6/20/2018
Today from Hiiraan Online:  _
Wararka Maanta- Khamiis, Mar 8 , 2018
Xuska maalinta haweenka oo lagu qabtay Kismaayo [Sawirro]




Khamiis, Maarso, 08, 2018 (HOL)-Munaasbaddan oo lagu xusayay maalinta caalamig aah ee Haweenka oo ay si wadajir ah usoo qabanqaabiyeen wasaaradda haweenka iyo ururrada haweenka Jubbaland ayaa lagu qabtay Hoolka Daawad ee magaalada Kismaayo.

Haweenkii ka qeybqaadanayay munaasbadda ayaa socod kusoo maray qaar kamid ah wadooyinka Kismaayo, ayagoo sitay calanka Jamhuuriyadda federaalka Soomaaliya iyo kan dowlad goboleedka Jubbaland.

Xafladda dabaaldegga maalinta haweenka ayaa waxaa ka qeybgalay Madaxweyne ku xigeenka 2-aad ee Jubbaland, wasiirro iyo xildhibaanno ka tirsan Jubbaland, haween iyo ururrada bulshada rayidka ah ee Kismaayo.

Masuuliyiinta ururrada haweenka Jubbaland oo madasha hadallo ka jeediyay ayaa ka codsaday madaxda in aysan iska indho tirin doorka haweenka ee dhanacyada siyaasadda iyo arimaha bulshada, ayagoo codsaday in haweenka laga qeybgaliyo siyaasadda iyo howlaha kale ee dowliga ah.

Wasiirka haweenka iyo xuquuqul insaanka Jubbaland oo munaasbadda ka hadashay ayaa ku ammaantay haweenka Jubbaland doorka ay ka qaataan nabadda iyo isdhexgalka bulshada, ayadoo ku boorisay dumarka in ay u istaagaan sidii ay uga dhex muuqan lahaayeen bulshada islamarkaana ku heli lahaayeen waxyaalaha ay xaqa u leeyihiin ee ka maqan.

Ku simaha madaxweynaha ahna Madaxweyne kuxigeenka 2-aad ee Jubbaland Mudane C/qaadir Xaaji Max'uud Lugadheere oo madasha ka hadlay ayaa kula dardaarmay haweenka reer Jubbaland in ay ka fogaadaan khilaafka islamarkaana ka shaqeeyaan sidii ay u midoobi lahaayeen ugana qeybqaadan lahaayeen nabadda iyo horumarka la doonayo in dalka laga hirgeliyo.

Xasan Nuur, Hiiraan Online
[email protected]
Kismaayo-Soomaaliya.






Click here
3/8/2018 2:50 PM EST
Khamiis, Maarso, 08, 2018 (HOL)–Wararka ka imanaya degmada Xamar-weyne ee gobolka Banaadir ayaa sheegaya in rag bastoolado ku hubeysan caawa ku toogteen xaafadda Kootka Ganacsade siweyn looga garanayay degmada.

3/8/2018 7:58 AM EST
Khamiis, Maarso, 08, 2018 (HOL)-Madaxweynaha Somaliland Muuse Biixi Cabdi ayaa maanta markii ugu horeysay ka hadlay hadalkii ka soo yeedhay xukuumadda Soomaaliya oo uu ku tilmaamay dagaal uu ku soo qaaday Somaliland.

3/8/2018 6:02 AM EST
Khamiis, Maarso, 08, 2018 (HOL)-Shirkan oo maalmihii u danbeeyey u soconayey beesha degta Koonfurta iyo Galbeedka degmada Laas-caanood ayaa waxaa isugu yimi siyaasiyiin mabbaadii kala duwan wata, iyadoo uu ka mid ahaa Prof. Cali Khaliif Galayr, madaxweynihii Khaatumo ee heshiiska la furay Somaliland.

3/8/2018 5:25 AM EST
Khamiis, Maarso, 08, 2018 (HOL)-Ra’iisul Wasaaraha Xukuumadda Federaalka Soomaaliya Xasan Cali Khayre ayaa magaalada Washington ee dalka Mareykanka kula kulmay kaaliyaha Xog-hayaha Arrimaha Dibadda dalka Mareykanka David Malpass , kulanka oo saacad iyo wax ka badan qaatay ayaa waxaa looga hadlay arrimo badan.

3/8/2018 3:04 AM EST
Khamiis, Maarso, 08, 2018 (HOL) - Xilli ay maanta ku beegantahay Maalinta Caalamiga ee Haweenka ayaa Ergeyga QM u qaabilsan Soomaaliya uu haweenka Soomaaliyeed ugu hambalyeeyay guusha ay hiigsanayaan islamarkaana sannadihii u dambeeyay ka gaareen dhinacyada horumarka gaar ahaan arrimaha siyaasadda iyo dhaqaalaha, waxuuna sidoo kale ku bogaadiyay kaalinta siman ee ay haweenku ka qaataan horumarinta iyo wadajirka bulsho Soomaaliyeed.

3/8/2018 3:00 AM EST
Khamiis, Maarso, 08, 2018 (HOL) - Ciyaaryahanka caanka ah ee kubbadda cagta ee dalka Talyaaniga Mario Balotello ayaa dhaleeceyn usoo jeediyay nin xildhibaan ah oo madoow ah, kaas oo loo doortay Aqalka Sare ee Talyaaniga, kuna soo baxay xisbiga kasoo horjeeda dadka soogalootiga ah ee Lega.

3/8/2018 1:47 AM EST
Khamiis, Maarso, 08, 2018 (HOL)-Madaxweynaha dowladda Soomaaliya Maxamed C/llaahi Farmaajo ayaa xalay kulan albaabada u xirnaa la qaatay Guddoomiyeyaasha degmooyinka gobolka Banaadir.

3/8/2018 1:26 AM EST
Khamiis, Maarso, 08, 2018 (HOL)- Wasaaradda Gaadiidka iyo Duulista Soomaaliya ayaa amaro cusub ku soo rogay shirkadaha duulimaadyada ee ka howl gala Garoonka diyaaradaha Muqdisho.

3/8/2018 1:20 AM EST
Khamiis, Maarso, 08, 2018 (HOL)-Dalka Talyaaniga waxaa la tiriyay codbixinta doorashada baarlamaaniga, iyadoo natiijadeedda ay u muuqaata in xisbiyadda ay ku kala sareeyaan.

3/8/2018 1:12 AM EST
Khamiis, Maarso, 08, 2018 (HOL)-Iyadoo ay sii kordhayaan weerarrada Al-shabaab ay ka geysanayaan gobolka Shabeellaha Hoose, ayuu sheegay maamulka Koonfur Galbeed in Amniga gobolka loo tababarayo ciidamo gaaraya 2, 500 oo Askari.

3/8/2018 1:00 AM EST
Khamiis, Maarso, 08, 2018 (HOL) - Wasiirada Arrimaha Dibadda Dowladaha Carabta oo shir ku yeeshay magaalada Qaahira ayaa waxa ay ka hadleen arrimaha ka taagan qaar ka mid ah dalalka Carabta, kulanka waxaa si gaar ah looga hadlay xiisadaha ka taagan dalalka Syria, Ciraaq, Falastiin, Libya iyo Soomaaliya.