Axad,, May, 13, 2018 (HOL) – Maanta ayaa la
filayaa in si rasmi ah magaalada Muqdisho looga daah furo shirweynaha
dib-u-eegista qabyo qoraalka dastuurka Soomaaliya oo waayadii ugu danbeeyayba
wasaaradda Dastuurku howlaneyd sidii looga tala-galin lahaa qeybaha kala duwan
ee bulshada.
Shir-weynaha Qaran ee dastuurka ayaa maanta furmi
doona , waxaana uu socon doona ilaa15-ka bishan Maajo, sida la qorsheeyayna
waxaa ka soo qaybgeli doonaan in kabadan 300 oo qof.
Ka qaybgalayaasha Shir-weynaha Qaran ayaa ka
koobnaan doona xubno ka socda laamaha Garsoorka, Sharci-dejinta iyo fulinta ee
heer Federaal iyo heer dowlad gobolleed.
Sidoo kale waxaa ka soo qaybgelidoonaan xubno
badan oo kamid ah Ururada Bulshada Rayidka oo ka kala imaanaya Gobolada dalka
iyo qurbojoogta Soomaaliyeed.
Lama oga in shirkan ka soo qeybgali doonaan xubno
ka socda dowlad gobolleedyada madaama horay Jubbaland u sheegtay in ay
qaadacday ka qeybgalka shirka, sidoo kalana waxaa jira shaki la galinayo ka soo
qeybgalka kulanka ee dowlad gobolleedka Puntland.
Qeybo ka mid ah magaalada Muqdisho ayaa lagu xardhay hal ku dhagyo hor dhac u ah shirka,
C/raxmaan Diini, Hiiraan Online
[email protected]
