jeeda" sidaa waxaa noo sheegay Cali Salaad oo aan la xidhiidhnay waxaanu intaas ku daray in halqof ku dhintay dad badana ay dhaawac yihiin.

Dhinaca kale Magaalada Ceel-Afweyn ayaa la jaray isgaadhsiinteeda waxaana la sheegayaa in dagaal dhexmaray ciidamo Somaliland ah iyo Sarkaalkaas ka soo horjeestey ilaa hadana lama hayo waxyeelada dhabta ah ee ka jirta halkaas

Wixii ka soo kordha dib ayaan idiinka soo sheegi doonaa

Seynab Cabdi Warsame

[email protected]

Laascaanood





Click here
5/14/2018 11:16 PM EST
Isniin, May. 14, 2018 (HOL) – Waxaa maanta magaalada Baydhaba ee xarunta dowlad goboleedka Koonfur Galbeed ka furmay shirka golaha iskaashiga ee dowlad goboleedyad Soomaaliya, kuwaasi oo halkaasi gaaray shalay, sheegayna inay ka arrinsanayaan arrimaha khuseeya maamuladooda.

5/14/2018 11:00 PM EST
Isniin, May. 14, 2018 (HOL)–Shirkadda BECO aya shaacisay in ay qiimo dhismis ku sameysay adeegeedii Korontada inta lagu guda jiro bisha Ramadaan.

5/14/2018 2:32 PM EST
Isniin, May, 14, 2018 (HOL) - Dowladd Mareykanka ayaa si rasmi ah safaaraddeda uga soo rartay magaalada Tel Aviv, una guurisay magaalada Qudus maanta, in kasta oo 37 Falastiiniyiin ah lagu dilay, boqolaal kalena lagu dhaawacay rabshado ka dhacay xadka Gaza.

5/14/2018 11:32 AM EST
Isniin, May, 14, 2018 (HOL)–Madaxweynaha dowladda Soomaaliya Maxamed Cabdullaahi Farmaajo oo ku sugan magaalada Doxa ayaa kulan la yeeshay Amiirka dalka Qatar Sheekh Tamiim Bin Xamad Al Thani.

5/14/2018 9:10 AM EST
Iniin May, 14 2018 (HOL) – Madaxweyne Muuse Biixi Cabdi ayaa ka hadlay sababta dabaaldega 18 may looogu soo raray 15-ka May iyo Guud ahaan taariikhda Somaliland soo martay, waxaanu shacabka ku hambalyey 27 guuradda ka soo wareegtay madax banaanidda Somaliland. Sidoo kale, waxa uu fariin u direy dawladda Soomaaliya oo uu sheegay in hadii midnimadii socon wayday la isku tixgaliyo in la ahaado labadawladood oo siman.

5/14/2018 8:35 AM EST
Isniin, May, 14, 2018 (HOL)–Magaalada Baydhabo ee xarunta gobolka Baay waxaa ka soconaya shir halkaa maanta uga furmay madaxweynayaasha dowlad gobolleedyada Soomaaliya.

5/14/2018 7:50 AM EST
Isniin, May, 14, 2018 (HOL)–Degmada Kaxda oo ah degmada ugu da’da yar guud ahaan marka la eego gobolka Banaadir, ayaa maanta lagu qabtay munaasabad lagu daah furyay guddi nabadeyn ah oo yeelaneyso degmada.

5/14/2018 5:28 AM EST
Isniin, May, 14, 2018 (HOL) – Wasiirka wasaarradda arrimaha dibeda Soomaaliya Axmed Cawad Ciise ayaa ka guddoomay safiirka Shiinaha ee Soomaaliya deeq lacageed oo dhan 1.5 million oo dollar oo loogu tala-galay in lagu caawiyo dadka ay fatahaaddu ku dhufatay ee Soomaaliyeed.

5/14/2018 3:42 AM EST
Isniin, May, 14, 2018 (HOL)–Mareykanka ayaa sidii oo horay uga dhawaaqay Donald Trump ayaa maanta u raraya saafaradiisa Talviiv magaalada Qudus ee dhulka Falastiiyiinta.

5/14/2018 3:03 AM EST
Isniin, May, 14, 2018 (HOL)–Laba qof oo saarnaa mooto ayaa weerar ismiidaamin ah ku qaaday xarun booliis oo ku taal magaalada Surabaya, maalin uun kadib markii ay mawjado qaraxyo ah oo dhimasho badan gaystay ay ka dheceen magaalo kutaal dalka Indonesia.

5/14/2018 1:28 AM EST
Isniin, May, 14, 2018 (HOL)–Ra’iisal wasaaraha xukuumadda Soomaaliya Xassan Cali Kheyre oo la socdaan Wasiirka Amniga iyo saraakiisha ciidamada Nabad-sugida ayaa xalay kormeeray qeybo ka mid ah magaalada Muqdisho.

5/14/2018 1:10 AM EST
Isniin, May, 14, 2018 (HOL)–Xoogagga Al-shabaab ee ka dagaalama Jubbada Dhexe ayaa warbaahinta u soo bandhigay muuqaalka sarkaal sida ay hadalka u dhigeen ka soo goostay maamul gobolleedka Jubbaland.

5/14/2018 12:42 AM EST
Isniin, May, 14, 2018 (HOL)–Madaxweynaha dowladda Soomaaliya Maxamed Cabdullaahi Farmaajo iyo wafdi uu hoggaaminayo ayaa xalay gaaray magaalada Dooxa ee caasimadda Qatar, halkaas ay uga bilaabatay booqasho rasmi ah oo qaadaneysa labo cisho.

5/14/2018 12:31 AM EST
Isniin, May, 14, 2018 (HOL)-Magaalada Baydhabo ee xarunta KMG ah ee maamulka Koonfur Galbeed ayaa lagu wadaa in uu maanta ka furmo shirka madaxda dowlad gobolleedyada oo dhamaantood maalintii shalay halkaa gaaray.