9/24/2018
Today from Hiiraan Online:  _
Wararka Maanta- Arbaco, Mar 13, 2018
Wefti uu hogaaminayo Madaxweyne Biiixi oo u anbabaxay dalka Imaaraadka Carabta


Talaado, March, 13,  2018 (HOL) – Wefti uu hogaaminayo madaxweynaha Somaliland Muuse Biixi Cabdi ayaa galabta u anbobaxay dalka isku tagga imaaraadka Carabta.

Dalka Imaaraadka carabta ayaa diyaar khaas ah usoo diray madaxweynaha Somaliland, waxaana wararku sheegayaan inuu tagayo heshiishka sadex geesoodka ah ee Dp World iyo Itoobiya.

Weftiga madaxweynaha waxa ku wehelinayey wasiirrada wasaaradaha Arrimaha dibadda Dr. Sacad Cali Shire, Qorshaynta, Mudane Cawaale  Ibraahim Shirwac, Horumarinta Biyaha, Mudane saleebaan Yuusuf Cali Koore, Xidhiidhka goleyaasha iyo arrimaha distoorka, Mudane Maxamuud Xaaji Aadan,  Dhallinyarada iyo Ciyaaraha, Mudane Boos Mire Maxamed iyo guddoomiyaha xisbiga UCID, Eng. Faysal Cali-waraabe.

Ka hor intii aanay weftiga uu madaxweynuhu hoggaaminayaa ka ambo bixin madaarka Cigaal International Airport, waxa socdaalka weftiga faah-faahin ka bixiyey wasiirka horumarinta Biyaha Somaliland, Mudane Saleebaan Yuusuf Cali Koore,waxaanu yidhi “Waxa dalka ka amba-baxay wefti ballaadhan oo uu hoggaaminayo madaxweynaha Somaliland, waxaana ay u socdaan dalka Imaaraadka Carabta, iyaga oo casuumad rasmi ah ka helay dhaxalka sugaha boqortooyada Imaaraadka, Sheekh Maxamed Sheekh Saa’id Al-nahyaan, sidoo kale waxa nala socda guddoomiyaha xisbiga mucaaridka ah  ee UCID Eng. Faysal Cali-waraabe oo ay xisbiyada mucaaridka ah iyo madaxweynuhu isla garteen inuu raaco.”

Waxaanu wasiirku intaas ku daray “Inta madaxweynaha iyo weftigiisu dalkaas ku sugan yihiin waxa lagaga wada-hadli doonaa arrimo khuseeya labada dal ee Somaliland iyo Imaaraadka, horumarinta labada dal iyo horumarinta danaha guud ee labada dal iyo ta mandaqaddaba, aad iyo aadna waanu ugu faraxsanahay inaanu dal ahaan maanta halkaas marayno oo weftiga awooddaas leh maanta nalagu casuumo, anaga oo ka talin doonna ama kasoo hadli doona danaha Somaliland nooc ay tahayba ha ahaatee, waxaana aanu rajaynaynaa annaga war fiican, tallo fiican iyo ammuur fiican wadannana inaanu idinkula soo noqonno.”

Safarkan madaxweynaha ayaa ku soo beegmay wakhti ay siyaasad cakiran ka taagan tahay Somaliland iyo Soomaaliya oo isku khilaafay heshiishka saddex geesoodka ah ee dekada Berbera, waxaana baarlamaanka Soomaaliya laaleen heshiishkan, halka baarlamaanka Somaliland ansixiyeen heshiishkan, taas oo sii kala fogaynaysa wada hadaladdii u socday Somaliland iyo Soomaaliya

Barkhad-ladiif M. Cumar, Hiiraan Online

[email protected]

Hargeysa, Somaliland

 







Click here
3/13/2018 1:11 PM EST
Talaado, Maarso, 13, 2018 (HOL)–Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa tababar u soo xiray in ka badan 600 oo askari oo ka mid noqonaya ciidamada Daraawiishta ee ka tirsan Ciidanka Booliska Soomaaliyeed.

3/13/2018 12:50 PM EST
Talaado, Maarso, 13, 2018 (HOL) – 13kii Maarso Afar sano ka hor maanta oo kaliye ayeey aheyd markii ciidamo ka tirsan kuwa howlgalka midowga Africa AMISOM iyo dowladda Soomaaliya ka saareen degmada Buula-burte Ururka Al-shabaab oo muddo dheer gacanta ku hayay maamulkeeda.

3/13/2018 12:21 PM EST
Talaado, Maarso, 13, 2018 (HOL)–Madaxweynaha Somaliland Muuse Biixi Cabdi ayaa safar aan la sii shaacin ugu anbabaxay maanta dalka Iskutaga Imaaraadka Carabta.

3/13/2018 11:07 AM EST
Talaado, Maarso, 13, 2018 (HOL) – Maanta oo ay bishu tahay March 13-keedii ayaa waxa ku beegant ahay maalintii ugu dambaysay ee gabi ahaanba la joojinanayey adeega lacagta Mobile-ka la iskugu diro boqol dollar wixii ka yar iyo sarifka ay isticmaalaan shirkadaha waaweyn ee Dahabshiil, Telesom iyo Oomaar.

