9/24/2018
Today from Hiiraan Online:  _
Wararka Maanta- Jimco, Mar 9 , 2018
Madaxweyne Waare oo Jowhar ku qaabbilay Saraakiil ka socotay QM


 

Jimco, Maarso, 09, 2018 (HOL ) – Madaxweynaha Dowlad Goboleedka Hirshabelle Maxamed Cabdi Waare ayaa Magaalada Jowhar ee Xarunta Maamulkaasi ku qaabbilay Saraakiil ka tirsan Qaramada Midoobay oo booqasho ku tagay Johwar.

Waxanay Labada dhinac ka wada hadleen arrimo ay ka mid yihiin wax ka qabashada baahiyaha ka jira Hirshabelle oo ugu horeyso Abaarta iyo sidii ay uga qeyb qaadan lahaayeen QM horumarinta iyo dib u dhiska Hirshabelle.

Saraakiishani Ka Socday Qaramada Midoobay ayaa waxaa hogaaminayay madaxa Xafiiska UN-ka ee Hirshabelle Benjamin, Waxaana Madaxweynaha kulanka ku wehlinayay wasiirka arrimaha gudaha Hirshabelle,wasiir ku-xigeenka Amniga, saraakiil ka tirsan ciidamada Ammaanka, iyo la tiliyeyaal Sare.

Madaxweyne dowlad Goboleedka Hirshabeelle Maxamed Cabdi Waare ayaa ka dhagaystay warbixin ku saabsan howlaha uu qabto xafiiska Qaramada Midoobay ee Hirshabeelle madaxa xafiiskaasi  Benjamin.

Wuxuuna Mr; Benjamin, u faah faahiyay howlaha ay ka qabtaan Hirshabelle iyo waxyaabaha horyaalla in ay wax ka qabtaan sida caawimaadda dadka ay abaartu  saameysay, horumarinta Kaabayaasha dowladda, dib u dhiska degaannada Hirshabeelle, arrimaha caafimaadka iyo waxbarashada.

Maxamed Cabdi Waare madaxweynaha dowlad goboleedka Hirshabelle ayaa ka hadlay sida lagama maarmaanka ay u tahay wanaajinta iyo xoojinta xiriirka kala dhexeeya hey’adaha Qaramada Midoobay, waxaana uu ka dalbaday in ay kala shaqeeyaan sidii loo horumarin lahaa Maamulka, islamarkaana looga jawaabi lahaa baahiyaha deg-dega ee soo food saara bulshada Hirshabelle, waxaana uu ka dalbaday in looga fadhiyo in ay ka jawaabaan Abaarta ka jirta deegaannada Hirshabeelle islamarkaana ay caawiyaan dadka ay saameysay abaarta oo ay ugu darantahay biyo la’aanta.

Sidoo kale madaxweyne Maxamed Cabdi Waare ayaa hoosta ka xariiqay in muhiim ay tahay in bulshada loo bandhigo waxqabad muuqda oo ay ku qanci karaan taasina looga baahanyahay in UN-ka uu ka shaqeeyo fulinta mashaariic horumarineed oo ay u soo gudbin doonto dowladda Hirshabelle, waxaana ay balan-qaadeen saraakiishaasi fulinta wax-yaabaha uu ka hadlay madaxweynaha.

Kulankan ayaa qeyb ka dadaalada madaxweynaha Hirshabeelle uu ku doonayo horumarinta Dowlad goboleedka Hirshabeelle, iyadoo mudada uu joogo madaxweynaha la qabtay howla badan oo muhiim u ah heykalka dowladnimo ayna bilowdeen mashaariicyo horumarineed taasi oo ay soo dhoweeyeen Bulshada.

C/raxmaan Diini, Hiiraan Online
[email protected]







Click here
3/9/2018 2:01 PM EST
Jimco, Maarso, 09, 2018 (HOL) - Dowladaha Soomaaliya iyo Pakistan ayaa kala saxiixday Is-fahan (MOU) kaasi oo ku saabsan sidii dowladda Pakistan ay Soomaaliya uga caawin lahayd dhinacyo badan oo ay ugu horeyso dhanka Teknoloojiyada, iyadoo munaasabadii heshiiska ay goob joog ka ahaayeen ra’iisul wasaaraha Pakistan iyo mas’uuliyiin kale oo ka tirsan Wasaaradda Arrimaha gudaha.

3/9/2018 9:23 AM EST
Jimco, Maarso, 09, 2018 (HOL) - Madaxwaynaha dalka Kenya iyo hogaamiyaha mucaaradka ayaa balanqaaday in ay bilaabayaan geedi socod dib u heshiisiin ka dib doorashadii sida kulul loogu tartamay sanaddii aanu soo dhaafnay.

3/9/2018 7:24 AM EST
Jimco, Maarso, 09, 2018 (HOL) - Ra’iisul wasaare ku-xigeenka dalka Mahdi Maxamed Guuleed iyo wafddi uu hoggaaminayo ayaa safar shaqo ugu ugu anbabaxay dalka India, halkaasi oo ay uga qeyb galayaan shir caalami ah oo ku saabsan ka faa’idaysiga Khayraadka Tamarta dabiiciga ah.

3/9/2018 7:01 AM EST
Jimco, Maarso, 09, 2018 (HOL)–Madaxweyne kuxigeenka 2-aad ee Jubbaland Mudane C/qaadir Xaaji Max'uud (Lugadheere) oo khudbad ka jeedinayay xafladdii dabaaldegga maalinta haweenka adduunka ee 8-da Maarso ayaa ku amray shirkadaha isgaarsiinta iyo kuwa xawilaadaha in ay shaqaaleeysiiyaan dumarka.

3/9/2018 4:23 AM EST
Jimco, Maarso, 09, 2018 (HOL)-Maamulka gobolka Banaadir ayaa sheegay in ciidamada booliska ay gacanta ku soo dhigeen dad looga shakisan yahay inay ka dambeeyeen dilkii xalay ka dhacay Xamar Weyne.

3/9/2018 2:24 AM EST
Jimco, Maarso, 09, 2018 (HOL)–Hay’adda Isgaarsiinta Qaranka ayaa si rasmi ah ula soo wareegtay Astaanta Qaranka ee Internetka Soomaaliya (dotSO) oo ay maamuli jirtay hay’ad ka madax banaan Dowladda, balse wixii hadda ka dambeeya lagu soo wareejiyay Hay’adda Isgaarsiinta Qaranka oo mas’uul ka ah maamulka Astaanta qaranka sida uu qorayo qodobka 54aad ee Sharciga Isgaarsiinta Qaranka

3/9/2018 1:08 AM EST
Jimco, Maarso, 09, 2018 (HOL)–Iyadoo uu soo ifbaxayo khilaaf soo kala dhaxgalay dowladdaha Soomaaliya iyo shirkadda DP World ayeey dowladda Soomaaliya waxaa ay qoraal Ashtako ah dirtay Ururka Jaamacada Carabta.

3/9/2018 12:47 AM EST
Jimco, Maarso, 09, 2018 (HOL)-Dawladda Maraykanka ayaa Liiska Argagixisada ku dartay Laba xubnood oo kale oo ka tirsan taliyayaasha Ururka Al-Shabab.