9/24/2018
Today from Hiiraan Online:  _
Wararka Maanta- Khamiis, Mar 8 , 2018
Shir Siyaasiyiin iyo Waxgarad ugu soo gabagaboobay galbeedka Laascaanood



Khamiis, Maarso, 08, 2018 (HOL) - Shirkan oo maalmihii u danbeeyey u soconayey beesha degta Koonfurta iyo Galbeedka degmada Laas-caanood ayaa waxaa isugu yimi siyaasiyiin mabbaadii kala duwan wata, iyadoo uu ka mid ahaa Prof. Cali Khaliif Galayr, madaxweynihii Khaatumo ee heshiiska la furay Somaliland.

Shirkan oo laba qodob gogol dhig u ahaayeen oo kala ah go'aan ka qaadashada wadahadala Khaatumo iyo Somaliland iyo sidii wax looga qaban lahaa xoolo fara-badan oo beesha lagu xukumay dagaalo badan oo ay galeen.

Qodobadii ay so saareen ayaa waxaa ka mid ahaa Sudan:-

1: In Beeshu ay kala mid tahay Beelaha Dhulbahante Taageerida Wadahalada Nabaded ee u socda Somaliland iyo Khaatumo .

2:In La Xoojiyo Nabada iyo Adkaynta Midnimada .

3: In la dhowro Deegaanka iyo Isticmaaalka dhulka .

4:In la horumariyo ganasiga iyo Maalgashiga .

5:In Midnimada iyo Wadajirka Beesha La ilaaliyo .

6 :In la dhawro Xeerarka iyo Heshiisyada beelaha ay la gashay beesha ay dhawrto .

7:Beeshu waxay soo dhawaynaysaa wadajirka iyo Midnimada Beelwaynta Dhulbahante .

8: Beeshu Waxay baaq nabadeed u diraysaa Walaalaha shaqaaqada Cusubi ku dhexmartey deegaanada GOCAN-DHAALE iyo Horufadhi ee gobolka Cayn .

9:Beeshu waxay isla garatay in laga fogaado wax kasta oo u keeni kara nabada gelyo xumo iwm .

10:Beeshu Waxay isku raacday in la adkeeyo oo la dhamaystiro Heshiisyadii Nabadeed ee ay la gashay Beelaha Cabdi Garaad

iyo Cumar Maxamuud.

11: Beeshu waxay soo dhawanyasaa Nabad gelyo iyo wanaag ka dhacda dhamaan geeska Africa .

12:In ay Beeshu iska bixiso Magaha lagu leeyahay mudadii lagu heshiiyey si loo ilaaliyo wada noolaanshaha iyo nabada .

Si kastaba ha ahaatee qodobka koowaad oo ah ka shirka ugu muhiimsanaa ayaa dhaliyey muran goobaha xanshashaqa maadaama uu yahay mid hadoodilan aan si cad u qeexin go'aanka, in kasta oo loo badinayo in ay tahay halkii madaxda dhaqanku mareen taas oo Prof Galayr ka dhigaysa in uu cadhuuftiisa dib uga leqo hadaan qaab kale loogu sharixin.

Seynab Cabdi Warsame

Laascaanood G. Sool.

[email protected]







Click here
3/8/2018 2:50 PM EST
Khamiis, Maarso, 08, 2018 (HOL)–Wararka ka imanaya degmada Xamar-weyne ee gobolka Banaadir ayaa sheegaya in rag bastoolado ku hubeysan caawa ku toogteen xaafadda Kootka Ganacsade siweyn looga garanayay degmada.

3/8/2018 7:58 AM EST
Khamiis, Maarso, 08, 2018 (HOL)-Madaxweynaha Somaliland Muuse Biixi Cabdi ayaa maanta markii ugu horeysay ka hadlay hadalkii ka soo yeedhay xukuumadda Soomaaliya oo uu ku tilmaamay dagaal uu ku soo qaaday Somaliland.