3/13/2018 10:14 AM EST
Talaado, Maarso, 13, 2018 (HOL)–AUN XIldhibaan Cumar Buraale Axmed oo ka tirsanaa mudaneyaasha baarlamanka dowlad goboleedka Jubbaland ayaa xalay saqdii dhexe ku geeriyooday magaalada Kismaayo, ayadoo maanta lagu aasay qabuuraha Baarcaleen ee duleedka galbeed ee magaalada.

3/13/2018 9:44 AM EST
Talaado, Maarso, 13, 2018 (HOL) – Madaxweynaha dalka Mareykanka Donald Trump ayaa shaqadii ka eryay Xoghayihiisa Arrimaha Dibadda Rex Tillerson.

3/13/2018 8:49 AM EST
Talaado, Maarso, 13, 2018 (HOL) –Kaddib kulan maanta ay ku yeesheen magaalada Hargeysa golaha Wakiilada Soomaaliland ayeey ku ansixiyeen heshiiskii Saddex geesoodka Dekeda Berbera ee dhex maray Somaliland, Itoobiya iyo Shirkadda DP World, waxaana heshiiskaas loo ansixiyay si aqlabiyad leh.

3/13/2018 7:10 AM EST
Talaado, Maarso, 13, 2018 (HOL)- Xildhibaanada Golaha Aqalka Sare ee Baarlamaanka Soomaaliya ayaa maanta ka dooday Qodob ku aadan Weerarkii lagu qaaday Guriga Senator Cabdi Xasan Cawaale Qeybdiid December 30, 2017.

3/13/2018 6:47 AM EST
Talaado, Maarso, 13, 2018 (HOL)-Madasha Talo Wadaag oo ay ku mideysan yihiin Siyaasiyiin iyo Mas’uuliyiin horay xilal u soo qabtay ayaa war saxaafadeed ka soo saaray xaalada uu dalka ku jiro.

3/13/2018 6:33 AM EST
Talaado, Maarso, 13, 2018 (HOL) - Kaddib markii dhawaanahay ay jireen warar sheegayay in qaar ka mid ah gacansato iyo Milkiilayaasha Garoomada yar yar ee lagu ciyaaro kubada ay qaateen Amaro ay dul dhigeen Al-shabaab ayeey maanta Wasaaradda Amniga Gudaha ee dowladda Federaalka Soomaaliya digniin u dirtay ganacsatada Soomaaliyeed, gaar ahaan kuwa ku dhaqan magaalada Muqdisho ee caasimadda dalka.

3/13/2018 5:00 AM EST
Talaado, Maarso, 13, 2018 (HOL)-Maamulka gobolka Banaadir ayaa bilaabay billoowday dib u howl-gelinta Nalalka ku shaqeeya Ileyska Cadceedda kuwaasoo qaarkood ay ku yimmaaddeen mudooyinkii u dambeeyay cillado kala duwan.

3/13/2018 4:18 AM EST
Talaado, Maarso, 13, 2018 (HOL)-Ciidamada dowlad goboleedka Jubbaland iyo kuwa xoogga dalka oo iskaashanaya ayaa saaka weerar qorsheeysan ku qaaday deegaanka Wirkooy ee gobolka J/hoose, halkaa oo ay saldhig ku lahaayeen xoogagga Al-shabaab.

3/13/2018 2:29 AM EST
Talaado, Maarso, 13, 2018 (HOL)–Wasiirka Wasaaradda Kalluumaysiga ee dowladda federaalka Soomaaliya Cabdiraxmaan Maxamed Cali Xaashi ayaa ka hadlay shir ku saabsan Kalluumaysiga Soomaaliya oo ka socda magaalada Nairobi ee dalka Kenya.

3/13/2018 2:03 AM EST
Talaado, Maarso, 13, 2018 (HOL)–Qorshaha Madaxweynaha Mareykanka Donald Trump ee joojinta toogashooyinka iskuulka ee uu mararka badan ka hadlay kumay jirin in kor loo qaado da’da qofka gadan kara hubka oo la gaarsiiyo ilaa 21.

3/13/2018 1:49 AM EST
Talaado, Maarso, 13, 2018 (HOL)–Ciidamada Amniga dalka Masar ayaa xirxiray dhalinyaro Soomaaliyeed oo dhalinyaro Soomaaliyeed, kaddib howlgal ay ka sameeyeen qeybo ka id ah xaafadaha degmada Nasri City oo ah meel si weyn Soomaalida ay u degan yihiin.

3/13/2018 1:42 AM EST
Talaado, Maarso, 13, 2018 (HOL)- Saraakiil Qaramada Midoobey oo shalay gelinkii dambe gaaray magaalada Baydhabo ee xarunta gobolka Baay ayaa kulan la qaatay ku-simaha madaxweynaha Goboleedka Koonfur Galbeed ahna Wasiirka Amniga, Xassan Xuseen Maxamed (Xasan Eelaay).

3/13/2018 1:35 AM EST
Talaado, Maarso, 13, 2018 (HOL)-Xildhibaanada Aqalka Sare ee Baarlamanka Soomaliya ayaa maanta Kalfadhiga 3aad kulankiisa koobaad ku leh Xarunta ay ku shiraan ee magaladda Muqdisho sida qaar ka mid ah xildhibaannada u sheegeen warbaahinta.