4/17/2021
Today from Hiiraan Online:  _
Wararka Maanta- Sabti, Mar 31, 2018
Malala Yousafzai oo booqatay halkii 6 sano ka hor lagu dhaawacay


 

Sabti, Maarso, 31, 2018 (HOL) – Malala Yousafzai oo ah gabadha ugu da’da yar dunida ee heysata abaalmarinta caalamiga ah ee nabadda ayaa dib ugu laabatay deegaankii ay ku dhalatay ee dalka Paskistan markii ugu horeysay, tan iyo markii maleeshiyo ka tirsan kooxda Taliban ay dhaawaceen.

Ms Yousafzai, oo 20 sano jir ah ayaa rag hubeysan ay ka toogteen madaxa sanadkii 2012, xilligaasi oo ay u ololeyneysay horumarinta waxbarashada gabdhaha.

Gobolka qoyskeeda Swat ayaa mar ahaan jiray goob ay ku xoogan yihiin maleeshiyada Taliban, waxa ayna ku weerareen iyada oo la socotay bas ay saarnaayeen caruur iskuuley ah.

Ma aysan caddeyn in ay booqan doonto iyo in kale deegaankaasi qoyskeeda sababa la xiriira xaaladaha ammni ee deegaankaasi.

Waddooyinka ayaa la xiray xili Malala ay ku wajahneyd deegaankii ay ku dhalatay
Maalintii Khamiista, waxaa la shaaciyay in Ms Yousafzai ay ka duushay dalka UK iyada oo gaartay Pakistan markii ugu horeysay tan iyo markii weerarka loo geystay.

Ms Yousafzai ayaa ka jeedisay khudbad xamaasad lahayd xafiiska ra’iisal wasaaraha Pakistan ee Islamabad.

Diyaarad siday Ms Yousafzai ayaa ka degtay meel aan ka fogeyn deegaanka qoyskeeda ee Mingora maanta oo Sabti ah, waxaana aad loo adkeeyay ammniga deegaankaasi.

Safarkeeda Pakistan ayaa la filayaa inuu qaato afar maalin. Saraakiisha kooxda maalgalisa barnaamijka Malala ayaa ku wehlinaya safarka sida ay baahiyeen warbaahinta maxaliga ee dalkaasi.

Malala ayaa noqotay gabadh u ololeysa waxbarashada gabdhaha xilli ay ka mamnuuceen inay ka waddo gudaha Pakistan kooxda Taliban, waxa ayna si kama’a ah ku weerareen iyada bas la saarneyd arday iskuuley ah bishii October sanadkii 2012-kii.

Ms Malala ayaa waxaa lagu dabiibay dhaawaceedii isbitaal milatari oo ku yaala gudaha Pakistan, kaddibna waxaa loo gudbiyay dalka UK, halkaasi oo ay ku qaadatay dawooyin dheeraad ah haatanna ay kula nool yihiin qoyskeeda.

Dagaalyahanada Daliban ee Pakistan ayaa sheegay isla waqtigaasi inay madaxa ka toogteen maadaama ay taabacsan tahay reer galbeedka, ayna ku faafineysay deegaanka Pashkun dhaqankooda.

BBC











Click here
3/31/2018 12:03 PM EST
Sabti, Maarso, 31, 2018 (HOL)-Taliyaha ciidamada xoogga dalka Soomaaliyeed qaybta 52–aad Gen Axmed Maxamed Maxamuud Tareedisho ayaa sheegay in ay ku dileen howl-galadii ka socday Gobolka Hiiraan ee soo bilowday 14-kii bishaan 120 dagaalyahan oo ka tirsan Al-shabaab.

3/31/2018 10:28 AM EST
Sabti, Maarso, 31,2018(HOL)–Madaxweynaha Somaliland Muuse Biixi Cabdi ayaa madaxda Soomaaliya ku eedeeyey inay farogalin ku hayaan arrimaha Somaliland,isla markaana khalad iyo daandaansi ku tilmaamay dacwadda ay Soomaaliya u gudbisay UN-ta.

3/31/2018 8:31 AM EST
Sabti, Maarso, 31, 2018(HOL)–Israsaaseyn khasaare isugu jira dhimasho iyo dhaawac sababatay ayaa duhurnimadii maaanta ku dhaxmartay ciidamo ka wada tirsan Milatariga Soomaaliya halka loo yaqaan Xerada 77 ee ku taala degmada Dayniile.

3/31/2018 3:18 AM EST
Sabti, Maarso, 31, 2018 (HOL)–Guddoomiyaha Golaha Shacabka Soomaaliya Maxamed Sheekh Cusmaan Jawaari ayaa faah faahin ka bixiyay sababihii loo baajiyay kulankii Baarlamaanka ee maanta loo balansanaa.

3/31/2018 3:11 AM EST
Sabti, Maarso, 31, 2018 (HOL) –Dadka reer Muqdisho ayaa siyaabo kala duwan uga hadlaya go’aankii madaxweynaha dowladda Soomaaliya Maxamed Cabdullaahi Farmaajo uu ka qaatay kulankii maanta la filayay in ay yeesheen xildhibaannada Golaha Shacabka oo ahaa mid xasaasi ah oo dadka siweyn isha ugu wada hayeen.

3/31/2018 1:39 AM EST
Sabti, Maarso, 31, 2018 (HOL)–Waxaa dib u bilaawday isku socodkii dadka iyo gadiidka qeybo ka mid ah jidadka halbowlaha u ah magaalada Muqdisho, kaddib markii ay saakay bulshadu ku waabariisatay jidadka oo gabi ahaanba xiran.

3/31/2018 1:29 AM EST
Sabti, Maarso, 31, 2018 (HOL) Wasaaradda caafimaadka ee Falastiin ayaa sheegtay in ciidammada Israel ay dileen shan iyo toban qof oo dibadbax ka dhigayay xadka israel, halka kun qof oo kalena ay ku dhaawacmeen rabshadahaasi. Madaxweynaha Falastiniyiinta ayaa dowladda Israel ku edeeyay inay mas'uul ka yihiin dhimashada dadkani.

3/31/2018 12:38 AM EST
Sabti, Maarso, 31, 2018 (HOL)–Madaxweynayaashii hore ee Soomaaliya Xassan Sheekh Max’uud iyo Shariif Sheekh Axmed ayaa labaduba ka hadlay xiisada siyaasadeed ka dhax-taagan xildhibaannada Golaha Shacabka.

3/31/2018 12:31 AM EST
Sabti, Maarso, 31, 2018 (HOL)–War naga soo gaaray madaxtooyada Soomaaliya ayaa sheegaya in madaxweyne Maxamed Cabdullaahi Farmaajo uu baajiyay kulan xasaasi ah oo ay maanta yeelan lahaayeen xildhibaannada Golaha Shacabka.