12/12/2018
Today from Hiiraan Online:  _
Wararka Maanta- Isniin, Mar 12, 2018
Muuse Biixi : Xiligan ma haboona wadahadal aan la yeelano Soomaaliya


 

Isniin, Maarso, 12, 2018 (HOL) – Madaxweynaha Somaliland Muuse Biixi Cabdi oo Wareysi gaar ah siinayay TV Hon Cable ayaa sheegay in xiligan munaasab ku aheyn wadahadal ay la galaan Soomaaliya.

Madaxweynaha dowladda Soomaaliya Maxamed Cabdullaahi Farmaajo oo khudbad ka jeedinayay munaasabadii furitaanka Kalfadhigii 3aad ee baarlamaanka Soomaaliya ayaa sheegay in dhaqse u bilaabayaan wada hadaladii ay la lahaayeen Somaliland.

Muuse Biixi ayaa ku raacay hadalkii ka soo yeeray wasiirkiisa arrimaha dibeda Sacad Cali Shire oo sheegay in ay dib u dhigeen si ku-meel-gaar ah wadahadaladii ay la gali lahaayeen Soomaaliya.

‘’Wada-hadaladu mar walba waa ay wanaagsan yihiin, laakiin watigan munaasab kuma aha, waayo yaan la hadalnaa, ma cid aan jirintaankeena aqoosaneyn, Annaga waxa aan dooneyno waa in aan isku soo hor fariisano sidii labo dowladood oo kale, iyaguna taa ma ogola, marka dowladda Soomaaliya iyo gobol Soomaaliya ka tirsan oo kale miyaan u wada hadalnaa.. Maya..’’ ayuu yiri Muuse Biixi Cabdi.

Madaweyne Biixi ayaa ka soo horjeestay in dowladda Turkiga gar-wadeen ka sii ahaato wadahadalo dhaxmara Soomaaliya iyo Somaliland, isaga oo sheegay in ay ku fashilmeen wadahadalladii horay labada dhinac u dhaxmaray.

Dhinaca kale, waxaa uu si adag uga jawaabay go’aankii ay dowladda Soomaaliya ka qaadatay heshiiskii saddex geesoodka ah ee dekedda Berbera.

‘’Horta waxaa is weydiin leh Berbera yaa maamula, kuwa leh heshiiska ayaa ka soo horjeednaa ma imaan karaan Berbera, marka meel aan gacantaada ku jirin oo aadan tagi karin in aad ka hadasho maamulkeeda waa ayaa darro, Annaga kama hadalno waxa ka socda dekedda Kismaayo, kama hadalno tan Boosaaso, waayo waan ixtiraameynaa oo labo dowladdood oo jaar ah ayaan-nahay,’’ ayuu yiri Muuse Biixi.

Qaar ka mid ah xildhibaannada golaha Wakiilada Somaliland ayaa ka soo horjeestay heshiiska oo ay ku tilmaameen mid aan waafaqsaneyn heshiisyadii horey u dhaxmaray xukuumadda Somaliland iyo shirkadda DP World, gaar ahaan waxaa ay xubnaha golaha Wakiiladu diideen saamiga dowladda Itoobiya laga siiyay Dekedda.

C/raxmaan Diini, Hiiraan Online
[email protected]







Click here
3/12/2018 3:14 PM EST
Isniin, Maarso, 12, 2018 (HOL)-Wasiirka Wasaaradda Howlaha guud iyo dib-u-dhiska dowladda Soomaaliya oo Eng Saadiq Cabdullaahi Cabdi oo safar shaqo ku jooga magaalada Jowhar, ayaa sheegay in wasaaraddiisu kala shaqeyneyso dib-u-dhiska kaabayaasha dhaqaalaha.

3/12/2018 2:25 PM EST
Isniin, Maarso, 12, 2018 (HOL) – Guddoomiyaha baarlamaanka Soomaaliya Prof Maxamed Cismaan Jawaari oo khubad ka jeedinayay fadhiggii xildhibaannada baarlamaanka Soomaaliya ay ku yeesheen magaalada Muqdisho ayaa si adag uga horyimid talaabada shirkadda DP World oo sida uu tilmaamay ah mid dhaawaceysa Siyaaddada iyo Qarannimada Umadda Soomaaliyeed.

