Talaado, June, 19, 2018 (HOL )- Wasiirkii hore ee arrimaha dibadda
Soomaaliya,Ismaaciil Hurrre Buubaa ayaa soo dhaweeyay qodobbadii ka soo baxay
wada-hadal ay Sabtidii ku yeesheen magaalada Muqdisho ra'iisul wasaaraha
Itoobiya, Abiy Axmed iyo madaxda sare ee dowladda Federaalka Soomaaliya.
Wuxuu ku sheegay booqashada Abiy ee
Muqdisho mid taariikhi ah, isagoo fikir ahaan caddeeyay micno weyn inuu ku
fadhiyo qodobbada ay dowladda Soomaaliya kula heshiisey Itoobiya.
"Booqashada ra'iisul wasaaraha
Itoobiya ku yimid Xamar ,siyaalo aad iyo aad u qote dheer bay anniga ila tahay
inay u saameynayso Soomaaliya, Soomaaliland gayiga Soomaaliyeed oo dhan ,
qodobbadii ka soo baxay warmurtiyeedkii laga soo saareyna aad ayuu u qoto
dheera , waa arrin loo baahanyahay inan meel soke laga eegin oo si deggan oo
cilmiyeesan loo wada eego, waana arrin taariikhi ah oo ay Soomaali oo dhan ay u
baahantahay." ayuu yiri Ismaaciil Hurrre Buubaa oo la hadlay
raadiyaha maxalliga ah ee Goobjoog.
Gabagabadii, wuxuu sheegay heshiiska
dekadaha inuu yahay mid isbedallo ka hirgelin kara guud ahaan dhulka
Soomaalida, wuxuu muujiyay in hadda kaliya un la heshiiyey balse la sugayo
qaabka heshiiskaasi uu ku dhaqan-galayo.
Iman Jama
Nairobi,Kenya
