5/26/2018
Today from Hiiraan Online:  _
Wararka Maanta- Isniin, May 14, 2018
Guddi nabadeyn ah loo dhisayo degmada Kaxda ee gobolka Banaadir



Isniin, May, 14, 2018 (HOL) – Degmada Kaxda oo ah degmada ugu da’da yar guud ahaan marka la eego gobolka Banaadir, ayaa maanta lagu qabtay munaasabad lagu daah furyay guddi nabadeyn ah oo yeelaneyso degmada.

Munaasabada waxaa ka hadlay mas’uuliyiin ka tirsan maamulka gobolka Banaadir, gaar ahaan waaxda u qaabilsan nabada- kuwaa oo sheegay in dhismaha guddiyadan wax weyn ka tari doonaan guud ahaanba marka la eego dib u soo celinta amniga iyo hormarka caasimada.

Mas’uuliyiintii ka hadashay munaasabada ayaa waxaa ka mid ahaa Marwo Deeqo Maxamed Muuse iyo Cabdulle Yalaxow Maalin oo ka hadlay wax yaabihii u qabsoomaday guddiyada muddadii ay soo jireen iyo waliba muhiimada guddiyada nabadu leeyihiin hormarka caasimada.

Madaxa Barnaamijyada Hay’ada SOYDEN waxa uu sheegey in codsi uga yinid maamulkii hore ee Gobalka Banadir ay isku xilqaameen sidii degmadan cusub looga hirgelin lahaa guddiga nabada isagoo hoosta ka xariiqey in Amniga iyo nabada kala maarmin, sidaa darteed amnigana lagama shaqeyn karo haddii aan nabada la xoojin sido kale nabada ma waareyso haddii aysan jirin Amni sugan marka waxaa muhiim ah in nabada laga shaqeeyo.

Waxaa magaca degmadda martida loo ahaay isla markaan guddiga laga dhisayay ku hadashay gudoomiyaha ururka haweenka degmada kaxda Marwo Aamino Mursal Cabdi,waxay sheegtey in gudiyada Nabada ee deegaan waxaa uu Muhiim u yahay Bulshada halkaas ku dhaqan si ay u gaarto Horumar la taaban karo.

Waxaa sidoo kale kulanka ka hadlay gudoomiye kuxigeenka Arimaha Bulshada Gobolka Banaadir Xasan Ali Malaay waxaana uu u Mahadc eliyey intii ka soo shaqeysey Gudiga nabada Degmada Kaxda gaar ahaan Hay’adda SOYDEN oo uu sheegey in ay tahay Hayad u Tagaan sidii Somaaliya uga dhalan lahayd nabad

Hay'ada SOYDEN waxaa ay hore uga dhistey gudiyo nabadeed degmooyin gaaraya ilaa 29 degmo kuwaas oo laga hirgeliyey maamul Gobaleedyada Jubbaland, Hirshabelle, Koonfur Galbeed kuwaas oo ay ku jiraan 16 degmo ee hore uga biirey Gobalka Banadir.

Ra’iisal wasaaraha xukuumadda Soomaaliya Xassan Cali Kheyre ayaa xalay kormeeray degmada Kaxda ee gobolka Banaadir isaga oo halkaa kula kulmay maamulka degmada.

C/raxmaan Diini, Hiiraan Online
[email protected]





Click here
5/14/2018 11:16 PM EST
Isniin, May. 14, 2018 (HOL) – Waxaa maanta magaalada Baydhaba ee xarunta dowlad goboleedka Koonfur Galbeed ka furmay shirka golaha iskaashiga ee dowlad goboleedyad Soomaaliya, kuwaasi oo halkaasi gaaray shalay, sheegayna inay ka arrinsanayaan arrimaha khuseeya maamuladooda.

5/14/2018 11:00 PM EST
Isniin, May. 14, 2018 (HOL)–Shirkadda BECO aya shaacisay in ay qiimo dhismis ku sameysay adeegeedii Korontada inta lagu guda jiro bisha Ramadaan.

5/14/2018 2:32 PM EST
Isniin, May, 14, 2018 (HOL) - Dowladd Mareykanka ayaa si rasmi ah safaaraddeda uga soo rartay magaalada Tel Aviv, una guurisay magaalada Qudus maanta, in kasta oo 37 Falastiiniyiin ah lagu dilay, boqolaal kalena lagu dhaawacay rabshado ka dhacay xadka Gaza.

