Talaado,, 01, May, 2018 (HOL) – Madaxwaynaha
dalka Nigeria Muhammadu Buhari ayaa la kulmay madaxwaynaha Mareykanka Donald
Trump.
Kulanka labada mas’uul ayaa ka dhacay Aqalka Cad
ee looga arrimiyo dalka Mareykanka.
Ka dib kulanka ayaa madaxwayne Trump waxaa uu
sheegay in uu rajaynayo in dowladda Nigeria ay meesha ka saari doonto
caqabadaha dhanka ganacsiga.
Waxa uu intaa ku daray in uu rajaynayo in
beeraleyda Mareykanka loo ogolaan doono in wax soo saarkooda ay u dhoofiyaan
Nigeria.
Arrintan ayaa ah mid uu muran ka taagan yahay
iyada oo ay dowladda Nigeria ay isku dayayso in ay hormariso wax soo saarka
waaxda beeraheeda ayna doonayso in ay la tacaasho shaqa la’aanta iyo dhaqaalha
ku tiirsan shidaalka.
Horey ayaa Nigeria waxay aqbashay in 11
diyaaradaha militariga ah ay ka soo iibsato Mareykanka.
Madaxweynaha Nigeria Muxammadu Buhaari ayaa
noqonaya hoggaamiyihii Afrikaan ah ee ugu horreeyay oo magaalada Washington
kulan kula qaata madaxweynaha Mareykanka Donald Trump.
C/raxmaan Diini,
Hiiraan Online
[email protected]