Shirweynaha heer Qaran ee dib u eegista dastuurka oo si rasmi ah uga furmay Muqdisho
Axad, May, 13, 2018 (HOL) –Magaalada
Muqdisho waxaa goor dhaw si rasmi ah uga furmaya shir weynaha heer Qaran ee dib
u eegista dastuurka dalka.
Shirka waxaa daah furay ku-simaha madadaxweynaha
ahna guddoomiyaha Golaha Shacabka Maxamed Mursal Sheekh C/raxmaan, iyadoo ay goob joog ka ahaayeen
Wasiirrada dastuurka qaar ka mid ah maamul gobolleedyada iyo guddiga
madaxa-bannaan ee dastuurka.
Sidoo kale mas’uuliyiinta kale ee shirka ka
qeybgalay ayaa waxaa ka mid ahaa Guddoomiyaha Golaha Aqalka Sare ee
Baarlamaanka Soomaaliya Cabdi Xaashi Cabdullaahi, Ra”iisal Wasaaraha Soomaaliya Xasan Cali Kheyre, Wasiirka Dastuurka XFS, Guddoomiyaha Gobolka Banaadir
,xubno matalaya Baarlamaanada Dowlad-goboleedyada dalka, Beesha Caalamka iyo in
kabadan 300 boqol oo qof oo isaga kala yimid gudaha daka iyo dibadiisa.
Shirkan oo si gaar ah dhinacyada ka qeyb galaya
ay diirada saari doonaan dib u eegista iyo turxaan bixinta Dastuurka KMG ah
ayaa sida qorshuhu uu yahay socon doona 13-ka ilaa 15-ka bishaan May.
C/raxmaan Diini,
Hiiraan Online
[email protected]