5/14/2018 11:32 AM EST
Isniin, May, 14, 2018 (HOL)–Madaxweynaha dowladda Soomaaliya Maxamed Cabdullaahi Farmaajo oo ku sugan magaalada Doxa ayaa kulan la yeeshay Amiirka dalka Qatar Sheekh Tamiim Bin Xamad Al Thani.

5/14/2018 10:12 AM EST
Isniin, May, 14, 2018 (HOL) – Mudaharaad balaadhan oo xidhay inta badan wadooyinka magaalada Ceerigaabo ee Caasimada Gobolka Sanaag, kaas oo ka danbeeyey kadib markii warkeeda la soo gaadhsiiyey Sarkaal ciidanka Somaliland ka tirsanaa oo gaadiid iyo ciidan la goostay in lagu weeraray duleedka Ceel-afweyn.

5/14/2018 9:10 AM EST
Iniin May, 14 2018 (HOL) – Madaxweyne Muuse Biixi Cabdi ayaa ka hadlay sababta dabaaldega 18 may looogu soo raray 15-ka May iyo Guud ahaan taariikhda Somaliland soo martay, waxaanu shacabka ku hambalyey 27 guuradda ka soo wareegtay madax banaanidda Somaliland. Sidoo kale, waxa uu fariin u direy dawladda Soomaaliya oo uu sheegay in hadii midnimadii socon wayday la isku tixgaliyo in la ahaado labadawladood oo siman.

5/14/2018 8:35 AM EST
Isniin, May, 14, 2018 (HOL)–Magaalada Baydhabo ee xarunta gobolka Baay waxaa ka soconaya shir halkaa maanta uga furmay madaxweynayaasha dowlad gobolleedyada Soomaaliya.

5/14/2018 5:28 AM EST
Isniin, May, 14, 2018 (HOL) – Wasiirka wasaarradda arrimaha dibeda Soomaaliya Axmed Cawad Ciise ayaa ka guddoomay safiirka Shiinaha ee Soomaaliya deeq lacageed oo dhan 1.5 million oo dollar oo loogu tala-galay in lagu caawiyo dadka ay fatahaaddu ku dhufatay ee Soomaaliyeed.

5/14/2018 3:42 AM EST
Isniin, May, 14, 2018 (HOL)–Mareykanka ayaa sidii oo horay uga dhawaaqay Donald Trump ayaa maanta u raraya saafaradiisa Talviiv magaalada Qudus ee dhulka Falastiiyiinta.

5/14/2018 3:03 AM EST
Isniin, May, 14, 2018 (HOL)–Laba qof oo saarnaa mooto ayaa weerar ismiidaamin ah ku qaaday xarun booliis oo ku taal magaalada Surabaya, maalin uun kadib markii ay mawjado qaraxyo ah oo dhimasho badan gaystay ay ka dheceen magaalo kutaal dalka Indonesia.

5/14/2018 1:28 AM EST
Isniin, May, 14, 2018 (HOL)–Ra’iisal wasaaraha xukuumadda Soomaaliya Xassan Cali Kheyre oo la socdaan Wasiirka Amniga iyo saraakiisha ciidamada Nabad-sugida ayaa xalay kormeeray qeybo ka mid ah magaalada Muqdisho.

5/14/2018 1:10 AM EST
Isniin, May, 14, 2018 (HOL)–Xoogagga Al-shabaab ee ka dagaalama Jubbada Dhexe ayaa warbaahinta u soo bandhigay muuqaalka sarkaal sida ay hadalka u dhigeen ka soo goostay maamul gobolleedka Jubbaland.

5/14/2018 12:42 AM EST
Isniin, May, 14, 2018 (HOL)–Madaxweynaha dowladda Soomaaliya Maxamed Cabdullaahi Farmaajo iyo wafdi uu hoggaaminayo ayaa xalay gaaray magaalada Dooxa ee caasimadda Qatar, halkaas ay uga bilaabatay booqasho rasmi ah oo qaadaneysa labo cisho.

5/14/2018 12:31 AM EST
Isniin, May, 14, 2018 (HOL)-Magaalada Baydhabo ee xarunta KMG ah ee maamulka Koonfur Galbeed ayaa lagu wadaa in uu maanta ka furmo shirka madaxda dowlad gobolleedyada oo dhamaantood maalintii shalay halkaa gaaray.