Sabti, May, 12, 2018 (HOL) –Waxaa sare u sii
kacaya biyaha ka dhashay dadaadka ka dhashay roobka iyo fatahaadda Wabiga
Shabeelle oo is biirsaday magaalada Beledweyne ee xarunta gobolka Hiiraan.
Goob joogayaal Hiiraan Online la hadlay ayaa
sheegay xowliga ay ku socdaan biyaha sababeen in ay gaaraan xaafaddo taariikhda
marka dib loo eego fatahaaddii soo maray magaalada aysan horay u gaarin.
Inkastoo 90% qoysaskii ku noolaa xaafaddaha kala
duwan ee Beledweyne goor horeba ka sii baxeen, ayaa dhinaca kale waxaa jira
qoysas fara ku tiris ah oo wali ku dhax go’doonsan biyaha, kuwaa oo cabsiweyn
ka qaba korarka biyaha iyo mowjadaha hirarka aan kala joogsiga laheyn oo ay
daadadku wataan.
Deegaanka CeelJeelle oo ah halka ay deegaansadeen
qoysaska ugu badan ee ka baxay magaalada ayaa laga soo sheegaya in ay ka jiraan
daruufo adag oo dhinaca nolasha ah, gaar ahaan nadaafada oo ah mid aad u
liidatay madaama aysan laheyn musqulo ama Suuli ahy dadku isticmaalaan.
Maamulka Hirshabeelle iyo kan gobolka Hiiraan
ayaa ka dalbanaya dowladda federaalka iyo hay’addaha samafalka in si deg deg ah
loo caawiyo dadka ku dhibaateysan magaalada Beledweyne.
C/raxmaan Diini,
Hiiraan Online
[email protected]
