12/11/2018
Today from Hiiraan Online:  _
Wararka Maanta- Khamiis, Mar 8 , 2018
Muuse Biixi oo ka jawaabay hadalkii ra'iisal wasaare Kheyre


 

Khamiis, Maarso, 08, 2018 (HOL) - Madaxweynaha Somaliland Muuse Biixi Cabdi ayaa maanta markii ugu horeysay ka hadlay hadalkii ka soo yeedhay xukuumadda Soomaaliya oo uu ku tilmaamay dagaal uu ku soo qaaday Somaliland.

Madaxweyne Muuse ayaa si adag uga hadlay hadaladii Ra’isal wasaaraha Soomaaliya Xasan khayre kaga hor yimid heshiishka saddex geesoodka ah ee Dekadda Berbera, waxaanu ka sheekeeyey taariikh dheer ee Somaliland iyo Soomaaliya soo wada mareen.

“Dhayal, faan-faan iyo raalli-gelin siyaasadeed bay kaa ahayd, laakiin Ladh iyo dacar iyo wixii nasoo gaadhay bay kicisay, maantana colaad horleh iyo dagaal baad abuurtay, waxaana aanu u qaadanaynaa inaad dagaal cad (Declaration of war) kusoo qaadday Somaliland, diyaarna waanu kuu nahay. Xorriyadda Somaliland-na kaftan ma gasho, annaana Berbera xukuma, noolaan maysid, horumar samayn maysid, cidna lama hadli kartid, sidee baad noogu quudhay, laakin war baadan haynin.”ayuu yidhi madaxweyne Biixi oo si adag uga hadlay hadaladiii ka soo baxay madaxda Soomaaliya.

Waxaanu intas ku daray “ maantana iclaan dagaal baad qaaddaye guddoon, heshiiskaasina wuu hirgelayaa, Berbera-na caalamka oo dhan baa isugu imanaaya, ninna marti ugama nihin, dalkii aanu naftayada u hurnayna waanu ka baayac-mushtaraynaynaa, kulana heshiis gelaynaa, faankaaga iyo kelmedaha aad tidhina wixii aad ka qaaddo ee aan xumaan ahayn baanu kaa eegaynaa.”

Madaxweynuhu waxa uu sidaas ka sheegay munaasibad ay soo qabanqaabiyeen haweenka reer Somaliland oo loogu dabaaldagayey 8 march oo ah maalintii haweenka ee aduunka.

Madaxweynuhu waxay hadalkiisa qiiro galisay haweenkii madasha fadhiyey, waxaana ka muuqday iyagoo ilmo iska tiriya, isla markaana ka qiiraysan hadalka madaxweynaha ka dib markii uu madaxweynuhu ka sheekeeyey saami qaybsigii lixdankii, xasuuqii ka dhacay Somaliland iyo dagaaladdii dhexmaray xukuumaddii Siyaad Bare iyo xoogagii jabhaddii SNM, waxaanu sheegay in hadalka madaxda Soomaaliya ka soo yeedhay xasuusinayaa nabaro ay ka bogsadeen.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
3/8/2018 2:50 PM EST
Khamiis, Maarso, 08, 2018 (HOL)–Wararka ka imanaya degmada Xamar-weyne ee gobolka Banaadir ayaa sheegaya in rag bastoolado ku hubeysan caawa ku toogteen xaafadda Kootka Ganacsade siweyn looga garanayay degmada.

3/8/2018 6:32 AM EST
Khamiis, Maarso, 08, 2018 (HOL)-Munaasbaddan oo lagu xusayay maalinta caalamig aah ee Haweenka oo ay si wadajir ah usoo qabanqaabiyeen wasaaradda haweenka iyo ururrada haweenka Jubbaland ayaa lagu qabtay Hoolka Daawad ee magaalada Kismaayo.

