Dowladda oo sheegtay in ay ku dileen Bariirre saraakiil ka tirsanaa ururka Al-shabaab
Jimco, May, 11, 2018 (HOL) –Dowladda
Soomaaliya ayaa sheegay in duqeyn maalin
ka hor ka dhacday deegaan hoos taga degmada Bariirre ee gobolka Shabeelaha
hoose ku dileen saraakiil ka tirsanaa Al-shabaab.
Abaanduulaha ciidamada xoogga
dalka Soomaaliyeed Jen Cabdullaahi Cali Caanood oo la hadlay warbaahinta
dowladda ayaa shaaciyay magacyada saraakiisha lagu dilay weerarka oo ay wada
jir u fuliyeen ciidamada dowladda iyo kuwa Mareykanka.
Wuxuu sheegay Abaanduulaha in
weerarkaa lagu dilay Saddex sarkaal oo
muhiim u ahaa Al-shabaab kuwaa oo lagu kala magacaabi jiray Khalif Maxamed
Warsame (Khaliif Cadale), Yuusuf Macalin Cabdalla iyo Muuse Cali Gaabow.
Jen Caanood ayaa intaa ku daray n
ciidamadu bur buriyeen saldhigyo dhowr ah oo ay halkaa ku lahaayeen Ururka
Al-shabaab.
Laakiin dhinaca kale marka la
eego waxaa soo baxaya warar sheegaya in dadka ku dhintay weerarka u badnaayeen
dad rayid ah, kuwaa oo qaarkood meydadkooda la soo gaarsiiyay magaalada
Muqdisho.
Abaanduulaha ayaase sheegay in ay
maqleen wararka ku saabsan duqeynta iyo weerarka in ay ku dhinteen dad rayid ah
laakiin baaritaan arintaa ku saabsan la wado.
C/raxmaan Diini,
Hiiraan Online
[email protected]
