6/20/2018
Today from Hiiraan Online:  _
Wararka Maanta- Jimco, Mar 9 , 2018
Shirkadaha Isgaarsiinta iyo xawilaadaha ka shaqeeya Jubbaland oo lagu amray in ay Dumarka Shaqaaleeysiiyaan




Jimco, Maarso, 09, 2018 (HOL)–Madaxweyne kuxigeenka 2-aad ee Jubbaland Mudane C/qaadir Xaaji Max'uud (Lugadheere) oo khudbad ka jeedinayay xafladdii dabaaldegga maalinta haweenka adduunka ee 8-da Maarso ayaa ku amray shirkadaha isgaarsiinta iyo kuwa xawilaadaha in ay shaqaaleeysiiyaan dumarka.

Madaxweyne kuxigeenka ayaa sheegay in aysan aqbali doonin shirkadahaasi waaweyn in ay fuquuqaan dumarka, isagoo xusay in ay kormeeri doonaan xarumaha shirkadaha si ay u hubiyaan in ay dumarka siiyeen xuquuqahooda dhanka shaqada.

Shirkadaha uu Madaxweyne kuxigeenku carabka ku dhuftay waxaa kamid ah, Shirkadda Isgaarsiinta Horumuud, Bankiga Salaam Bank, Xawilaadaha ay kamidka yihiin Dahabshiil, Amal iyo Kaah, isagoo xusay in sidoo kale dhammaan shirkadaha kale laga doonayo in dumarka ay shaqaaleeysiiyaan.

Shirkadaha dhanka isgaarsiinta iyo kuwa kale ee xawilaadaha ah ee ka shaqeeya Kismaayo iyo degmooyinka kale ee gobolka J/hoose kama shaqeeyaan Dumar, ayadoo marka aad tagto xarumahaasi aad ku arkeeyso rag oo qura.

Madaxweyne kuxigeenka ayaa sheegay in dumarku dhanka shaqada kaga wanaagsanyihiin ragga, sidaa darteedna ay mudanyihiin in tixgelin la siiyo dumarka wax bartay, waxa uu sheegay in ka dowlad ahaan ay arintaasi fulin doonaan, isagoo xusay in gudoomiyaha degmada uu kala hadlay in gudoomiyeyaasha waaxaha Kismaayo loo dhiibo dumar.

Xasan Nuur, Hiiraan Online
hnur@hiiraan.com
Kismaayo-Soomaaliya.






Click here
3/9/2018 2:01 PM EST
Jimco, Maarso, 09, 2018 (HOL) - Dowladaha Soomaaliya iyo Pakistan ayaa kala saxiixday Is-fahan (MOU) kaasi oo ku saabsan sidii dowladda Pakistan ay Soomaaliya uga caawin lahayd dhinacyo badan oo ay ugu horeyso dhanka Teknoloojiyada, iyadoo munaasabadii heshiiska ay goob joog ka ahaayeen ra’iisul wasaaraha Pakistan iyo mas’uuliyiin kale oo ka tirsan Wasaaradda Arrimaha gudaha.

3/9/2018 9:23 AM EST
Jimco, Maarso, 09, 2018 (HOL) - Madaxwaynaha dalka Kenya iyo hogaamiyaha mucaaradka ayaa balanqaaday in ay bilaabayaan geedi socod dib u heshiisiin ka dib doorashadii sida kulul loogu tartamay sanaddii aanu soo dhaafnay.

3/9/2018 7:24 AM EST
Jimco, Maarso, 09, 2018 (HOL) - Ra’iisul wasaare ku-xigeenka dalka Mahdi Maxamed Guuleed iyo wafddi uu hoggaaminayo ayaa safar shaqo ugu ugu anbabaxay dalka India, halkaasi oo ay uga qeyb galayaan shir caalami ah oo ku saabsan ka faa’idaysiga Khayraadka Tamarta dabiiciga ah.

3/9/2018 4:23 AM EST
Jimco, Maarso, 09, 2018 (HOL)-Maamulka gobolka Banaadir ayaa sheegay in ciidamada booliska ay gacanta ku soo dhigeen dad looga shakisan yahay inay ka dambeeyeen dilkii xalay ka dhacay Xamar Weyne.

3/9/2018 2:24 AM EST
Jimco, Maarso, 09, 2018 (HOL)–Hay’adda Isgaarsiinta Qaranka ayaa si rasmi ah ula soo wareegtay Astaanta Qaranka ee Internetka Soomaaliya (dotSO) oo ay maamuli jirtay hay’ad ka madax banaan Dowladda, balse wixii hadda ka dambeeya lagu soo wareejiyay Hay’adda Isgaarsiinta Qaranka oo mas’uul ka ah maamulka Astaanta qaranka sida uu qorayo qodobka 54aad ee Sharciga Isgaarsiinta Qaranka

3/9/2018 2:07 AM EST
Jimco, Maarso, 09, 2018 (HOL)–Madaxweynaha Dowlad Goboleedka Hirshabelle Maxamed Cabdi Waare ayaa Magaalada Jowhar ee Xarunta Maamulkaasi ku qaabbilay Saraakiil ka tirsan Qaramada Midoobay oo booqasho ku tagay Johwar.

3/9/2018 1:08 AM EST
Jimco, Maarso, 09, 2018 (HOL)–Iyadoo uu soo ifbaxayo khilaaf soo kala dhaxgalay dowladdaha Soomaaliya iyo shirkadda DP World ayeey dowladda Soomaaliya waxaa ay qoraal Ashtako ah dirtay Ururka Jaamacada Carabta.

3/9/2018 12:47 AM EST
Jimco, Maarso, 09, 2018 (HOL)-Dawladda Maraykanka ayaa Liiska Argagixisada ku dartay Laba xubnood oo kale oo ka tirsan taliyayaasha Ururka Al-Shabab.