3/12/2018 8:10 AM EST
Isniin, Maarso, 12, 2018 (HOL)–Masuliyiinta mamulka Degmada Baladxaawo ee gobolka Gedo ayaa maanta meel fagaare ah ku gubay qaad gaaraya ilaa 25 Jawaan, kaa oo la doonayay in loo gudbiyo degmooyinka gobolka Gedo sida Doolow, Luuq iyo ...

3/12/2018 7:06 AM EST
Isniin, Maarso, 12, 2018 (HOL) -Ciidamada ilaalada madaxtooyada Soomaaliya ee fariisinka ku leh agagaarka Isgoyska Taalada Sayidka ayaa maanta barqadii rasaas ku furay gaari uu lahaa Hanti-dhowrk guud ee Qaranka Maxamed Cali Afgooye.

3/12/2018 6:13 AM EST
Isniin, Maarso, 12, 2018 (HOL)–Kulan xasaasi ah oo xildhibaannada Golaha Shacabka ku yeesheen magaalada Muqdisho maanta oo Isniin ah ayeey ka soo saareen xeer dhowraya gobannimada iyo madax-bannaanida Soomaaliya, iyaga oo dhinaca kalana ka mamnuucay shirkadda DP World in ay ka howlgasho guud ahaanba Soomaaliya.

3/12/2018 2:42 AM EST
Isniin, Maarso, 12, 2018 (HOL)–Dhawaan waxaa soo baxay warar sheegaya in Al-shabaab ku amreen milkiilayaasha garoomada Salaxa ah ee xiliyada habeenkii lagu cayaaro Kubadda Cagta, ayaa waxaa arintaa jawaab ka bixisay Wasaaradda Amniga xukuumadda Soomaaliya.

3/12/2018 2:12 AM EST
Isniin, Maarso, 12, 2018 (HOL)–Wararka naga soo gaaraya degmada Jowhar ee gobolka Shabeellaha dhexe ayaa sheegaya in ciidamada Booliiska xabsiga dhigeen ganacsato sida lagu waramayo la balansanaa Al-shabaab.

3/12/2018 1:59 AM EST
Isniin, Maarso, 12, 2018 (HOL)–Askari ka tirsan ciidamada dowladda Soomaaliya ayaa lagu waramayaa in uu ku dhintay iska horimaad xalay degmada Kaxda ee gobolka Banaadir ku dhaxmaray ciidamo ka tirsan dowladda iyo Al-shabaab.

3/12/2018 1:48 AM EST
Isniin, Maarso, 12, 2018 (HOL) – Madaxweynaha Ruushka Vladamir Putin ayaa sheegay in uu isaga shaqsiyan amray in lasoo rido diyaarad shacab ah sanadkii 2014-kii, maadaamaa ay wadday bam lagu qarxin lahaa ciyaarihii olimbikada magaalada Sochi ee dalkaasi ka dhacayay.

3/12/2018 1:43 AM EST
Isniin, Maarso, 12, 2018 (HOL)–Maanta oo Isniin ah ayaa lagu wadaa in xildhibaannada Golaha Shacabka yeeshaan fadhiggoodii ugu horeeyay Kalfadhigga Saddexaad, waxaana lagu waramayaa in kulanka maanta noqonayo mid xasaasi ah oo xildhibaannadu dood adag ka yeelan doonaan heshiiskii Dekedda Berbera.

3/12/2018 1:29 AM EST
Isniin, Maarso, 12, 2018 (HOL)-Ra’iisul Wasaare ku xigeenka dalka Mahdi Maxamed Guuleed Khadar ayaa magaalada New Dalhi ee dalka India kulan gaar ah kula yeeshay Ra’iisul Wasaaraha dalka India Narendra Modi.