Boosaaso oo lagu qabtay kulan looga arinsanayay u gurmashada dadka ay fatahaadu saameysay ee Beledweyne
Talaado,, 01, May, 2018 (HOL) - Dhalinyarada Isxilqaamayaasha Puntland oo ka kala yimid
magaalooyin kala duwan Puntland waxaa ay magaalada Boosaaso ku qabteen
kulankii ugu horreeyay ee looga arinsanayo sidii loogu gurman lahaa dadka iyo
duunyada ku wax-yeeloobay fatahaada wabiga Shabbelle, kulanka oo ahaa mid si
weyn looga soo qaybgalay ka qeyb-galay Maamulka iyo macalimiinta
Jaamacadaha Puntland, Waxgaradka Gobolka Bari ,Ganacsato , Nabadoono, Saarakiil
Ciidan iyo qeybaha kala duwan ee Bulshada.
Dhalinyarada Isxilqaamayaasha Puntland oo kulanka kahadlay waxaa ay fariin
u direen dhaamaan ummada Soomaaliyeed taasi oo ku’aadan in loo istaago caawinta
iyo garab istaaga dadka iyo duunyada ku waxyeeloobay fatahaada wabiga
Shabeelle.
Maamulka iyo Macalimiinta Jaamacadaha Puntland ayaa uga mahad celiyay
dhalinyarada Isxilqaamayaashu sida ay marwalba ugu taaganyihiin u gurmashada
ummada Soomaaliyeed, waxaa ay ku dhawaqeen dhankooda in ay garab istaagi
doonaan walaalahooda dhibaateysan.
Caaqil Mursal Maxamed Cabdi oo ka mid ah Gudiga Agaasimka ee hay’adda daneeyayasha
aan dowliga ahayn ee Puntland PUNSAA ayaa dhalinta iyo guud ahaan dowlada iyo
shacabka cod dheer ugu yeeray in si gaar ah loo eego xaaladda fatahadda wabiga
ee lasoo daristay walalaha Reer Hiiraan,waxaana uu hoga tusaleyey in
dhaqalaha meelaha lagu bixiyo ee khayriga ay ka mid tahay dhacdadan oo kale.
Dhinca kale taliyaha ciidamada madaxtooyada Puntland Cabdirishiid Cabdiraxiim
Ismaaciil (CAPTAN) ayaa isna waxaa uu bogaadiyay dadaalka ay wadaan
dhalinyarada Isxilqaamayaasha Puntland waxaana uu balan qaaday in ciidan ahaan
ay diyaar u yihiin ka qeyb qaadashada gurmadka lagu caawinayo dadka iyo duunyada
ku waxyeeloobay fatahaada wabiga Shabeelle.
Ugu danbeyn waxaa kulanka ka hadlay wax-garadkii iyo nabadoonadii ka
qeybgalay munaasabada waxayna ay bulshada Puntland ka codsadeen in loo istaago
kaqaybqadashada dhibatada baahsan ee lasoo daristay walalaha daadadku sameyeen
ee fatahadda Wabiga Shabeelle.
C/raxmaan Diini,
Hiiraan Online
[email protected]