6/23/2018
Today from Hiiraan Online:  _
Wararka Maanta- Sabti, Jun 9 , 2018
Dowladda oo soo bandhigtay nashqada lacagta cusub ee la soo daabacayo


 

Sabti, June, 09, 2018 (HOL) -Dowladda Soomaaliya ayaa markii ugu horeysay soo bandhigtay Nashqada cusub ee lacagta shilin Soomaaliga ah ee qorshuhu yahay in la soo daabaco.

Wasiirka Wasaaradda Maaliyada Soomaaliya Cabdiraxmaan Ducaalle Bayle oo shir jaraa’id ku qabtay magaalada Muqdisho ayaa warbaahinta u soo bandhigay nooca lacagta cusub ee dowladdu qorshuhu yahay in ay soo daabacdo.

Wasiir Beyle ayaa sheegay in lacagtan aan la daabacan karin, isla markaana waa lacag dahabi ah oo ay muuqaalo kala duwan ka muuqdaan. 

Lacagtan ayaa isugu jirta 10,000 iyo 5,000 waxaa la sheegayaa inay jirto tirooyin kale oo ay yeelan doonto.

Taallabadan uu qorshuhu yahay in ay qaado ah ayaa dowladda Soomaaliya ayaa marar badan oo hore waxaa ku guul dareystay dowladdihii ka horeeyay oo isku dayay in ay soo daabacaan lacag shilin Soomaali ah. 

C/raxmaan Diini, Hiiraan Online
[email protected]

 







Click here
6/9/2018 1:23 PM EST
Sabti, June, 09, 2018 (HOL)–Madaxweynaha Soomaaliya Maxamed C/llaahi Farmaajo ayaa faray Hey’adaha amniga inay shacabka u sahlaan isu socodka magaalada oo maalmihii la soo dhaafay ay shacabka dhib ku qabeen, kaddib markii ay ciidamada xireen jidad dhowr ah.

6/9/2018 12:34 PM EST
Sabti, June, 09, 2018 (HOL)–Guddiga difaaca Puntland oo maanta mar kale shir jaraa'id ku qabtay magaalada xarunta ah ee Garoowe ayaa ka jawaabay hadal dhawaan uu jeediyay guddoomiyaha xisbiga UCID ee Soomaaliland, Faysal Cali Waraabe.

6/9/2018 7:49 AM EST
Sabti, June, 09, 2018 (HOL)–Saraakiil Dhalinyaro Soomaali ah ayaa tababar loogu soo gabagabeeyay dalka Turkiga, halkaasoo muddo ku baranayeen casharo la xiriira heerarka iyo sharciyada kala duwan ee ciidamada leeyihiin.

6/9/2018 5:24 AM EST
Sabti, June, 09, 2018 (HOL)-Wasiirka Wasaarada maaliyada xukuumada Soomaaliya C/raxmaan Ducaale Bayle oo shir jaraa’id ku qabtay xafiiskiisa ayaa ka hadlay waxyaabihii u qabsoomay wasaarada maaliyada bishii la soo dhaafay ee May.

6/9/2018 5:05 AM EST
Sabti, June, 09, 2018 (HOL) - Hay’adda Qaramada Midoobay u qaabilsan dhallaanka ee UNICEF ayaa ka digtay in caruur kor u dhaafaysa 1.25 Milyan oo Soomaali ah ay halis ugu jiraan nafaqo-darro ba’an sanadkan, sababo la xiriira fatahaadihii ka dhacay Soomaaliya.

6/9/2018 2:38 AM EST
Sabti, June, 09, 2018 (HOL)–Madaxweynaha dalka Mareynkanka Donald Trump ayaa sheegay in uu ka tacsiyeeynayo geerida Askari Mareykanka ah ah looga dilay Soomaaliya, kaddib weerar Al-shabaab ay ku qaadeen iyaga oo ku sugan deegaanka Sanguuni ee dalka Soomaaliya.

6/9/2018 1:54 AM EST
Sabti, June, 09, 2018 (HOL)–Wararka ka imanaya magaalada Baydhabo ee xarunta gobolka Baay ayaa sheegaya in ciidamada maamulka Koonfur Galbeed gacanta ku dhigeen Labo ruux oo sida ay saraakiishu sheegeen ka tirsanaa Al-shabaab.

6/9/2018 1:46 AM EST
Sabti, June, 09, 2018 (HOL)–Dadka ku nool gobolka Tigray ee dalka Itoobiya ayaa dhigay dibadbax ay uga soo horjeedaan go’aankii dowladooda ee ku aadanaa in la dhaqangaliyo heshiiskii nabadda ee lagu soo afjaray dagaalkii xuduuda ee kala dhaxeya Eritrea.

6/9/2018 1:35 AM EST
Sabti, June, 09, 2018 (HOL)–Wararka ka imanaya deegaanka Awdiinle oo ka tirsan gobolka Baay ayaa sheegaya in rag hubeysan oo la sheegay in ay ka tirsanaayeen Al-shabaab ku dileen Nin iyo Xaaskiisa.

6/9/2018 1:16 AM EST
Sabti, June, 09, 2018 (HOL)–Xooggag Al-shabaab ayaa la sheegay in ay weerar ku dileel askari Maraykan ah, sidoo kale waxaa weerarkaasi la sheegay in ay ku dhaawacmeen ilaa Afar kale oo askari oo Mareykan ah.