3/8/2018 6:32 AM EST
Khamiis, Maarso, 08, 2018 (HOL)-Munaasbaddan oo lagu xusayay maalinta caalamig aah ee Haweenka oo ay si wadajir ah usoo qabanqaabiyeen wasaaradda haweenka iyo ururrada haweenka Jubbaland ayaa lagu qabtay Hoolka Daawad ee magaalada Kismaayo.

3/8/2018 5:25 AM EST
Khamiis, Maarso, 08, 2018 (HOL)-Ra’iisul Wasaaraha Xukuumadda Federaalka Soomaaliya Xasan Cali Khayre ayaa magaalada Washington ee dalka Mareykanka kula kulmay kaaliyaha Xog-hayaha Arrimaha Dibadda dalka Mareykanka David Malpass , kulanka oo saacad iyo wax ka badan qaatay ayaa waxaa looga hadlay arrimo badan.

3/8/2018 3:04 AM EST
Khamiis, Maarso, 08, 2018 (HOL) - Xilli ay maanta ku beegantahay Maalinta Caalamiga ee Haweenka ayaa Ergeyga QM u qaabilsan Soomaaliya uu haweenka Soomaaliyeed ugu hambalyeeyay guusha ay hiigsanayaan islamarkaana sannadihii u dambeeyay ka gaareen dhinacyada horumarka gaar ahaan arrimaha siyaasadda iyo dhaqaalaha, waxuuna sidoo kale ku bogaadiyay kaalinta siman ee ay haweenku ka qaataan horumarinta iyo wadajirka bulsho Soomaaliyeed.

3/8/2018 3:00 AM EST
Khamiis, Maarso, 08, 2018 (HOL) - Ciyaaryahanka caanka ah ee kubbadda cagta ee dalka Talyaaniga Mario Balotello ayaa dhaleeceyn usoo jeediyay nin xildhibaan ah oo madoow ah, kaas oo loo doortay Aqalka Sare ee Talyaaniga, kuna soo baxay xisbiga kasoo horjeeda dadka soogalootiga ah ee Lega.

3/8/2018 1:47 AM EST
Khamiis, Maarso, 08, 2018 (HOL)-Madaxweynaha dowladda Soomaaliya Maxamed C/llaahi Farmaajo ayaa xalay kulan albaabada u xirnaa la qaatay Guddoomiyeyaasha degmooyinka gobolka Banaadir.

3/8/2018 1:26 AM EST
Khamiis, Maarso, 08, 2018 (HOL)- Wasaaradda Gaadiidka iyo Duulista Soomaaliya ayaa amaro cusub ku soo rogay shirkadaha duulimaadyada ee ka howl gala Garoonka diyaaradaha Muqdisho.

3/8/2018 1:20 AM EST
Khamiis, Maarso, 08, 2018 (HOL)-Dalka Talyaaniga waxaa la tiriyay codbixinta doorashada baarlamaaniga, iyadoo natiijadeedda ay u muuqaata in xisbiyadda ay ku kala sareeyaan.

3/8/2018 1:12 AM EST
Khamiis, Maarso, 08, 2018 (HOL)-Iyadoo ay sii kordhayaan weerarrada Al-shabaab ay ka geysanayaan gobolka Shabeellaha Hoose, ayuu sheegay maamulka Koonfur Galbeed in Amniga gobolka loo tababarayo ciidamo gaaraya 2, 500 oo Askari.

3/8/2018 1:00 AM EST
Khamiis, Maarso, 08, 2018 (HOL) - Wasiirada Arrimaha Dibadda Dowladaha Carabta oo shir ku yeeshay magaalada Qaahira ayaa waxa ay ka hadleen arrimaha ka taagan qaar ka mid ah dalalka Carabta, kulanka waxaa si gaar ah looga hadlay xiisadaha ka taagan dalalka Syria, Ciraaq, Falastiin, Libya iyo Soomaaliya.