6/17/2018
Today from Hiiraan Online:  _
Wararka Maanta- Sabti, Jun 9 , 2018
Madaxweyne Farmaajo oo ku baaqay in la furo jidadka xiran ee Muqdisho


 

Sabti, June, 09, 2018 (HOL) – Madaxweynaha Soomaaliya Maxamed C/llaahi Farmaajo ayaa faray Hey’adaha amniga inay shacabka u sahlaan isu socodka magaalada oo maalmihii la soo dhaafay ay shacabka dhib ku qabeen, kaddib markii ay ciidamada xireen jidad dhowr ah.

Qoraal kooban oo uu madaxweynuhu soo dhigay  bartiisa Twitter-ka  ayuu ku sheegay “Waxaan farayaa hay’adaha amniga inay shacabka u sahlaan isu socodka magaalada, jidadka xiranna loo furo. Nabadgelyadu waxay ku timaadaa wadashaqeyn dhexmarta labada dhinac. Shacabku waa inay la shaqeeyaan wiilasha iyo gabdhaha u taagan inay ka difaacaan kooxaha argagixisada”.

Baraha Bulshada ayaa waxaa hareeyay doodo ku saabsan xirnaanshaha waddooyinka oo dadka meelaha qaar laga celinayo, sidoo kalena gaadiidka lagu amrayo inay kala wareegaan, waxaana cabashada dadweynaha ay timid, iyadoo loo diyaar garoobayo maalmah Ciidul Fidriga oo fooda nagu soo heyso.

 

Madaxweyne Farmaajo ayaa la xusuustaa in xilligii ololaha uu ku jiray iyo khudbadiisa Musharaxnimada ee uu ka hor-jeediyay Baarlamaanka ku balan-qaaday in aan jidadka la xiri doonin, awoodda dowladdana aanay shacabka ku caburin doonin, balse waxaa la is weydiinayaa waxa illaa hada ka dhaqan galay balan-qaadyadaas.

Ciidamada ammaanka ayaa xiray dhamaan waddooyinka soo aada dhanka Wadada Maka Al-Mukarama iyo Isgoysyada Wadada Wadnaha, waxaana dadka ay lugeynayeen meelaha qaar ee loo diido in gaadiid lagu maro.

C/raxmaan Diini, Hiiraan Online
[email protected]







Click here
6/9/2018 3:54 PM EST
Sabti, June, 09, 2018 (HOL)–Dowladda Soomaaliya ayaa markii ugu horeysay soo bandhigtay Nashqada cusub ee lacagta shilin Soomaaliga ah ee qorshuhu yahay in la soo daabaco.

6/9/2018 12:34 PM EST
Sabti, June, 09, 2018 (HOL)–Guddiga difaaca Puntland oo maanta mar kale shir jaraa'id ku qabtay magaalada xarunta ah ee Garoowe ayaa ka jawaabay hadal dhawaan uu jeediyay guddoomiyaha xisbiga UCID ee Soomaaliland, Faysal Cali Waraabe.

6/9/2018 7:49 AM EST
Sabti, June, 09, 2018 (HOL)–Saraakiil Dhalinyaro Soomaali ah ayaa tababar loogu soo gabagabeeyay dalka Turkiga, halkaasoo muddo ku baranayeen casharo la xiriira heerarka iyo sharciyada kala duwan ee ciidamada leeyihiin.

6/9/2018 5:24 AM EST
Sabti, June, 09, 2018 (HOL)-Wasiirka Wasaarada maaliyada xukuumada Soomaaliya C/raxmaan Ducaale Bayle oo shir jaraa’id ku qabtay xafiiskiisa ayaa ka hadlay waxyaabihii u qabsoomay wasaarada maaliyada bishii la soo dhaafay ee May.

6/9/2018 5:05 AM EST
Sabti, June, 09, 2018 (HOL) - Hay’adda Qaramada Midoobay u qaabilsan dhallaanka ee UNICEF ayaa ka digtay in caruur kor u dhaafaysa 1.25 Milyan oo Soomaali ah ay halis ugu jiraan nafaqo-darro ba’an sanadkan, sababo la xiriira fatahaadihii ka dhacay Soomaaliya.

6/9/2018 2:38 AM EST
Sabti, June, 09, 2018 (HOL)–Madaxweynaha dalka Mareynkanka Donald Trump ayaa sheegay in uu ka tacsiyeeynayo geerida Askari Mareykanka ah ah looga dilay Soomaaliya, kaddib weerar Al-shabaab ay ku qaadeen iyaga oo ku sugan deegaanka Sanguuni ee dalka Soomaaliya.

6/9/2018 1:54 AM EST
Sabti, June, 09, 2018 (HOL)–Wararka ka imanaya magaalada Baydhabo ee xarunta gobolka Baay ayaa sheegaya in ciidamada maamulka Koonfur Galbeed gacanta ku dhigeen Labo ruux oo sida ay saraakiishu sheegeen ka tirsanaa Al-shabaab.

6/9/2018 1:46 AM EST
Sabti, June, 09, 2018 (HOL)–Dadka ku nool gobolka Tigray ee dalka Itoobiya ayaa dhigay dibadbax ay uga soo horjeedaan go’aankii dowladooda ee ku aadanaa in la dhaqangaliyo heshiiskii nabadda ee lagu soo afjaray dagaalkii xuduuda ee kala dhaxeya Eritrea.

6/9/2018 1:35 AM EST
Sabti, June, 09, 2018 (HOL)–Wararka ka imanaya deegaanka Awdiinle oo ka tirsan gobolka Baay ayaa sheegaya in rag hubeysan oo la sheegay in ay ka tirsanaayeen Al-shabaab ku dileen Nin iyo Xaaskiisa.

6/9/2018 1:16 AM EST
Sabti, June, 09, 2018 (HOL)–Xooggag Al-shabaab ayaa la sheegay in ay weerar ku dileel askari Maraykan ah, sidoo kale waxaa weerarkaasi la sheegay in ay ku dhaawacmeen ilaa Afar kale oo askari oo Mareykan ah.