3/8/2018 6:02 AM EST
Khamiis, Maarso, 08, 2018 (HOL)-Shirkan oo maalmihii u danbeeyey u soconayey beesha degta Koonfurta iyo Galbeedka degmada Laas-caanood ayaa waxaa isugu yimi siyaasiyiin mabbaadii kala duwan wata, iyadoo uu ka mid ahaa Prof. Cali Khaliif Galayr, madaxweynihii Khaatumo ee heshiiska la furay Somaliland.

3/8/2018 5:25 AM EST
Khamiis, Maarso, 08, 2018 (HOL)-Ra’iisul Wasaaraha Xukuumadda Federaalka Soomaaliya Xasan Cali Khayre ayaa magaalada Washington ee dalka Mareykanka kula kulmay kaaliyaha Xog-hayaha Arrimaha Dibadda dalka Mareykanka David Malpass , kulanka oo saacad iyo wax ka badan qaatay ayaa waxaa looga hadlay arrimo badan.

3/8/2018 3:04 AM EST
Khamiis, Maarso, 08, 2018 (HOL) - Xilli ay maanta ku beegantahay Maalinta Caalamiga ee Haweenka ayaa Ergeyga QM u qaabilsan Soomaaliya uu haweenka Soomaaliyeed ugu hambalyeeyay guusha ay hiigsanayaan islamarkaana sannadihii u dambeeyay ka gaareen dhinacyada horumarka gaar ahaan arrimaha siyaasadda iyo dhaqaalaha, waxuuna sidoo kale ku bogaadiyay kaalinta siman ee ay haweenku ka qaataan horumarinta iyo wadajirka bulsho Soomaaliyeed.

3/8/2018 3:00 AM EST
Khamiis, Maarso, 08, 2018 (HOL) - Ciyaaryahanka caanka ah ee kubbadda cagta ee dalka Talyaaniga Mario Balotello ayaa dhaleeceyn usoo jeediyay nin xildhibaan ah oo madoow ah, kaas oo loo doortay Aqalka Sare ee Talyaaniga, kuna soo baxay xisbiga kasoo horjeeda dadka soogalootiga ah ee Lega.

3/8/2018 1:47 AM EST
Khamiis, Maarso, 08, 2018 (HOL)-Madaxweynaha dowladda Soomaaliya Maxamed C/llaahi Farmaajo ayaa xalay kulan albaabada u xirnaa la qaatay Guddoomiyeyaasha degmooyinka gobolka Banaadir.

3/8/2018 1:26 AM EST
Khamiis, Maarso, 08, 2018 (HOL)- Wasaaradda Gaadiidka iyo Duulista Soomaaliya ayaa amaro cusub ku soo rogay shirkadaha duulimaadyada ee ka howl gala Garoonka diyaaradaha Muqdisho.

3/8/2018 1:20 AM EST
Khamiis, Maarso, 08, 2018 (HOL)-Dalka Talyaaniga waxaa la tiriyay codbixinta doorashada baarlamaaniga, iyadoo natiijadeedda ay u muuqaata in xisbiyadda ay ku kala sareeyaan.

3/8/2018 1:12 AM EST
Khamiis, Maarso, 08, 2018 (HOL)-Iyadoo ay sii kordhayaan weerarrada Al-shabaab ay ka geysanayaan gobolka Shabeellaha Hoose, ayuu sheegay maamulka Koonfur Galbeed in Amniga gobolka loo tababarayo ciidamo gaaraya 2, 500 oo Askari.

3/8/2018 1:00 AM EST
Khamiis, Maarso, 08, 2018 (HOL) - Wasiirada Arrimaha Dibadda Dowladaha Carabta oo shir ku yeeshay magaalada Qaahira ayaa waxa ay ka hadleen arrimaha ka taagan qaar ka mid ah dalalka Carabta, kulanka waxaa si gaar ah looga hadlay xiisadaha ka taagan dalalka Syria, Ciraaq, Falastiin, Libya iyo Soomaaliya.