8/19/2018
Today from Hiiraan Online:  _
Wararka Maanta- Sabti, Jun 9 , 2018
Nin iyo Xaaskiisa oo xalay lagu dilay deegaan ka tirsan gobolka Baay


 

Sabti, June, 09, 2018 (HOL) –Wararka ka imanaya deegaanka Awdiinle oo ka tirsan gobolka Baay ayaa sheegaya in rag hubeysan oo la sheegay in ay ka tirsanaayeen Al-shabaab ku dileen Nin iyo Xaaskiisa.

Warka arintan ku saabsan waxaa warbaahinta u xaqiijiyay guddoomiyaha deegaanka Awdiile Cali Xusseen Cali oo sheegay in ay lamaanahan la dilay ka tageen carruur.

Guddoomiyaha ayaa sheegay in uusan garaneynin sababta loo beegsaday labadan qof oo uu sheegay in ay ahaayeen ganacsato.

“Maqribkii iyaga oo afuray ayaa gurigooda loo galay, caruur ayay isku dhaleen, raggii dilka geystay way baxsadeen, balse ciidamo ayaa ku baxay waxaan rajeyneynaa in gacanta lagu soo dhigo gacan ku dhiigalayaasha” ayuu yiri Gudoomiyaha Awdiinle.

Shacabka ku dhaqan deegaanka gaar ahaan dadkii deriskii la ahaa qoyskan ayaa waxaa ay aad u hadal dhacdadan argagaxa leh, iyaga oo tilmaamay in laftirkooda ay soo wajahday cabsi.

C/raxmaan Diini, Hiiraan Online
[email protected]







Click here
6/9/2018 3:54 PM EST
Sabti, June, 09, 2018 (HOL)–Dowladda Soomaaliya ayaa markii ugu horeysay soo bandhigtay Nashqada cusub ee lacagta shilin Soomaaliga ah ee qorshuhu yahay in la soo daabaco.

6/9/2018 1:23 PM EST
Sabti, June, 09, 2018 (HOL)–Madaxweynaha Soomaaliya Maxamed C/llaahi Farmaajo ayaa faray Hey’adaha amniga inay shacabka u sahlaan isu socodka magaalada oo maalmihii la soo dhaafay ay shacabka dhib ku qabeen, kaddib markii ay ciidamada xireen jidad dhowr ah.

6/9/2018 12:34 PM EST
Sabti, June, 09, 2018 (HOL)–Guddiga difaaca Puntland oo maanta mar kale shir jaraa'id ku qabtay magaalada xarunta ah ee Garoowe ayaa ka jawaabay hadal dhawaan uu jeediyay guddoomiyaha xisbiga UCID ee Soomaaliland, Faysal Cali Waraabe.

6/9/2018 7:49 AM EST
Sabti, June, 09, 2018 (HOL)–Saraakiil Dhalinyaro Soomaali ah ayaa tababar loogu soo gabagabeeyay dalka Turkiga, halkaasoo muddo ku baranayeen casharo la xiriira heerarka iyo sharciyada kala duwan ee ciidamada leeyihiin.

6/9/2018 5:24 AM EST
Sabti, June, 09, 2018 (HOL)-Wasiirka Wasaarada maaliyada xukuumada Soomaaliya C/raxmaan Ducaale Bayle oo shir jaraa’id ku qabtay xafiiskiisa ayaa ka hadlay waxyaabihii u qabsoomay wasaarada maaliyada bishii la soo dhaafay ee May.

6/9/2018 5:05 AM EST
Sabti, June, 09, 2018 (HOL) - Hay’adda Qaramada Midoobay u qaabilsan dhallaanka ee UNICEF ayaa ka digtay in caruur kor u dhaafaysa 1.25 Milyan oo Soomaali ah ay halis ugu jiraan nafaqo-darro ba’an sanadkan, sababo la xiriira fatahaadihii ka dhacay Soomaaliya.

6/9/2018 2:38 AM EST
Sabti, June, 09, 2018 (HOL)–Madaxweynaha dalka Mareynkanka Donald Trump ayaa sheegay in uu ka tacsiyeeynayo geerida Askari Mareykanka ah ah looga dilay Soomaaliya, kaddib weerar Al-shabaab ay ku qaadeen iyaga oo ku sugan deegaanka Sanguuni ee dalka Soomaaliya.

6/9/2018 1:54 AM EST
Sabti, June, 09, 2018 (HOL)–Wararka ka imanaya magaalada Baydhabo ee xarunta gobolka Baay ayaa sheegaya in ciidamada maamulka Koonfur Galbeed gacanta ku dhigeen Labo ruux oo sida ay saraakiishu sheegeen ka tirsanaa Al-shabaab.

6/9/2018 1:46 AM EST
Sabti, June, 09, 2018 (HOL)–Dadka ku nool gobolka Tigray ee dalka Itoobiya ayaa dhigay dibadbax ay uga soo horjeedaan go’aankii dowladooda ee ku aadanaa in la dhaqangaliyo heshiiskii nabadda ee lagu soo afjaray dagaalkii xuduuda ee kala dhaxeya Eritrea.

6/9/2018 1:16 AM EST
Sabti, June, 09, 2018 (HOL)–Xooggag Al-shabaab ayaa la sheegay in ay weerar ku dileel askari Maraykan ah, sidoo kale waxaa weerarkaasi la sheegay in ay ku dhaawacmeen ilaa Afar kale oo askari oo Mareykan ah.