Axad, May, 13, 2018 (HOL) – Boqolaal Soomaali ah ayaa ka soo qeybgashay xaflad lagu
soo dhaweynayay Hodan Hassan oo u tartamaysa xildhibaanimo xaafada 62A ee
Minneaplis.
Xafladdan oo ka dhacday magaalada
Columbus Ohio ujeedka ugu weyn oo laga lahaa waa in Hodan loo muujiyo in ay
tahay qof u qalma xilka ay u tartamayso isla markaana ay buuxin doonto kaalin
muhiim ah oo haweenka Soomaaliyeed iyo horumarkooda ka tarjumya.
Inkasta oo Hodan xaafada ay u
ordayso ay dagan yihiin dadyow kala gadisan hadana waxa ay si weyn ugu
baahantahay in ay hesho garab istaaga Jaaliyadeeda oo runtii si weyn ula
shaqeya.
Waxaa Hodan la cararaya dhanka
Soomaalida 2 Wiil oo kale waxayna kuligood ku qanacsanyihiin in ay xafaddan u
ordan, Lakin Hodan waxay ka sharqamisay in ay muhiim tahay in qof Soomaali ah u
soo baxo xaafadan, inkasta oo ay jiraan dad kale oo ajanabi ah oo la tartamaya.
Qaybaha kala duwan ee
Jaaliyadda Columbus oo runtii aad u soo buuxiyay goobta xafladu ka dhacaysay
ayaa Hodan u muujiyay in ay garabtaaganyihiin kuna boorinayaan in ay
dadaalkeeda sii labo jibaarto.
Hodan waxay Jaaliyadda kala
hadashay in ay reer Ohio ahmiyadda siiyaan dhalinyarada isla markaana laga
hortago dilalka ku dhaca dhalinta Soomaaliyeed oo xiliyadii u danbaysay
Columbus ku soo kordhayay.
Waxa ay balan qaaday in dadka
iyo xaafada ay u ordayso oo ay in mudaa la soo shaqeysay ay wax baddan ka
badali doonto baahidoda Guud, waxayna ka codsatay in si taa loo gaaro ay
codkooda iyo dhaqaalohoodaba la garab istaagaan.
Hodan horey ayay ugu soo
shaqeysay jaaliyada Minneapolis waxayna kala qeyb qaadatay barnaamijyo badan oo
muhiim ah.
Waxaa ay waxbarashadeeda ku
dhamaysay isla gobolkaas waxayna tusaale u noqon kartaa Haweenka Soomaaliyeed
gaar ahaan kuwa ku nool Mareykanka.
Soomaalidda Mareykanka ayaa u
muuqata in ay fahmeen ahmiyadda ay leedahay in lagu biiro dowladda iyo in laga
dhex muuqdo maamuladda kala duwan ee Mareykanka gaar ahaan goboladda ay
Soomaalidu u badan yihiin, waxaa Guulo gaaray kuwo baddan kuwo ayaa meel fiican
oo rajo dhalin karta soo gaaray,halka kuwo kale ay wali ku jiraan dadaalkii ay
ku guulaysan lahayeen.
Waxaa Soomaalidda Mareykanku ka
tartamayaan xiligan gobolo kala duwan waxayna xiliyada tartanka tagaan gobolada
ay Soomaalida kale dagan-tahay si ay u gaarsiyaan Muuqaal xanbaarsan ku daysho
iyo isbadal
Deeqo Shire (SONNA)
