Ra’iisal wasaare ku-xigeenka Soomaaliya oo la kulmay ra’iisal wasaaraha dalka India
Isniin, Maarso, 12, 2018 (HOL) - Ra’iisul
Wasaare ku xigeenka dalka Mahdi Maxamed Guuleed Khadar ayaa magaalada New Dalhi
ee dalka India kulan gaar ah kula yeeshay Ra’iisul Wasaaraha dalka India Narendra Modi.
Labada masuul ayaa waxa ay ka wada hadleen siddii labbada dal
Soomaaliya iyo Hindiya isaga kaashan lahaayeen dhinacyada arrimaha bulshada
khaasatan Caafimaadka iyo waxbarashadda iyo in Shacabka Soomaaliyeed loo
fududeeyo dal ku galka Hindiya.
“Waxaan la kulanay Ra’iisal Wasaaraha dalka Hindiya Narendra Modi, runtii
kulankaasi oo aad muhiim u ahaa waxaanu kaga wada hadalay siddii labbada dal
Soomaaliya iyo Hindiya isaga kaashan lahaayeen dhinacyada arrimaha bulshada,
guul ayuuna ku soo dhamaaday” ayuu yiri mudane Khadar.
Ra’iisal Wasaaraha dalka India Narendra Modi ayaa dhinaciisa wuxuu
balan qaaday in India ay Soomaaliya si dhaw ugala shaqaynayso xiriirada
iskaashi ee arrimaha Bulshada iyo kuwa Dibloomaasiyadeedba.
Wafddiga Ra’iisul Wasaare kuxigeenka Soomaaliya ayaa inta ay joogaan dalkaasi
India kulammo la yeelan doona qaar ka mid ah madaxda ka qayb galaysa shirka
halkaasi ka dhacaya oo uu kala hadli doono iskaashiga labada dhinac.
C/raxmaan Diini, Hiiraan Online
[email protected]